只要定立目標, 無話唔可能!

有位前同事, 幾年前去覺塔羅牌, 又去學生命密碼,

今年, 我諗住佢玩玩下, 竟然唔聲唔聲, 成為NGH 註冊催眠治療師

http://soulout.biz/ Florpy 就係我既前同事喇.

其實真係嚇咗我一跳, 

佢令我又感動, 又慚愧. 

佢既成功, 令我好鼓舞; 佢既成功, 令我覺得無嘢係無可能既;

佢, 令我學會: 只要有目標, 再加上努力, 一定會成功!

一直以嚟, 我唔覺得定目標就會成功,

但佢令我知道, 如果唔定下目標, 就一定唔會成功!

小豆貓貓

 

香港都有好多好心人!!!

失落感

今日約咗Vanessa俾份 document 俾佢,

約咗係灣仔地鐵站, 原來佢去金鐘,

行去車箱時, 好搞鬼咁佢竟然入咗車,

但我入唔到......  唯有.... 佢同我都係樹大笑....

(我地久唔久就會發生依d 勁搞鬼既嘢...)

到咗金鐘, 傾咗一陣, 我問佢係唔係29/7 就飛?

佢話係... 當時, 我無咩感覺....

但當我同佢say goodbye,

自己行入車箱時,

突然感到一種失落感......

心情很重很重.... 不捨得既感覺..... 很重很重....

要走了嗎? 是. 應該今年都不會回港...

有個衝動, 想去送佢機....

要讀樹仁... 無得讀花療....

昨晚收到信, 樹仁收我補讀一年制degree.

事關我當年讀樹仁時未係大學,

如果自己要番個學位,

就要讀番依個course 先得.

學費應該ok 應付到, 但嚟緊依一年就會好辛苦,

因為我掉低咗本書好耐,

突然要讀番書, 仲要一次過係三個月讀3課,

又要exam.... (對我嚟講係最大壓力...)

都唔知應唔應付得嚟....

估唔到阿媽反對我讀....

佢驚我好辛苦, 但我話唔試過又點知呢?

好彩男友支持我.

其實我都好需要別人既支持,

唔係睇死我既說話....

 

巴哈花療法--後記

我之前太過投入動物之森喇!!!

放低咗本 "巴哈花療法" 無睇到....

今日要開始睇番本書先得....

跟住就會買本" 巴赫醫師的人生教科書"睇...

自己要同自己加油