Willow (楊柳)

最近我的牙根好緊, 緊得要命,

就算放鬆自己, 都係無咩用咁,

今朝終於"的"起心肝用心抽花藥,

主要focus 係牙根問題...

抽到willow,

睇番case, 原來係一直唔鐘意做自己現有既嘢,

但又迫住自己要去做, 去"希生"自己去做,

又不滿現在做既嘢, 認為自己仲可以做更高層次既嘢,

我一直都有咁既思想, 估唔到原來花藥係有依種情緒,

我諗我要食willow 一排先. . .

註: 食咗, 今日牙根好似無咁緊, 希望可以開解到自己啦

鳳仙花中

放工時, 都無咩嘢......

去到中環站, 俾人撞咗一嘢....

係覺得痛, 但感覺都係無嘢喎....

到搭村巴, 頂唔到, 唔知點解情緒又嚟喇...

返到屋企, 抽時只係話俾自己知抽一隻...

一抽 - 鳳仙花. . .中呀~~~ 又急又煩

情緒發-擔心中

可能昨晚聽到男友講佢阿媽既事,

我今日開始諗好多嘢,

擔心依樣, 擔心個樣...

去toilet 時突然諗起急救花藥,

我即刻食咗兩滴, 再放d 入個杯入面,

諗住今日可以drink. . .

到依家三點, 唔知係咪忙,

我個擔心少咗. . . 可能分咗心吧...

謝謝你 - 急救花藥.

牙根緊的問題

Crystal Lau 我的問題, 是牙根好緊, 緊到好累... 我不明白, 跟住抽到holly, 冬青, 問題是什麼呢? 可能係公司的某同事, 佢所擁有的福利, 令我好妒忌, 一個星期番四日工, 唔駛輪返星期六, 人工高, 把前阿姐要做既事都pass 哂俾其他人做, 佢既工作能力, 令到大家, 包括我好懷疑... 等等等... 但我無講出嚟, 講出聲係無用既, 因為有人撐佢囉, 高層撐佢就得啦.... 我牙根緊, 係因為我選擇咗唔出聲... intensive 既angry + jealous 產生既憤怒....
我好似好了解, 但, 我還在想是否跟父母有關? 因為我食咗花藥, 久唔久還是牙緊得利害...

Tuesday at 12:35am · Comment ·LikeUnlike · Flag

Arden Wong

面對周遭的人與事，會讓我們「產生」了種種情緒，但情緒源起，是我們自己的內心，引領我們往靈魂的療癒。

所以，周遭人與事，成長的經歷，都只靈魂狀況的鏡子，讓 我們徹底去感受那憤怒和嫉妒，就會讓其化解，並從心裡生出愛心。

Wednesday at 10:47pm · Flag

Crystal Lau

"徹底去感受那憤怒和嫉妒", 多可怕的事... 最怕就是想極都想不通, 不停鑽進牛角尖, 讓自己超苦惱.... >.< 真的可以看清這面鏡子, 很難吧... 還是要多點時間....

Yesterday at 1:00am ·

Arden Wong

這個也是我這世學習的大功課，去感受，不是去想，把覺知放在心的位置，不是腦袋。

13/5, 你身體有何不適?

我的問題, 是牙根好緊, 緊到好累...

我不明白, 跟住抽到holly, 冬青, 問題是什麼呢?

可能係公司的某同事, 佢所擁有的福利, 令我好妒忌, 一個星期番四日工, 唔駛輪返星期六, 人工高, 把前阿姐要做既事都pass 哂俾其他人做, 佢既工作能力, 令到大家, 包括我好懷疑... 等等等... 但我無講出嚟, 講出聲係無用既, 因為有人撐佢囉, 高層撐佢就得啦.... 我牙根緊, 係因為我選擇咗唔出聲...

intensive 既angry + jealous 產生既憤怒....

我好似好了解, 但, 我還在想是否跟父母有關? 因為我食咗花藥, 久唔久還是牙緊得利害...

我很想講一講龍芽草.

我很想講一講龍芽草.
我第一次睇arden, 我唔記得抽左咩喇, 因為我連個樽都唔見咗,
但我最記得入面有龍芽草,
還記得arden 問我有咩唔舒服, 我話無咩喎,
抽完之後, 佢問我係咪關於屋企既問題, 例如細細個預到d 咩唔開心,
我即刻流哂眼淚, 我現在諗arden可能見怪不怪啦,
但我就好少好少在公眾地方喊,
佢咁樣問我, 我完完全全無防避,
只係樹一邊喊, 無講任何野... (或者我唔記得講過d 咩喇)
其實當時我個腦係一片空白, 只喺諗點解停唔到眼淚呢?
當然啦, 問題係出自細細個我無咩人理會,
我自知成積唔好, 有咩事父母都會找家姐,
直到家姐阿妹唔想去做, 唔願意去做, 就會輪到我做,
我為咗係阿媽眼中還有存在價值,
唔願意, 都迫自己去做, (其實有點似矢車菊)
從來唔會話過不. . .
唔開心既時候, 就會收埋自己一個人,
埋怨我在父母眼中只不過喺"鍾無艷",
正所有事鍾無艷, 無事夏迎春囉. . .
以前一諗起依兩句, 眼淚又會流出嚟,
依家呢? 我已經無諗好耐, 同埋再講出嚟,
好似只係對我一個經歷的記錄....
雖然家人既事, 永遠都係我第一位,
但我起碼唔會再強迫自己去做D 唔開心既事,
起碼, 我會識SAY NO!

花藥蠟燭(象牙白的)

給跳跳:

嗰日我買咗三枝蠟燭, 象牙白同白色係我要既, 另外綠色既係送俾朋友(下星期先俾到佢)

返到屋企打開兩支蠟燭, 就好like 象牙白個支, 第二晚(即係星期日晚大約十一點幾)就點黎試試, 無味個喎, 同埋我從來都無在睡房點蠟燭, 仲俾阿媽笑我仲咩開燈點蠟燭添...

我跟住做功課, 做做下就瞓著咗, 三點幾先"瞓"醒, 熄燈熄火再瞓過啦(第二朝仲要返工麻)

第二朝醒咗(星期一), 即刻頭痛, 我以為感冒發, 無理啦, 返公司飲罐寶礦力諗住好快無事(我通常飲寶礦力好快就無事!), 點知都係唔得. . . 痛咗成日. . .

到咗第二朝(星期二), 無星期一咁痛, 但朝早都係飲多罐, 到咗中午就無事喇. . .

最初我以為係感冒, 又或者可能係前幾日唔夠瞓, 但我跟住都"補"瞓番, 應該無事個喎 . . . 諗諗下, 可能就係點蠟燭太耐. . .

我一向都有一個問題, 就係遇到一d 好強能量既嘢, 例如捷克隕石, 就算係別人戴在身上, 我就會好難呼吸, 對得耐d 既話, 還會頭痛. . .

雖然曾經頭痛, 但又唔係話支蠟燭無幫助喎. . . 之前我在工作中帶來好多唔開心既事, 極度影響我既情緒, (甜栗同冬青噴霧已經幫我好多, 但還好似欠了點什麼的), 而係今個星期, 我既心情變得輕鬆咗好多, (另亦有第二個原因就係工作無咁忙)

現在, 我會限自己每晚唔可以點多過一個小時, 等自己慢慢去適應下, 其實, 我覺得就咁放係房, 唔駛點, 我都覺得佢自自然然會起作用!

 

 

收到花藥後感. . .(2)

11-13/5 今個星期, 可能無咁忙既關係, 我覺得心情都放鬆左唔少. . . 但我每朝都如常食4滴,

只係. .  昨日13/5, 我發現藥力都有時限. . . 昨日大約下午4點鐘, 我發現情緒又開始唔穩定, 有邊個人一觸法我就大獲. . .

現在回想, 點解會咁既呢? 諗諗下, 係呀, 昨日朝我除左食芥, 胡桃和榆樹之外, 因為我昨晚要返學, 所以順便飲埋栗苞. . .

會唔會有影響呢???  

收到花藥後感. . .

5/5

自今個星期一晚收到花藥後, 星期二一早我就試食, 因為返咗公司我就咩都唔記得, 淨係記得做嘢做嘢. . .

整日, 我發現無咩喎, 我發覺當得我一個人在公司時, 我會自己諗埋哂好多嘢, 例如點解得我一個? 點解我要留係樹做做做? 點解我要咁辛苦? 點解得我一個孤軍作戰? 邊個令到我有咁既轉變? 點解我唔辭職?

但直到我放工, 我無咁既諗法, 好平靜咁搭lift走人. . . 當我一個人行去巴士站時, 我發現原來我好"呆". . . 就好似阿金之前話既"呆". . . 當初阿金講時, 我係理解唔到, 咩叫"呆"呢? . . .

個一刻, 我發現原來當一個人係咁衝衝衝, 衝完個一刻, 個心好似離一離, 成個人空洞洞咁: "我之前做過d 咩呢? 我之後要做d 咩呢?" 好似無咩感覺, 只係下意識知道搭咩會返到屋企, 開門, 沖涼等等. . .

最緊要係. . . 個人好攰, 做咗成日嘢, 緊係攰啦, 但我係連個思想都好攰. . . 攰到唔想講嘢, 唔想諗嘢, 最後有張床俾我, 我會即刻瞓著. . .唔好有鬧鐘, 俾我瞓到幾點就幾點啦. . . (但我第二日要返工喎. . .)

 

6/5

我發現我自己咁"呆"法, 唔係好掂喎, 今晚要返學, "呆"咗點算好? 所以我今朝只係滴咗2滴 (正常係4滴)

ok, 返到公司. . . 唔得喎, 開始又亂諗嘢喎, 開始又好辛苦(因為d 工作又難又多又得我一個人做. . .), 開始又想喊喎. . . 唔知點解, 個一刻我又無再飲花藥喎. . . 可能醒唔起瓜. . .

 

7/5

有咗之前既經驗, 今朝幾帶都要飲番正常4滴先. . .

ok 喎. . .我整日都久唔久講到下笑喎. . .

其實之前我唔講嘢, 後面既同事講笑呀, 傾嘢呀, 我無參予, 好似自閉咁, 除咗公事, 其他我一律無講, 我知道後面既同事好擔心我, 但個一刻, 我真係唔想講嘢喎. . .

但今日, 我真係好似好正常咁同佢地講下傾下. . . 真係好似無事一樣. . .

 

8/5

滿以為我無事, 所以今朝我決定無飲到. . .

大獲. . . d 嘢又係排山傾海咁嚟, 仲獲獲都好麻煩, 唉 . . .突然醒起, 無食花藥喎. . . 唔埋其他人, 飲咗先算啦. . 唔係我就死得喇. . .

真係唔到你唔信, 過咗無幾耐, 又ok 番喎. . .

收到花藥

昨晚收到arden 既花藥: Mustard + Walnut + Elm . . . 今朝臨出門口前先飲咗幾滴, 因為一返到公司, 就一定會唔記得. . .

整日, 我覺得無咩嘢, 都係做做做. . .

諗住明晚要返學, 月頭要做既嘢, 可以做到既咪做埋先走人囉. . .

做到九點放工, 一路行去搭車, 發現我做到九點, 個心情都係差唔多. . .

只係. . . 超攰. . . 唔想行, 唔想諗. . . 有巴士就搭, 無就搭地鐵. . .

無咩情緒, 只係感覺到阿金所謂既"呆". . . 我終於明白. . . 我係好呆. . . 好攰. . .

頭先係樹諗, 點解會發生"呆"依種狀態呢?

我覺得花藥就好似對啱既鎮靜劑一樣. . .

見到arden 後記

♀我係金金♀愛上聖星百合 說:
佢呀 !!! 係咁話 arden 整喊妳係衰的 !! 唔好的!!

Crystal 說:
咦...  聽到?

 ♀我係金金♀愛上聖星百合 說:
我同悠貓都襟住佢唔比佢過去

 ♀我係金金♀愛上聖星百合 說:
我地話 ~ 有 d 野係要清的 ~難得清到點解唔比佢清呢

 ♀我係金金♀愛上聖星百合 說:
悠貓仲爆笑 : "咁咪好囉 ~ arden 整喊佢你氹返佢麻"

 

講真, 唔知點解, 見到arden, 係有想喊既感覺,

可能覺得講咗俾佢聽, 佢會了解, 同埋知道我應該食邊隻花藥.

我係個隻: 講咗有用先會講, 講咗無用就唔講.... 怕無共鳴, 講咗"side"氣....

話清咗d 嘢, 其實唔知有冇清到, 因為我覺得我既問題太深太耐......

係見完arden 個晚喊咗一次,

跟住依兩日, 係公司, 想喊但忍住了,

忍得多, 返到屋企喊唔出,

係要有樣嘢引到我先會喊到. 好似個晚睇到阿金講聖星百合就無原無固喊到出嚟.

 

今天終於見到arden....

見到arden.... 其實都驚驚地, 因為怕自己失控....

但見到佢, 無理由唔問下, 機會難得... 點都要試一試!

佢問我最近有什麼煩事, 我話工作上有轉變, 由AR AP, 轉做L/C,

係我從來無接觸過既嘢, 又係對公司好重要, 覺得有壓力, 且又要面對返學讀書既工課同考試....

佢先叫我放鬆心情, 由頭到身體, 睇下邊道有唔舒服.

其實我由昨晚到見到佢個一刻, 我都有頭痛.

但當我放鬆成個人, 我只係感到空白.

佢問我想問咩問題, 我諗咗幾秒, 無....

跟住佢叫我抽一支花藥... 我... 無心水, 抽唔到...

佢又問我, "咁你回想一下, 你想問咩問題呢?"

我... 又答唔出.... 跟住佢叫我右手放在心,

叫我抽兩支, 我抽到一支, 係wild oat 野燕麥, 另一支, 我抽唔到,

我同佢講, 我抽都未必係我所想既, 因為我真係抽唔出...

佢叫我再放鬆心情, 再抽一次.... OK, 今次抽到芥末.

芥末, 係無原無固情緒低落, 依個我知道我有咁既情況,

佢問我係因為屋企原固, 我D 眼淚就不其然流咗出嚟...

我都唔知點解, 佢問我係咪因為細細個唔開心? 又久唔久會喊?

我流咗一陣眼淚, 話細細個時無人理我.... 唔開心會喊.......

我一直唔知道屋企對我既影響係咁大既,

原來我既問題所在係家人對我既問題.

佢話我抽唔到, 係因為我唔想去解決個問題,

我話個D 已經係以前既事, 過去都已經過去,

佢話我仲係未想去面對,

佢開咗野燕麥 + 芥末 + 聖星百合 + 荊豆

話食咗會喊多咗..... 應該係情緒上既舒發.

我都知道喊對我係一種舒緩情緒既方法,

但不知何時起, 我已經唔太識得喊,

可能係阿金所講, 因為理智令自己唔好喊....