今朝阿媽話要買部大機放入我房,
部機用黎"帶過帶"錄野,
我條根又黎喇,
佢間房大我咁多,
放唔到部機?
係要放入我間房?
之前同佢講過唔好放咁多野,
搞到我間房似士多房咁.
佢間房咁多位,
我就得番一條"行"行路. . .
我好"灰"氣話"咁你放啦, 有位你就放啦,
插蘇唔夠, "蚊"哂佢啦, 個d 制用係風扇,
hi fi 仔同個抽濕器, 全部我都唔要喇, 你用啦..."
我跟住返工, 一路行, 諗點解我咁激動呢?
係因為........
我連我自己既地方都保護唔到,
阿媽話要, 我無法子話唔好,
但個心又唔舒服
搞到自己唔開心, 阿媽見到咁又唔開心. . .
又諗下依d 算唔算係"小我"既出現??
唉... 要平服下自己既情緒先....
話說昨日輪到我返星期六,
其實星期六對我嚟講, 以前係無咩嘢做既,
但自從轉咗做L/C, 星期六都會做足半日...
大約到十點十五分, 好少星期六返工既老闆竟然返工喎!!!
嘩.... 算唔算捉蛇呢? 好彩我唔會遲過九點廿分返工,
所以唔會俾佢捉到,
仲有就係無俾佢捉到我係公司玩facebook 囉...
佢見到我成枱都係銀行d debit advice,
梗係知道我係做嘢唔係玩啦...
到十一點半, 我聽到佢走人,
但我d 嘢都未做好.... 老闆可能聽到我個mouse "look" 得好快,
特登走番轉頭同我講"bye bye"! 梗係順便睇下我有冇玩啦...
haha.... 我忙到死呀, 邊有時間玩呀!
放工, 我同男友去咗灣仔既"三六九"食飯,
叫咗聖子, 蝦仁炒蛋客飯, d 聖子好似滑"珊珊"咁,
味道就一般啦, 蝦仁炒蛋就standard 啦,
食完, 就去尖沙咀買貨, 行咗去尖沙咀碼頭個間M 記食咗個麥樂雞..
夜晚就去咗美麗華隔離既妹記大排檔食咗個鐵煱雞同南瓜煲,
............ 返到屋企, 竟然胃痛..........
第二朝竟然..... (續)
A: (飛出的牌) 放下你的過去:
我相信"過去" 意指今年在工作上所發生的事, 令我的情緒不穏定, "不代表你需要和你原諒的對象在一起, 它只意謂你釋放有害情緒以尋求平靜", 指的對象, 應該是指工作或是某一同事... 其實我反而多謝阿金幫我清除我情緒上的問題, 令我覺得昨天同今天的分別.... 且還有花藥的幫助, 今天的我比昨天的我已經有好大不同...
放下過去, 並不容易, 講就易, 但不是一時三刻可以做到. 但今天的我已經有好大的進步.
你渴望什麼?
其實我渴望什麼呢? 我很明白, 離開現在工作的地方,
但, 我恐懼的, 是離開了, 就找不到一份工作, 一份比現在好的工作, 同事可以夾得來嗎? 人工會唔會比現在低呢? 我明白唔轉又唔知將來的事. . .
始終受"沒有錢, 沒有收入"的恐懼, 我還是恐懼....
左牌: 白日夢
是指我過去(和現在)做的L/C, 要我有敞開的心和接受這份工嗎? 我還在默默的工作, 不開心, 流淚, 還是要做, 它對我來講, 實在太大壓力... 我接受不了.
"白日夢"不是第一次抽到, "允許自己放鬆與放手, 去做你一直想要的新嘗試", 我是想嘗試找一個靈性導師, 教我基本功... 只是可遇不可求... 我會慢慢找的.
中牌: 關係
關係噢關係, 應該是我心中的問題所在, 不論中牌, 右牌, 都出現過. 也是不只一次出現噢.
"信任你對目前這段關係感覺, 並根據它來處理事情" , "正進入一個良性的關係", 我不懂, 應該如何做呢?
右牌: 婚禮
最有可能的, 不是"接到愛情上的提議" , 而是生意上的提議, 即工作上又有改變嗎? 不會吧. . . 不過只要不是做L/C, 其他的應該ok 吧.... 其實有想過我會否上V小姐的位, 但以我跟少爺仔既關係, 俾佢丙過, 應該沒有這過機會吧.
而且, 我太過情緒化, 我無可能做到V 小姐的位置....
睇嚟我要努力睇下有咩工作啱我喇.....
Q: 請天使給予我和simon 的指引.
A: 使自己扎根:
是否先要扎好我與男友的關係? 根機打得好, 對將來我與他一齊生活, 都會有幫助.
之但係, 唔會係要我同佢同居麻??? 其實同居, 我無咩所謂, 只是別人既閒言閒語, 同埋爸媽的面子, 我唔可以亂來麻.....
我估都係要多了解他, 想一想是否已經準備好同佢一齊生活?
左牌: 眼中盡是愛:
之前同佢一齊拍拖, 要適應同佢一齊既時候, 大家見解不同, 有時會argue, 有時會好開心, 有笑, 有淚, 有好多回憶. 現在才叫知道點樣同佢一齊生活. 最重要是對佢既愛, 要堅持到低.
中牌: 心輪
最重要是敞開自己的心, 這是我覺得還要在努力當中, 因為我知邊男友是無條件的愛著我, 可以的話把所有好的東西都給我, 這是我很明白, 我都不知道是否三生有幸, 得到佢無私的愛, 我明白我要真惜他.
要敞開我的心, 真的一點都不易, 因為一直以來, 我都只活在自己之中, 我想天使會幫助我!
右牌: 新鮮空氣
昨天去西貢走走, 確實是最好的選擇呀! 新鮮空氣麻, 長久以來都沒有好好的走, 只是留在家呀, 去商場呀等, 沒有到外面走走, 吸一些新鮮空氣.
去到西貢, 買了家人想食的馬有, 又食咗佢最鐘意的海鮮, 不知幾開心, 雖然工作還在, 今天先去開開心心的玩一天吧...
自從男友轉咗工, 我同佢都好耐無一齊出去玩喇. 今日一於出去行下先得!
八點半, 男友叫醒我, 雖然係早咗d , 但無所謂啦, 難得一日大家都好想出去行下...
九點半, 男友已經到咗我屋企留下, 我地一齊去食個早餐先, 地點係新香城茶餐廳, 我叫咗個腸仔奄列, 佢就食叉燒奄列, 真係好耐好耐無同佢一齊食早餐喇....
跟住我地搭車去咗荃灣搵髮夾, 話說之前係港灣豪庭買咗四個細細既髮, 依家只剩得番一個, 我一定要買番幾個先得, 但去到荃灣, 行咗六,七間, 都無啱心水既....
所以我地決定去番港灣豪庭既citi store 搵下, 去到, 我地先去懷面一番, 去咗我地之前好意外咁搵到一間勁好味既"康泰燒臘店", 叫咗個列牌既叉燒油雞, 再加碗例湯, 嘩! 正到呀! d 水準無變喎, 我地覺得好滿足呀!
買完夾夾, 我地就搭地鐵, 去我地既最終目的地: 西貢!
去到彩虹地鐵站, 見到我家之前住過既地方:
雖然我無住過, 但因為成日聽屋企人講佢地之前住坪石點點點.... 對佢反而有一種溫暖既感覺...
我地搭van 仔, 去到西貢, 就即時去咗滿記食咗兩碗糖水先.... 哈哈. .. 不經不覺已經食咗第三餐喇. . .
食完後, 我地就行下市集, 好多之前去過既舖頭, 例如舊式既木傢私等等, 都已經無哂, 取而代之既係d 地產呀, 便利店呀等等.... 好似無咗d 特式咁...
之但係, 海邊既特式就無改變到喎:
我地係海邊搵咗好耐, 先揀到條馬有, 好長, 好柢下喎. . . 嘻嘻...
去到新公眾碼頭, 見到個奇境喎:
嘩, 咁大支炮. . . 攞嚟做咩呀? 咪影個幾隻鷹囉.... 嘿嘿...
到咗晚餐部份, 我地揀咗全記試下:
聖子皇.... 勁好味呀! 又大隻..... 最good!
蟹.... 你最貴, 又係最好食. . . 食到男友都話你最very very good!!!
象拔"旁" 加帶子...
帶子都好有鮮味, 算ok 啦...
依個象拔"旁" 就.... 麻麻地喇, 有沙, 同埋同其他比較, 失色囉....
最後, 影番幾張相留念先:
Q: 
請給我工作上的指引.
A: 犒賞自己:
要奬賞自己嗎? 我有呀! 我買咗珍珠手練啦! 買咗副眼鏡啦! 好貴呀!
最近可以因為工作壓力太大, 買嘢時都無以前話左諗右諗, 想買, 見價錢可以afford 得到, 就買喇, 工作上已經夠辛苦, 買嘢都要諗就真係慘喇.....
(就因為太過放緃的關係, 依兩個月駛大咗, 反而要慳番D.......
左牌: 放手與臣服:
以往都是自己去解決問題, 這是對的, 因為一直以來都是為自己... 工作是我的收入來源, 就算多不願意, 都因為害怕無咗份工作, 唔想做既工作, 都唔夠膽去拒絕, 對自己講學多一樣東西是對自己好.
好多同事都見到我工作得好唔開心, 大家都因而讓我遷就我... 我好多謝佢地...
中牌: 玩樂:
之前都有問過工作的問題, 依張牌都唔係第一次出現, 如果可以稍微放下工作就好了, 只是, 無人會願意做我的工作, 那位可以代替呢? 我想是請另一個人吧....
昨晚因為要趕返家中食飯, 我都算放下未做完的工作, 把工作留到下星期吧... 我總算做到了吧.
右牌: 大好時機:
這也是不只出過一次的牌... 但我一直都不敢相信現在就是一個大好時機...
真的是離開的時候嗎? 我好懷疑, 我一直都想, 做埋今年, 下年年頭就走人... 但卡的提示, 好像是推我立刻決定... 其實星期四那日發生少少事, 俾老闆個仔駡我咁既工作態度唔可以... 令我當時即刻有走人的衝動....
每次去旺角搭忙命van,
最怕就係一上車就聞到煙味,
明明車上貼有"禁止吸煙, 違者罰款$xxxx"
但如果聞到煙味, 肯定唔會係乘車既人吸,
十之八九一定係司機吸,
但又有邊個會告佢地呢?
次次都要被迫要吸依d 二手煙,
好憎好憎好憎好憎呀!!!!!!!! 
原來生氣, 是原自於之前發生過既事, 自己刻意逃避, 直到有其他人做同一件事, 自己既感覺就一下子走出來.
例如我幫男友執屋, 等佢會讚美一下我...
當佢讚我執得好整齊喎. . .我好開心!
但若果佢唔讚我, 我會好唔開心,
我原以為是他沒留意我所做的事. . .
今天我在想, 應該是:
我一直不是父母的最愛, 當我在家中把窗抹得很乾淨,
目的都是等他們讚我. . .
但佢地無留意, 就算我講左俾佢地聽,
都只回應一句 "哦!" 就算......
這真真令我好難過, 感覺我只是一個工人...
因為我逃避, 又唔同佢地講出我既感受,
佢地就當理所當然的事...
我一直都逃避這個傷痛唔講...
我感覺唔到有父愛母愛...
(謝謝"回到當下的旅程"這本書啟發了我)
