時局.... 唉....

世界究竟發生咗咩事?

金融風暴!

經濟不景!

公司倒閉!

年尾先嚟講失業!

在公司人人自危!

唔知幾時到自己?

泰國人民示威!

印尼孟買恐怖攻擊!

唉.........

阿姐發威... 後記...

話說發生事之後兩日, 我地約咗當時人食飯...

地點係德興, 為咗掩人以目, 我地幾個各自離開公司,

講到大大聲咁話佢去銀行, 我就約咗個friend friend....

我係最後離開既, 諗住唔想佢地等咁耐啦.... 急急腳跑過去...

到咗門口, 行上第一條樓梯, 見到其中一個同事急急腳行落嚟...

發生咩事呢? 原來咁啱得咁橋, 阿姐坐咗係隔離枱....

嘩... 唔係化.... 六合彩又唔見佢中喎....

最後緊係去第二樹食飯啦. 原本諗住有六,七個人, 依家得番3個同個當時人食....

食飯時, 當時人表現得ok, 同事就覺得佢神不守舍.....

當然啦, 發生得太突然喇, 只係兩日既時間,

希望佢快d 搵到工啦..... 

阿姐真勁,叫人趕哂中文報表,即晚就炒咗佢!

我覺得阿姐好勁囉, 一句:"公司唔要你喇" --> 即炒.

Patsy 三個幾月前入咗公司,

做咗第二日, 阿姐叫佢睇哂D report, 要埋數...

但阿姐教都唔教, 只係叫佢自己睇...

仲講咗一句: "你唔係我請嫁!" (好絕! 點解要咁講呢?)

跟住嚟緊既三個月, 每一日都係話佢,

每件事都話佢唔啱, 就算d report 交咗俾佢,

阿姐都只係話放低啦, 阿姐我無時間睇呀...

有一次, 只係寫錯咗一個中文字, 阿姐竟然大大聲咁, 驚死無人知咁話: "有冇搞錯呀, 依個字都錯得既? 小學生都識啦!!!"

又有一次, 阿姐攞住份budget, 話: "依份budget 做成咁嫁? 真係垃圾嚟!" 但佢係攞住份2007年既budget嚟駡, 當然唔係佢做啦!

雖然俾人咁"話"法, 但佢忍, 除咗佢放棄咗之前份工, 放棄咗成2萬蚊既bonus, 仲有就係佢唔想俾人睇死, 佢覺得佢係可以handle到依份工作. 佢想表現俾阿姐知, 佢唔係垃圾, 佢對公司係有貢獻既.

所以, 佢攞d 資料返屋企睇, 晚晚都做到好夜先瞓, 就係想講俾人知佢識既, 可以做到好好既.

三個月以嚟, 佢好努力, 而一直佢希望想有公司key (我入嚟大約兩個星期就有條公司key), 因為有時想留低公司做嘢, 都唔敢, 就因為佢唔想俾公司其他人知佢入咗嚟咁耐都無公司key..... (佢既職位, 無可能三個月都無key)

ok! 上星期五, 阿姐俾咗條key 佢, 佢滿以為得到公司既重視, 就更加落力搞埋手上既工作, 仲有應付埋auditor既煩惱問題.

到咗星期二晚, 25/11, 大約6:00pm, 佢收到阿姐既電話, 叫佢開會, 一入到conference room, 阿姐就話公司唔要佢, 佢第二日唔駛返工! 仲有叫佢唔駛覺得內疚.

內疚? what??? 真係唔明白發生咩事... 叫人做哂所有嘢, 一句唔該都無就叫人走. unbelievable呀.... 不能相信....

 

Arden 又開新班喇! ..... 超想學呀!!!!!

第十屆身心靈大薈莘

二零零八年十二月七日星期日，11:00 - 7:00 上環文娛中心七樓，將會有豐富的身心靈產品、療癒師、健康食用品展示，我也會提供免費個人花藥諮詢，介紹各種花藥及相關中英文書籍，歡迎舊雨新知，光臨親嘗花藥奇妙。

當天參展單位、講座詳情，請密切留意本網站公佈。

展覽會主辦：恆達公關公司  查詢：25041333.


花藥國際證書課程預告：明年三月開課

本國際証書課程，全球已有超過二千人修讀，讓學員從人本角度認識花藥心靈療癒，著重自我察覺(self awareness)為基礎，先療癒自己，再治療他人，並採用自主學習的哲學，使同學可以從「心靈」的角度去學習花藥的整全身心靈哲學和臨床應用。香港的第二期課程，剛於九月底開課，不少朋友回隅，下次已暫定明三月底開課，詳情稍後公布有興趣的朋友，歡迎及早留座。參閱課程簡介

愛情令人又愛又恨...

最近有位朋友失戀,

令我諗到: 愛情真係一樣至命既殺手.

患絕症, 唔係自己control 到.

生意失敗, 下次再嚟過囉, 大不了破產;

但愛情, 又想要, 成功既, 當然修成正果, 白頭到老;

但失敗後, 可以令人想死, 可以令人不敢再愛, 也不敢接受愛. 整個人活在灰色既日子當中, 任何事都不想做, 又或者好努力咁做嘢.... 令自己分心, 令自己好忙好忙, 其實, 一切一切都只係逃避.....

要令一個人走出困局, 真係好難好難.......

1/11 龍山寺之兩隻睡貓

兩隻貓貓好可愛, 忍唔住影咗佢地個貓樣出嚟.....