新既一年又開始喇!

新年快樂!

Have a very very very very

Happy New Year!!

繼續打報告

27 dec

昨晚落機, 今日就要返工, 其實係預咗喇, 無所謂, 反正好多嘢做, 今日返去都係做d 話急係平時唔得閒但一埋數就急到死既嘢: purchase

返到去, 同事brenda 十點先返到, 一路傾, 一路做嘢. 好似好耐無同同事傾..... 因為自從轉咗做L/C之後, 我極少同同事傾...... 原來發生咗好多嘢, 我係唔知既....

例如Miss R 係俾人炒, 唔係佢自己唔做依件事, 原來好多人都知道咗, 等我守咗依個秘密成三個星期.....

又例如我去咗台灣旅行, 除咗brenda 之外, 係無人知道... 諗諗下, 我又真係無同其他人講過.... 係問brenda 借咗本去台灣既書佢先知道.... 而阿姐佢唔記得咗我放假, 竟然叫brenda 打電話搵我! 嘩... 唔係叫我返工下嘩... 我已經係機場等入境喎.... 你叫我返來, 係咪補番三日假俾我先??? (就算補番三日我都唔埋! 我唔信你會補番俾我囉! 一陣叫我為公司犠牲咁點算呀? 佢都痴痴地...)

而brenda 又竟然同我講咗個大話, 就係話我要考試讀書, 所以放假.... 咁我問佢, 我買咗個d 手信, 點算呀???

28 dec

今日十二點開始, 就去到會展行個美食嘉年華, 同埋家電展, 買唔到d 咩嘢,但係超多人, 食咗兩碗仔既丸丸同六支豬肉串, 好似掃街咁.... 突然諗起台灣.......

三點幾, 去到維園行工展會.... 嘩.. 又係超多人呀! 我地買就買咗d 湯包, 男友可以自己煲嚟飲! 食就食咗兩個藍莓乳酪, 又買咗一隻成$30 既鮑魚仔仔一隻....

行到六點... 嘩... 腳都"坡"........ 攰攰.....

29 dec

今日係放完我長假既第一日返工, 早上返來做嘢, 一開始就忙忙忙. 忙到回覆朋友既字都無時間, 唉! 其實係連厠所都唔得閒去.... 個人又開始"炆炆"地....

食完飯, 好似情況好好多.... 雖然今日我返九放十, 放工後搭車, 我竟然無辛苦既感覺, 莫非放假真係會令人充電?

其實今次放假, 我係無預計到對我有咁大既幫助. 之前, 我要工作, 又要應付考試, 好辛苦, 好慘.... 日日都會同人講自己好唔開心, 想放棄, 想走唔做. 我真係笑唔出, 對住d 好fd 既同事, 真係想喊.... 今朝其實都有咁既情況, 但我即刻入咗厠所, 令自己冷靜一下先......... 放工搭巴士, 搭小巴, 我都好唔開心, 有一次仲喊咗出嚟, 收唔到制....

今日係公司我有時都仲笑到, 放工心情係ok, 無之前既亂諗嘢...

每日我都要為自己加油呀!!!!!

30 dec

滿以為去完旅行返來工作, 真係等於咗電一樣, 昨天都係咁諗, 點知今日就出事.

開4張 LC, 真係想死! 已經有D 亂亂地, 又唔知開得啱唔啱. 最後, 4 張開錯咗3 張, 1 張好彩唔急, 且最後R 小姐又睇過D 條款話唔啱, 應該用第二個板本... 唉... 點都要改, 但唔算急!

另1 張, 諗住無問題可以出得, 點知最後話依個應該用中間價, 唔係定價, 條款又要改, 但依張話急, 改改改, 改到最後銀行既阿head 都放工, 改咗都要等第二日..... 個陣已經係七點半!

唉..... 仲有voucher 要開, 唔係好識添呀, 最後搞到十一點先走人.... 個一刻真係好想喊.... 忍著....

去到搭巴士, 開始想嚟料, 唉... 又開始諗點解我做得咁辛苦, 我真係頂唔順! 下星期我仲要返學, 我都唔知點算好? 去到搭van仔, 我都忍唔到... 又流淚.... 依d 生活我真係唔知仲要忍到幾耐?

31 dec

今日係2008年最後一日, bf 約咗我食飯! 我都驚驚地今日可唔可以準時收工...

昨晚我同bf 傾完電話, 收線無關燈就瞓咗, 唔知瞓到幾點, 突然"窄"醒咗, 見到阿媽係房門, 問我"你無瞓到覺呀?" 我話我唔記得咗關燈..... 個陣係六點零幾分, 喺依個情況, 我100%係會瞓番直到鬧鐘響... 但我竟然瞓唔到, 一直諗自己係公司做漏咗d 咩等等...

已經瞓得唔好. 返到公司, 又要面對返工作, 昨晚搞唔掂既LC, 出咗嚟既結局係個客唔接受某D 條款... 唉... 煩死人! 問R小姐, 搞咗成朝, 份LC 都係未得... 唉...

到咗下午三點幾, 都仲同銀行和客戶周旋一D 既條款細節! 唉... 張LC 仲可以出得??? 無時間, 同埋個客都收工啦..... 最後係阿姐搞掂咗銀行. 唉... 其他嘢又唔駛做喇...

今日, 係可以放下午的. 但, 我都要做到七點半, bf 等咗我2個鍾... 我仲未做哂嘢, 但... 星期五先算喇.....