有冇睇過"秘密"依本書? 我從台灣買了回來, 用咗成個星期去睇依本書, 發覺以前的我, 就好像書本中講: "要先愛自己, 才識得愛別人".
記得阿金同我講: "你好識愛自己", 我一點都唔發覺, 我只係知我唔識得愛我的愛人....
睇完本書, 我發覺以前的我消失了, 只有怨天怨地, 成日都放棄, 一點都唔開心, 睇到開心同唔開心既事, 仲是想喊..... (可能係花藥既關係!) 諗住睇"荒失失奇兵"可以笑下, 點知我都笑唔出.....
我現在要學習去如何令自己開心, 想一些正面的東西! 例如我擔心公司的工作會遇到問題解決唔到, 我只一直想唔好的東西, 擔心做得唔好, 唔好的事就會接踵而來... 今天我只想著"工作順利", 雖然大問題未真正解決, 但我起碼個心定好多.....
1 jan
今日走咗去電頭髮, 作為一年既新開始, 又話整三個鍾, 足足坐咗四個鍾先走得人....
跟住同bf 行街, 好似好耐無行過荃灣咁... 我係行得好攰, 好想瞓覺, 但又唔捨得唔行... 有時覺得好似對唔住bf 咁, 好多時都陪唔到佢, 又要佢等我.... 唉...
今晚沖涼時, 諗起明天要返工, 我既情緒不其然開始亂諗嘢, 極唔想返工, 依d 日子真係唔知要捱到幾時, 諗明天就同阿姐講我頂唔順唔做... 相信會有好多人留我, 但.... 我總不能夠晚晚咁喊法..... 唉... 我真以為自己有精神病.........
2 jan
昨晚打完個blog, 跟住去整封resume, 諗住去搵工, 我一路搵, 個心竟然平靜咗落嚟...
今日, 諗住同vanessa 講下我唔做既事, 咁橋佢約我中午傾一陣, 我都知道係時候傾下. 我同佢講話媽媽叫我可以唔駛咁急搵工, 休息下先再搵都得. 我都覺得係. 佢話喺依個時候應該有好多人叫我唔好做.
我話我係驚讀書同做嘢, 我兩樣都會搞唔掂, 佢竟然叫我下年先繼續讀.... 吓? 唔係化? 緊係依家讀啦, 玩下手下年唔搞掂算呀? 真係有冇搞錯呀? 原本想同佢講埋我最近既情緒都好影響到我, 但我無講到, 因為佢一定唔理解...... 唉... 對佢我好失望......
