真係做到人都顛, 放左四日假期去考試, 跟住follow up 番哂d 野, 由上個星期五, 十點走, 星期六返左半日, 星期一, 八點走, 星期二, 十點走, 星期三, 八點. . . 咁既工作時間, 我真係頂唔順, 好想即刻走人...
如果唔係今次既金融風暴, 再加上豬流感, 個市好靜, 我都係想即刻俾辭職信俾阿姐仔....
我真係做到好唔開心, 點解會係我? 點解我要做依樣野? 我明明做得好地地, 點解要我改變? 我明白要一個人改變係need 時間, 但要迫我改, 我千唔願意, 萬個唔願意...
我最驚係d 情緒黎得好快, 突然就想喊. . .
突然想起. . . 點解唔搵花藥幫手呢? . . . 主菜我需要"芥", 加點" 胡桃" 同埋 "榆樹", 甜品我只需要少少"金銀花". . . .
今日考"中國稅法"最後一科, 由夜晚七點考到十點, 竟然無一個同學仔走, 可想而知依科係有幾多嘢做呢...
考完之後, 真係身心疲累, 又肚餓, 又想瞓覺. . .
至於最後, 如果你問我考成點呢? ? ?
依D 嘢, 過咗去就算喇. . . 出盡哂力喇. . .
未來仲有兩科, 聽講係最難. . . 嘿嘿, 唔好理喇, 殺到埋身之前, 大家先relax 下先啦. . . 
因為下星期我要放假考試, 所以星期五要將手上既工作全部做好. . .
諗住今日應該無咩事發生, 做哂嘢可以大約六點半可以走人. . . 點知. . .
無端端花其銀行打俾我阿姐, 話個信貸額爆哂, 五點鐘先打嚟話要我地贖單, 仲駡我地做咩唔睇住個額. . . 佢真係痴哂線. . . 離哂譜. . . 唔係應該你地提供服務, 睇住我地個account 既咩? 我地有俾錢喎, 仲要我地睇住自己個account??? 嘩. . .你咁講嘢都有既? 仲大大聲話我地不是, 嚇到阿姐(佢係新嚟, 做咗五個幾月. . .) "曬"哂"lum" 講對唔住, 仲要我地即刻轉錢俾佢地. . .
阿姐. . . 個陣係下午五點幾呀, 銀行都收哂工啦, 點轉呀? 你定d 嚟啦. . .
依邊轉唔到錢, 佢即刻走去managing director 報咗案先, 阿director 打去俾花其個位不知所謂既小姐, 又係俾佢係電話樹駡到狗血臨頭. . .
最後呢? 答應咗下星期一上午十點前轉錢俾佢囉. . .
花其銀行呀, 如果你睇住我地account, 睇得緊d, 有咩事, 早少少通知啦. . . 不過, 你地做嘢既手法一向係以"慢"出名, 我決定張我唯一一張既花其銀行信用咭都取消埋佢. . . 以消我因為佢搞到我成九點半先放得工既怒火消除呀. . .
放咗工, 見到阿金留言, 話細粒菇仙遊咗, 我本想放工去一去金舖, 但當我離開公司, 我既情緒又嚟料. . . 我只係覺得我好唔開心, 一直忍住. . . 唔俾佢流出嚟, 搭巴士去銅鑼灣, 一路忍住, 再行去搭荃灣車, 都係忍住. . . 一上到van 仔, 開車, 車都未行5分鐘, 就已經忍唔到. . .
為咗嚟緊既日子, 我要溫書for 考試, 我決定去玩番一日. . .
就係去海洋公園喇. . . .
記得對上一次去海洋公園, 係前年既事, 當時未見過依個紅鸛池. . .
你睇隻鸛條頸. . .幾長呀!
去到海洋館, 影到依張唯一幾滿意既相. . .
大熊貓, 係我地今次最主要去睇既嘢. . .
你睇佢幾. . . "mat"到一字馬呀!!!!!
