補祝男友入伙一周年

超. . . . . . 好. . . . . 味. . . . .  呀!!!

花藥蠟燭(象牙白的)

給跳跳:

嗰日我買咗三枝蠟燭, 象牙白同白色係我要既, 另外綠色既係送俾朋友(下星期先俾到佢)

返到屋企打開兩支蠟燭, 就好like 象牙白個支, 第二晚(即係星期日晚大約十一點幾)就點黎試試, 無味個喎, 同埋我從來都無在睡房點蠟燭, 仲俾阿媽笑我仲咩開燈點蠟燭添...

我跟住做功課, 做做下就瞓著咗, 三點幾先"瞓"醒, 熄燈熄火再瞓過啦(第二朝仲要返工麻)

第二朝醒咗(星期一), 即刻頭痛, 我以為感冒發, 無理啦, 返公司飲罐寶礦力諗住好快無事(我通常飲寶礦力好快就無事!), 點知都係唔得. . . 痛咗成日. . .

到咗第二朝(星期二), 無星期一咁痛, 但朝早都係飲多罐, 到咗中午就無事喇. . .

最初我以為係感冒, 又或者可能係前幾日唔夠瞓, 但我跟住都"補"瞓番, 應該無事個喎 . . . 諗諗下, 可能就係點蠟燭太耐. . .

我一向都有一個問題, 就係遇到一d 好強能量既嘢, 例如捷克隕石, 就算係別人戴在身上, 我就會好難呼吸, 對得耐d 既話, 還會頭痛. . .

雖然曾經頭痛, 但又唔係話支蠟燭無幫助喎. . . 之前我在工作中帶來好多唔開心既事, 極度影響我既情緒, (甜栗同冬青噴霧已經幫我好多, 但還好似欠了點什麼的), 而係今個星期, 我既心情變得輕鬆咗好多, (另亦有第二個原因就係工作無咁忙)

現在, 我會限自己每晚唔可以點多過一個小時, 等自己慢慢去適應下, 其實, 我覺得就咁放係房, 唔駛點, 我都覺得佢自自然然會起作用!

 

 

銅鑼灣＂峰＂壽司，好唔掂

難得去上環，緊係周圍行下啦。。。

嘩。。。好多布喎。。。

專長線體毛？噢。。。係咪線臉個隻呀？但佢又話係＂任何部位喎

離開上環，搭叮叮去銅鑼灣＂峰＂壽司，旺角個間就食過，記憶中就麻麻地，今次試下銅鑼灣依間先。。。

唉。。。不過真係極度失望囉，我地坐在迴轉枱，見到ｄ壽司無膠蓋＂ｃｏｍｅ＂住，好唔衛生姐。。。見幾碟嘢轉下轉下，轉咗三暈都係無蓋。。。邊有人食呀？咁我地緊係即刻叫ｏｒｄｅｒ，點知囉到黎既都係乾＂爭爭＂既。。。

ｏｒｄｅｒ時叫咗佢地既推介。。。火焰魚背壽司（個名係咁上下喇）唉，好難食囉。。。一口咬，明明係燒過麻，點解會有水係舊肉入面？個仲感覺，真係呀。。。　頂唔順喎！仲成＄３０。。。唉！

男友見到有個師父放咗碟慢魚壽司，好似好新鮮咁喎，咁咪試下囉。一試，咦！凍既，已經失望，男友食咗一口，問：你有冇食到有＂火羅＂未呀？我答：又好似有喎。。。　咁表面望去無咩喎，ｏｋ喎！唔係都唔揀啦！男友同佢一反，嘩！個底＂ｌｏｎ＂到呀！有冇攪錯呀？連隨見到我地兩對快子都有黑色既＂ｌｏｎ＂在上面，真係咩都無哂胃口啦！！！

唉。。。即走。。。又貴又唔好食。。。超失望。。。ｂａｄ　ｌｉｓｔ！

第九屆身心靈健康開放日

今日一早起身，就去咗上環文娛中心，支持朋友阿金同一班花藥之友開既攤檔。。。

但都要食早餐麻，所以去咗寶湖海鮮酒家飲茶，醫下個肚先。。。（見佢有六折先食咋！）Ｄ嘢食真係唔錯，但六折都貴咗Ｄ囉。。。

飲完茶，出發喇。。。

最後買咗三個花藥蠟燭，其中一個係朋友阿Ｍｉｎｇ的。。。

返到屋企留下，買咗個＂ｄｏｕ＂。。。

拆開時，覺得象牙色（影相變咗黃色）好美。。。

折錄自朋友既blog

曾經聽過一個故事
一個靈魂準備投胎,他安排著自己生後事,誰是父誰是母,誰是他的好朋友,大家也熱烈地舉手"認頭",當他問"誰要當我的敵人"時,四周寂靜一片...他咕嚕著:若果沒有敵人,我就不可以經歷成長啊...也枉費了走一回生命呢...

就在這個時候,有另一個靈魂說:"我吧",他回望,啊,是他最好的靈魂伴侶,他猶豫著:"但是你是我的靈魂伴侶啊,應該陪伴我的",伴侶回應道:"我還是伴著你,只是用另一個形式去愛你,讓你達成你的課題"他說:"那,我會終生恨你的啊,我不要~"伴侶回應道:"你恨我一生,也代表你一生也有我在你心裡,能夠這樣我已經足夠,這個角色還是由我當好了"
說罷,一道光,所有靈魂都投胎了....

 

 

試諗諗你人生當中, 有幾多個人係你最恨, 最僧的?

 

有諗過, 他們當中, 可能是你前世的最好朋友, 為左令今世的你成長, 成為你人生既重要課題呢?

 

很久很久沒有睇過一d 心靈雞湯咁有feel. . .

 

今日係honey 既生日. . . happy birthday!!!

雖然同佢講咗生日快樂. . . 之前已經買咗生日禮物俾佢. . . 但係除咗依d, 我咩都無準備. . . 死火. . .

唯有同佢唱:

Happy Birthday to you!

Happy Birthday to you!

Happy Birthday to my dear Honey!

Happy Birthday to you!!!

今日好燥

一早起身, 對眼已經開唔到. . .

返工途中, 個腦一直都諗住昨晚我無左成個鐘頭, 錯過左Miss 既堂, 又要自己俾錢搭的士返學. . .

阿姐仔, 你明知我要返學, 踏正五點半要我開份L/C??? 做得黎, 銀行都收工啦. . . 開黎把鬼咩. . .

另一份L/C, 你同銀行傾左兩日full day, 到六點幾先話傾到, 我留係樹都無用啦. . . 又話要傳真俾個客. . . 咁即係我做啦? 搞哂野, 又要等個客回覆. . . 咁即係幾時呢? 個陣都六點九. . . 大姐呀. .  我要返學呀!

個客覆番, 話要改野. . . 唉. . . 不如叫我唔好返啦. . . 離哂大譜. . . 最後搞到七點四先走. . .返學遲哂大到啦. . . 但我又唔識喎. . . 唔返唔得. . .

最後. . .都係決定搭的士. . . 七點八返到學校. . . 但. . . 佢講左成個鐘頭既野, 我只睇notes 都唔明. . . 唉. . .

 

後記: 今朝返到公司, 勁黑臉, 無人敢過黎同我講野. . .