自完成樹仁課程, 一直在想男友會唔會plan 結婚, 但佢一直都無講.
我都有問過自己, 點解佢提出呢? 佢係忙, 都結婚都好重要, 但佢無提過.
以前以為係無錢, 這個我都明白, 因為結婚用好多好多錢. . .
但今天我終於明白, 係因為上天要考驗下我,
男友現在時常要出差, 如果真係結左婚, 我是否適應呢?
今天知道男友又要出差, 唔知幾時返,
我就明白天使為何遲遲都無答案,
原來因為我還未適應, 唔接受咁既生活. . .
太早結既話, 自己未適應會好辛苦同心理有問題. ..
多謝你, 現在我知道答案,
我會好好接受這個考驗. . .
29/8 難得我係屋企, 諗住係屋企執下嘢, 跟手出街行一陣. . . 點知到咗兩點幾, 竟然落起雨, 仲好大下個隻, 咁咪. . . 繼續執囉. . .
執執下, 家姐個女同個工人上咗嚟, 我問佢發生咩事啦. . . 我淨係聽到佢話explosion. . . 吓? 爆炸? 唔係化. . . 仲話要走去抺屋企. . .
跟住二家姐又拖住個仔上嚟. . . 終於知道原來佢屋企個冷氣機無端端著火, 依家煙燻到成間屋都係. . . 仲因為樓下管理處職員因為救火, 搞到屋企水浸. . . 水深達腳眼添. . .
因為我家姐間屋係租既, 所以又要call 屋主, 之前因為有火警, 又報咗警, 因為冷氣機燒著, 搞到全屋無電, 要call 人嚟整, 又因為成間屋都燻到黑哂, 原本工人用咗兩日嚟抺屋企既心機全部白費. . .
好彩既係, 無人受傷, 因為買咗家具保, 應該可能claim 番一筆, 又因為租既關係, 裝修係由屋住俾. . . 只係之後若果裝修既話, 佢地唔知可以住係邊樹, 同埋要抺過哂所有嘢囉. . .
我呢. . . 就要湊住個兩隻"嘢". . . 唉. . . 好彩家陣發明咗遊戲機. . . 手提電話又有, 網上既又有, 等我可以. . . 無咁煩囉. . . 不過個假期就咁就. . . 
今晚終於搞掂最後一科. . . 真係一天都光哂. . .
好攰. . .真係好攰. . .
要早d 瞓先得. . .
因為要應付明天積咗四日既工作. . .
要加油呀!!!! 
終於考完一科喇, 中國會計考得唔好. . . 但. . .我諗合格吧, 因為仲有之前既individual assignment 同test 既分. . .應該. . .頂得住. . . pass 既. . .
仲有一科. . . 過埋星期二18/8, 就一天都光哂. . . 一年既課程終於都完了. . .
