Marriage Blog

http://www.top-bloggers.com/billboard/marriage/

http://uwants.com/viewthread.php?tid=9486234&extra=page%3D1

又係我既錯... 後記

今日星期一, 食晚飯既時候, 阿媽出嚟食飯,

同我地講咗一個驚人既事件,

原來係去酒樓時, 我發現好奇怪,

點解阿媽會坐係四阿姨隔離?

佢通常會坐係三阿姨隔離喎...

ok 算吧啦,

阿媽見到枱面有花生, 而浩森又搶住去食,

四阿姨其實係唔想俾浩森食,

費事食完無胃口食飯,

點知阿媽話: 俾佢地食啦, 你做咩唔俾人食呀? 飲茶緊係開開心心,

點解你搞到d 人唔開心嫁?

嘩, 你咁講法, 係人都唔開心啦...

特別係佢喎. . . 唔怪得之成晚無出聲啦.....

 

又係我既錯...2

食完父親節飯, 大家一齊返屋企喎...

原來蛋糕訂好了, 返屋企時先取...

到咗食蛋糕, 我聽到話要火機,

我即刻入房囉啦,

跟住就問四阿姨: 咦, 點解唔影相既?

四阿姨好細聲咁話: 唔駛喇...

我心諗, 個蛋有佢個名, 點都要影下吓麻...

再問佢: 唔係喎, 個蛋糕幾靚喎, 點解唔影呀. . .

佢對眼已經開始紅, 即刻返咗入房,

我同佢地講: 咁要唔要點蠟燭呀?

佢地話緊係唔駛住啦, 佢出嚟先啦,

我都知大獲, 佢一定喊啦...

我唯有返入房啦, 我係罪人麻,

又係我錯喇, 搞到佢喊唔開心. . .

跟住聽到佢地話唱歌,

我先行出嚟, 唔知死既阿媽竟然問咗句: 點解唔影相呀?

大家當然係靜哂啦, 你眼望我眼,

跟住我話, 不如唱生日歌喇. . .

唱完, 我即刻坐咗係sofa,

以前我會主動切蛋糕既, 今日我咩都唔做,

淨係食蛋糕...

我做咩都錯, 係超錯, 咁仲做咩呢? 越做越篤眼篤鼻,

不如唔好見我好喇...

又係我既錯

話說星期日係父親節,

通常都係四阿姨既生日前後, 

今次四阿姨話同父親節一齊搞,

ok, 你話一齊搞就一齊搞啦,

但搵邊日食係一個問題,

左諗右計, 最後決定父親節正日在留下新星食飯,

跟住食埋蛋糕, 一次過最好, 依家約齊人好麻煩麻...

星期六那天, 我問三阿姨, 叫佢幫手買蛋糕,

我話不如跟手拎去酒樓食, 食完散band 最好喇.

三阿姨話ok 無問題, 我話仲可以去酒樓時放係酒樓,

因為我問咗切蛋糕唔駛額外錢,

同阿媽講, 再同阿爸講, 阿敏, 二家姐,

講哂, 就係無問主角四阿姨,

到咗星期日, 同男友出街, 行行下(揀緊耳環)

收到阿媽電話, 原來主角唔鍾意酒樓食蛋糕...

唉. . .玩嘢下麻, 有咩問題呀??? 酒樓食又有咩問題呀?

打俾四阿姨, 佢話如果去酒樓食蛋糕, 不如唔好搞,

好. 唔搞, 打俾阿敏, 佢話三阿姨買緊蛋路喎.

即刻收咗阿敏條線, 打俾三阿姨. . .

佢話唔係吓話, 一時又話同父親節搞, 一時又話遲d,

咁即係點呀?

ok ok, 我即刻話: 咁你買蛋糕啦, 我同佢地講你買咗...

再打俾四阿姨, 話三阿姨剛剛買咗, 一陣拎上嚟...

再轉俾老豆, 同佢講話食蛋糕會係屋企食,

跟住就係阿敏. . .

唉, 好喇, 夠未呢? 只係搞一次生日, 搞到咁鬼麻煩呀???

可能心情不佳, 我同男友都買咗好多好多嘢. . .

原來買嘢真係會令心情開心d 嫁. . . 嘿嘿

續...

拿起勇氣問男友

星期六MSN 同maggie 傾完,

當晚返屋企途中, 突然諗起兩個字: 將來,

我就二話不說, 問他: 你有冇諗過我地將來呀?

佢答: 無呀...

我問: 我認真喎, 你講真呀?

佢答: 我講真假. . . 係無呀. .

當下, 我真係有D 怒, 又話要生小朋友, 但仲未諗結婚, 咁即係點呢?

我問: 咁你話你要生小朋友, 你唔係想我40歲先生BB 吓嘩...

佢無語, 咁要快D 喇....

原來佢平時講話快D , 原來真係得個講字咋. . . 原來佢真係無諗過呀. . .

我唔係想迫佢, 只係如果要做咁多嘢, 唔係一時三刻可以做好,

全部都要搞一大輪, 好煩既事, 但又要搞. .

你成日問我阿媽要幾多禮金, 我話唔駛咁多, 我諗兩,三萬吧. . .

但你將個問題放咗係我樹, 咁你跟住就唔諗喇,

咁樣係唔啱個喎. . .

我一直覺得你講講下, 就係得個講字, 無details 個喎.

你要我搞, 都要有共識先得,

咁樣既溝通, 應該係好有問題囉. . .

 

talk with Maggie

一直沉迷玩facebook, 我應該係時間改變一下...

頭先同maggie 傾, 原來我了解男友既性格,

最初我以為我同佢有溝通既問題,

但原來對係佢無信心...

我應該相信佢!

 

 

 

黃鼎殷醫師

http://www.drdingyinhuang.com/