完成過大禮毛巾喇

過大禮就到喇. . .

之前買咗既毛巾,

問咗金都, 話最好粉好色喎. .

大獲啦, 我買咗紫色呀, 那個張太話最好全部粉紅色啦...

咁今朝一早走去換咗, 今晚就張佢地加工,

加咗條絲帶, 18條, 完成~~~

Circle K 買咗個袋... 正~~~

買咗個袋, 啱啱放哂D 花藥, 正~~~

過大禮當日既行程

六月五日過大禮行程:

男友前一天取龍鳯餅,

當日取生果籃,

約埋工作人員, 攞埋洋酒, 海味, 放係車上,

然後十點去金都攞package;

跟住去到我家留下,

三阿姨同阿敏先去取回禮物品,

到11:00 去女家過大禮. .

過大禮物品:

男家:

金都package, 包括茶葉個d;,

海味, 包括4罐鮑魚, 4包冬菇, 4包發菜, 4包花膠, 2包蠔是, 4包蝦乾;

4支紅酒;

2籃生果;

2對龍鳯餅;

紅色禮盒入面, 有禮金利是; 包羅萬有利是, 包括豬, 鷄, 魚等物品既金封;

仲有唐餅卷, 西餅卷.

另外要3封利是, 給女家未過門的姊妹.

註: 工作人員要給予利是.

 

女家回:

金都package, 包括涼果, 茶葉個d,

海味, 全部回一半;

2支紅酒;

1籃生果;

1對龍鳯餅;

回禮金利是, 通常睇意頭, 如$99, $138, $168, $188 等等

包羅萬有利是金的一半;

唐餅卷, 西餅卷著量.

18條毛巾

註: 工作人員要給予利是.

28/5: 去金都訂嘢

去到金都, 男友問我係咪揀番個間,

我話yes, 佢都算幾專業呀,

最近要係d 飽新鮮麻, 即日朝早整既,

咁就肯定無問題啦...

我地去到, 相信係佢個女嚟招待我地,

我地跟住問咗好多嘢. .

男友最concern 既係個日應該仲有咩要送要做. . .

其實除咗訂男家同女家個$980 package 之外,

重有洋酒, 海味, 兩個生果籃, package 入面有禮金封同包羅萬有封, 要入定禮金,

而女家, 佢地話要毛巾, 回禮金封同包羅萬有封都要準備. . .

男友又問咩叫飾金?

老闆娘出聲, 話依d 其實係男家買咗俾女家,

到出門去男家時戴住既,

但有d 就會過大禮送完之後, 又回番俾男友,

到結婚當日先再戴過, 咁樣會好麻煩囉,

所以可以到當日先俾, 唔駛過大禮個日俾喎. . .

我就問當日係咪唔可以見面,

佢話過完大禮就可以見面喇. . .

重有過大禮, 我地要回幾多嘢?

佢話訂咗既嘢, 當日會有兩大袋係女家回既,

到時一齊拎埋, 去到女家, 先叫人去取,

然後才去女家. .

講講下, 講到去子孫桶, 佢地話子孫桶係嫁妝,

但可以過大禮時做埋既,

本來我想搞埋, 一次過,

但唔知點解, 我好似發緊夢完全唔明白,

跟住老闆娘話你地可以遲d 先買既,

可以搞咗過大禮個d 嘢先. . .

可能老闆娘見我地諗唔點, 我地企係樹阻礙佢,

我地咪快快手落咗回禮嘢先囉. . .

其實我都覺得我地完全無search 過d 資料,

就走嚟問東問西咁. .

其實係相反, 睇得太多, 唔知邊d 係真,

邊d 一定要做咁...  問下d 專業人員, 會放心好多麻...

依家明白哂. . . thank you~~~

28/5: 是日行程緊密, 去哂港九新界...

因為過大禮既嘢未買哂, 下星期日就係喇,

所以今日要go go go~~~

首先去咗青衣城取結婚戒指先...

其實我都等咗好耐喇, 雖然上網可以做個demo,

但點都要見到實物先為之真實麻...

hehe.... 超貴, 可能易花, 但我鐘意麻...

跟住係青衣城既espirit買咗個銀包,

點解要買? 阿媽叫到, 回禮時要送, 所以點都要買喇...

跟住離開青衣城, 搭咗香港線再轉車去灣仔...

諗住個道有得買鷄同豬既利是封,

點知個間話無, 真係有點失望呀,

但無問題, 我地走咗去洋服店買咗男友份生日禮物...

"就"口樓... 佢話買咗可以結婚個日用...

佢最初揀咗個同件衫差唔多既貓眼石方型既,

但後來老闆話仲有好多無放出嚟,

將全部既貨一盒一盒打開俾我地睇,

我一睇就睇中咗依個款. . .

我話個日我閃, 你都要閃盡全場麻...

呵呵呵...

買完, 跟住到下一站: 金都,

即係太子喇. . . 點解去金都, 因為要買過大禮既濕碎用品囉....

過大禮

http://hk.myblog.yahoo.com/jw!6rADV5WVHxOdH._.oRGCqhHv9WNG/article?mid=120

http://hk.myblog.yahoo.com/jw!.JkiOJCZGQPtlb9QTLYp5zFlOJ69/article?mid=11559

 

http://www.provision.com.hk/wedding/content/chinese_wedding.htm#過大禮

 

同一日, 阿媽跌倒

又係21/5, 我返到屋企,

阿媽問四家姐, 問佢喜療"tall"係咪去瘀,

先知佢今日搭234x 返嚟, 落車時唔知做咩就跌倒,

左面"失頭哥"損咗, 塊面又撞瘀咗,

四家姐怕佢撞到個頭, 叫佢如果想暈想嘔,

要去睇急証喎. . .

最近發生咩事呀?

我捐血, 都未試過捐到暈咗,

同埋又係第一次搞到隻手瘀咗. . .

屋企人又係咁, 佢屋企人又係咁. . . 唉. . . 點解會咁橋嫁. . .???

 

男友老豆生日+情況患化

21/5 係男友老豆八十歲大壽,

男友今日要係屋企standy by, 我去買貨,

下午約咗佢大家姐睇磚同睇周大福個對佢地一早睇中既龍鳯"ngai"

跟住去食飯啦,

男友唔知做咩, 由搭van 仔開始,

個人開始燥, 可能唔夠瞓啦,

一直食飯話鬼個waitress,

佢係serve 有問題, 但係咁嫁, 算吧啦...

最後走人, 佢阿媽話去厠所, 佢三家姐同佢一齊,

後來大家姐推埋個輪椅入去, 方便d,

咁我地傾三姐夫對耳受感染睇醫生情況. . .

唔對路喎, 佢阿媽入咗去咁耐既?

到送咗佢阿媽搭的士,

先知原來入厠所時, 已經叫咗佢阿媽唔好lock 對門,

佢話無問題, 點知佢一坐低, 手軟, 起唔到身,

但對門lock 住咗喎, 咁點算呀?

好彩佢有帶埋把遮, 遮有個勾,

搞咗好耐終於整到,

但對佢阿媽嚟講, 已經好驚,

但對男友嚟講, 係一個警鐘,

即係代表佢阿媽既惡化得好快. . .

我係樹諗, 到時都唔知俾唔俾到佢飲茶. .

同埋好多嘢都做唔到之餘,

辛苦咗佢大家姐. . .

真係令人擔心. . .  .

Willow (楊柳)

最近我的牙根好緊, 緊得要命,

就算放鬆自己, 都係無咩用咁,

今朝終於"的"起心肝用心抽花藥,

主要focus 係牙根問題...

抽到willow,

睇番case, 原來係一直唔鐘意做自己現有既嘢,

但又迫住自己要去做, 去"希生"自己去做,

又不滿現在做既嘢, 認為自己仲可以做更高層次既嘢,

我一直都有咁既思想, 估唔到原來花藥係有依種情緒,

我諗我要食willow 一排先. . .

註: 食咗, 今日牙根好似無咁緊, 希望可以開解到自己啦

難忘既捐血日

今日男友要返工, 我走咗荃灣捐血...

我一個人, 走咗去荃灣, 先食咗個麥記餐,

(當只有我一個人, 我百份百會去食麥記...)

食完一點半, 食飽咗, 可以去捐血喇. . .

對上次捐都好耐下喇.......

仲諗住會好多人, 點知一入去,

只係得兩個人捐緊...

噢~ 太好喇, 唔駛等...

填表, 見護士, 驗血, 到捐血, 都無問題,

問題咗於捐血, 要吉針, 吉個一下, 好痛下喎...

吉完, 通常好快唔痛, 但個痛都仲keep 住喎...

到捐完, 休息, 無問題, 只係覺得個傷口有少少腫...

ok~ 起身個下, 望一望個傷口, 咦? 有血既,

咁我同護士講, 佢話可能止血止得唔好,

坐番落去, 佢俾咗包冰我, 我諗: 嘩! 咁凍呀~~~

"夫" 咗一陣, 好凍下喎, 拎起包冰, 望一望,

嘩! 仲有血"深"出嚟喎...

跟住我就覺得個頭好似充咗血咁. . .

我不知不覺竟然瞓著咗....

其實係我暈咗, 我feel 到有人拍醒我,

問我覺得點, 我話我係咪暈咗? 我係暈咗 ..

個護士又問我叫咩名. . . 好緊張咁,

又問我想唔想嘔. . .

我話ok, 因為瞓係樹, 過咗一陣覺得ok...

再坐多一陣, 佢叫我坐係門口位, 我行過去,

再坐番底, 大獲, 成身好熱,

熱到出汗, 跟住又想暈, 又想嘔. . .

我坐係樹, 其實好辛苦, 唔敢郁,

坐定定, 連向上望個電視都覺有D 暈暈地,

但要頂住. . . 其間兩個護士行過嚟問我點. .

我話我要坐多一陣, 其實相信我已經坐咗半個鐘,

我都諗緊要唔要搵人接我,

我坐到差唔多三點九, 覺得ok

再叫護士量血壓, 我先可以走得,

其實我淨係坐係sofa, 都坐咗一個鐘, 

捐血, 由一點半捐到四點,

今次真係好難忘.....

多謝護士既關心....

後記: 我捐完血, 當然即刻返屋企啦,

跟手瞓咗兩粒鐘, 瞓到出哂汗,

起身, 又覺肚仔餓, 出去食咗條蕉, 又食咗其他嘢,

ok 無事喇..............

今日係黑色星期五

今日係黑色星期五,

連個天都係黑色既. . .

6 May 去咗I DO 影相

之前有個叫 iris, remind 我地今日去影相. . .

今日當然無上次既緊張,

去到時仲食咗個早餐先... (其實已經遲到, 約咗九點, 佢九點二已經打俾我...)

去到, 揀衫... 唉. . . 揀唔落手, d 款好舊, 唔靚,

我係咁易揀咗兩件婚紗兩件晚裝,

最後係 iris 挑咗幾件俾我揀而揀咗一件婚紗一件晚裝...

佢同我揀咗件A-Line 試, 著上身就覺高貴, good~~~

跟住另一件係深紫色晚裝, ok 喎~~~

其他個d, 唔係太舊, 就係個款唔得,

我覺得係羅浮宮揀咗件拖尾婚紗, 今次可以揀件A-Line, 嘻嘻. .

上次晚裝係A-Line 粉紅色既, 今次就揀件蛋糕同深色既. . .

正哂! 咩款都有齊, 嘻嘻...

不過影好好就未知, 因為個影相師只得一個,

又無助手, 無人打燈,

而我地加錢就雪景效果, 竟然無咗,

因為佢話個雪機壞咗. . .

咁我地加錢, 只係為咗佢幫我地做電腦效果???

唉. . . 依d 都令我有d 失望囉,

仲有就係 IRIS 幫我化既妝, 唔係唔得,

但比起之前羅浮宮比, 就唔多pro 喇.

化妝前無clean up 我塊臉, 一嚟就上妝,

又無eye shodow, 不過化妝得唔得, 我就唔多知,

但轉妝時, 佢只係幫我重新set 過個頭,

無咩同我補妝,

只係有一樣, 我見佢同我再set 頭時,

覺得唔滿意, 重新再同我set 過, 係依樣可取囉. . .

由九點到三點, 實際影咗三粒鐘啫...

希望d 相ok 啦..................................................................

印字

http://mollyming.mysinablog.com/index.php?op=ViewArticle&articleId=893083

Miffy 結婚公仔

http://hk.myblog.yahoo.com/bo_mike_garden/article?mid=2127

 

http://hk.f1.page.auctions.yahoo.com/hk/auction/b18375900

 

http://comtools.esdlife.com/wedding_forum/viewtopic.php?p=4537064#4537064