失落感

今日約咗Vanessa俾份 document 俾佢,

約咗係灣仔地鐵站, 原來佢去金鐘,

行去車箱時, 好搞鬼咁佢竟然入咗車,

但我入唔到......  唯有.... 佢同我都係樹大笑....

(我地久唔久就會發生依d 勁搞鬼既嘢...)

到咗金鐘, 傾咗一陣, 我問佢係唔係29/7 就飛?

佢話係... 當時, 我無咩感覺....

但當我同佢say goodbye,

自己行入車箱時,

突然感到一種失落感......

心情很重很重.... 不捨得既感覺..... 很重很重....

要走了嗎? 是. 應該今年都不會回港...

有個衝動, 想去送佢機....

要讀樹仁... 無得讀花療....

昨晚收到信, 樹仁收我補讀一年制degree.

事關我當年讀樹仁時未係大學,

如果自己要番個學位,

就要讀番依個course 先得.

學費應該ok 應付到, 但嚟緊依一年就會好辛苦,

因為我掉低咗本書好耐,

突然要讀番書, 仲要一次過係三個月讀3課,

又要exam.... (對我嚟講係最大壓力...)

都唔知應唔應付得嚟....

估唔到阿媽反對我讀....

佢驚我好辛苦, 但我話唔試過又點知呢?

好彩男友支持我.

其實我都好需要別人既支持,

唔係睇死我既說話....

 

巴哈花療法--後記

我之前太過投入動物之森喇!!!

放低咗本 "巴哈花療法" 無睇到....

今日要開始睇番本書先得....

跟住就會買本" 巴赫醫師的人生教科書"睇...

自己要同自己加油

有機菇菇

25/5 個日去咗一日遊既旅行,

其中去咗一處係教你種有機菇菇…

種咗咁耐, 終於有收成喇…

 

 

巴哈花療法,心靈的解藥

23/6 個日, 上咗去黃偉德既網頁,

突然心血來潮, 上網訂咗本 "巴哈花療法, 心靈的解藥",

點知24/6大約11點幾,

阿媽打嚟, 話我有個包裹掛號....

嘩.... 效率奇快.... 第二朝就送到...

可惜因為夜晚要celebrate 男友阿媽既生日,

返到屋企都成11點... 仲要打八號風.... 那個"風神"呀!

急不及待睇本書....(其實仲買咗支急救花藥膏)

前半part 係講每種花既特性同用法,

我無睇到, 反而揀咗後半part,

講個d 人既親身經歷!

睇到衝突性人格, 類似我既情況,

令我真係好想了解佢....

突然間, 我有衝動想去上黃生個course.....

http://ardenwong.com/blog/

去咗食一年一度既自助餐

男友生日,

同佢去咗灣仔既萬麗海景酒店食buffet,

最吸引既, 都係海鮮類:

 

幾大隻... 嘻嘻...

 

 

貝曲花療法

睇咗金金既blog, 見到佢話個貝曲花療法咁勁,

http://hk.myblog.yahoo.com/golden050318/article?mid=7225

我都好想知道佢係d 咩既,

但奈何... 個course 太貴了吧!

今日見到本工聯會既課程表,

咦! 有得讀喎... 而且個價錢仲好相宜tim!

我諗我會試下去認識什麼叫花藥!