安室最新專輯 - 型爆呀!!!!

http://www.avexnet.or.jp/amuro/index.html

 

出差男友在阿姆斯特丹的晚餐

第一晚出街食, 無影到.....

第二晚: 茄汁豬扒條+炒飯

第三晚：黑椒唔知咩o野肉

第四晚: 麵+紅蘿蔔肉丸薯蓉

睇哂咁多張..... 好似好難食咁.... 唉... 你仲要捱多一個星期呀...

慘...... ...... ......

 

三科exam 都合格... yeah!!!

上個學期讀嗰三科: ethic, business communication, marketing, 全部合格....

yeah! 好開心呀! 直頭係一份最好既生日禮物呀!!! yeah!

一直擔心要re-exam..... 依家可以碎哂 notes 呀!!!  

男友出差

15/2 係男友出差的第一天, 我無去送機. 太早了, 我起唔到身...

只係去咗佢屋企溫書, 因為mid term 就快到, 又唔係好識計中國稅, 確實係一個好地方溫書....

只係若大既屋, 只得一個人, 好lonely, 好寂寞, 男友不在港, 我已經開始掛念佢....

死火, 今日先至係第一日.... 點捱到下個星期....

晚上, 等到零晨一點幾, 終於打來喇..... 都係傾咗一陣, 因為我等到瞓咗...

好想同佢講快d 返嚟啦.... 但, 無可能既.... 最後都係忍住無講....

衰人, 快d 返嚟啦!!!

-------------------------------------------------------------------------------------

今日下午兩點幾, 收到佢既電話, 我唔理所有嘢, 只係一心一意聽佢電話;

佢話佢係個邊好寂寞, 感覺好似上次去美國一樣,

係飛機上, 佢話好彩有森森打, 都瞓到覺...... 去到酒店, 唔知係咪太攰,

都瞓到四個幾鍾....

個邊佢唔知點解上唔到網..... 咁即係上唔到msn 同睇唔到我打既blog....

算吧啦. 只要佢快d 返嚟就好喇....

情人節

星期六係情人節, 我要返半日, 做做做... 做到二點幾先走....

男友下午就要返公司攞電腦..... (兩個人既時間又會咁唔夾都有既?)

去到男友屋企, 入去廚房.. 咦... 無煮飯既?

佢話係呀, 無煮呀.... 就係雪櫃攞咗個情人節蛋糕出嚟....

好開心呀! 第一次同男友食蛋糕, 第一次喺佢屋企食蛋糕, 第一次食情人節蛋糕, 仲有喺第一次個蛋糕係情人節+生日蛋糕....

我真係唔介意冇禮物, 冇花, 因為我覺得買依d 係浪費金錢... 只要有心思, 一個蛋糕我已經好開心......

(相片會後補)

原來錯既係我.

佢前日去睇牙醫, 跟住夜晚又話有d 發燒.....

昨天整日唔知佢去咗邊, msn 開咗成日都唔見佢,

我係公司有一大堆嘢做, 都未停過, 又要趕住夜晚要返學.....

放學回家, 食咗d 嘢, 十點半囉個電話, 佢原來早一個鐘打過來..... 我miss 咗.

打番俾佢, 原來佢今日去咗魚排釣魚............

我問佢點解唔同我講, 佢竟然話我仲咩唔打俾佢?

我話我好忙, 連msn 都唔得閒答......

佢就話我你唔想做公司d 嘢咪同老闆講囉.... 你知唔知你轉咗工作後就成日發脾氣呀? 我無出過聲, 因為一講親我就唔開心喇....

我現在終於明白, 原來係佢面前連最真既我都唔可以做.....

ok.... 算吧喇....

喊咗一輪... 發現牙肉無咁痛 (其實已痛咗幾日)...... 原來我又係時候要發洩一下.....

放假後遺症

原來大半個月都無打過blog.....

放完一連五日(24 - 28/1)既假期, 一返工就做到傻咗.... 兩日都做到八點半先走得... 唉.....

星期日同男友行街, 佢見我想買鞋(d 鞋好平呀, 特別係d boot...), 就話依家新"精"頭, 唔會買鞋, 因為買咗全年就"鞋鞋"聲, 我話唔買都成日"唉"啦...... 嘿嘿嘿.....

工作都係照舊要做, quit 咗又驚搵唔番, 成日都係道角力, "不如唔好做啦, 咁辛苦...", "我做咩要做到咁夜? 個個都放哂工喇, 我又無人工加, 講真就算加都未必會做啦!!! 加咗仲俾多d 嘢我做咪仲死火?".......

個個都話做耐咗就習慣啦, 我心諗如果我係死都唔鍾意做, 我習慣咗都係會唔開心...仲可能會好憎自己做咩要習慣呢? (真係怪到我都唔知點解會咁諗?)

anyway, 點都要為自己加油.... 今年我仲要讀書讀到八月, 跟住仲會讀埋花藥, 我要儲錢讀書呀.... 所以.... 唉.....  認命啦!!!