都係6/12, 我地晚上去咗我地最最最欣賞既"正壽司"食飯....
除咗食sushi, 我地今次有食下佢既兩色凍素面, 真係好ok 喎. . .最正宗係個鼓油...
good good good!!!
正壽司最特色既係佢有兩色鼓油, 淡味d 同濃味d. . .
我都係鐘意濃味多d...
不過佢係尖沙咀店會於25/12 last day. . . 我地相信嗰日我地未必會記得去食. . .
所以今次叫做最後一次去食喇
佢個舖會搬去將軍澳. . . 應該唔會特登去食喇. . .
2009年12月20日 星期日
整咗d 蠟落個keyboard 樹. 大獲!
真係唔小心呀, 流咗d 蠟落個keyboard樹,
清理咗成個粒鐘, 先叫做清理完.
發現最大問題係個space bar,
因為d 蠟流咗入去,
令到個space bar 襟唔到, 唔識彈起,
整咗好耐, 個space bar 先叫做彈得起,
但佢個sense 就差咗,
要好大力先可以sense 到,
好彩既係其他既key 無事,
否則今晚唔駛瞓之餘,
一定後悔到瞓唔著定啦!
2009年12月18日 星期五
2009年12月13日 星期日
情緒
星期五終於攞到畢業証書喇. . .
話說上年九月在樹仁讀咗一個為期一年既課程, 係讀番個degree 既.
其實對於畢業, 我原本以為我係無咩感覺既,
但我估唔到當我攞到之後,
星期五我整日竟然處於極興奮既心情...
話說我早咗十五分鐘出門, 返到學校差不多九點十分喇,
攞完之後, 即刻就要返工喇. . .
我原本係諗住用最笨既方法,
就係搭van 仔去銅鑼灣, 然後搭一個站去灣仔返工,
點知俾見到架25C, 咦! 去會展喎, 啱哂啦, 即刻跑去搭,
好彩司機哥哥等埋我咋. . . 多謝天使既幫助.....
返工公司, 就即刻忙忙忙啦,
俾我遇到我最憎既事: 要係兩個鐘頭開起L/C,
仲要送埋俾個客, 唔可以遲, 四點前一定要到....
真係痴痴地呀, 我上次開張L/C , 搞咗兩個full day,
"吹"銀行開開開, 終於五點先開到...
但最終當晚都用唔到張L/C... (搞到係我既責任咁.... 唉. . . 算...)
其實係我地個額爆哂, 銀行要囉approval, 先遲咁多. . .
我知佢地無出聲, 但個個都覺得係我既錯呀麻.... but... so.... what???
今次又係咁??? 唉....
又係急到死要開... 我最憎最憎就係遇到依d 事.
d 人覺得開張L/C 好simple,
係, 一d d 喇, 唔係次次都咁順利,
又唔推得話唔開L/C 喎..
做唔到, 表面無嘢, 實際上就話我次次都"依依我我"...
我次次都有趕俾佢地, 做到係應份,
做唔到就話鬼你.... 不過咁. 佢地唔會亂駡我既,
因為now 係公司, 只有我最熟做L/C,
我一俾人"吹"今日一定要開到L/C,
就會有壓力, 就會發脾氣....
今次都唔例外, 令到我好"mun"好"mun"....
到打完份申請表, 俾哂阿哥阿姐睇, 話哂"急急急"
先至快快手手簽好然後fax 俾銀行做嘢...
然後我同d同事講: 我今日心情好好, 我真係唔想因為咁影響我咁開心既情緒...
最後都係加埋出街阿姐幫手, 先至完成咁急趕既工作.
但... 趕得到, 絶對無人appreciate 你嫁,
因為.... 依個係你應份做好既工作....
一諗到樹, 個心又"硬住硬住".....
2009年11月24日 星期二
2009年11月21日 星期六
十一月廿一日舉行畢業典禮
胡鴻烈校監，多謝你俾依個機會我地讀今次既課程，令到我地終於完成心願，成為一個真真正正既大學生。
男友話我行得太快，只係影到依張相，但我已經好滿意喇。
多謝爸媽參加我既畢業典禮，個日天氣好凍。
還有多謝男友那束花，原來你早一日已經預訂好了。我還以為你忘記買呢。。。不過補番一句，沒有花，我都一樣咁開心嫁！！！
今次讀依個課程，最最最開心，就係識到ｃａｒｍｅｎ同ｃａｎｄｙ，而最搞鬼既係，我地係唯一一ｔｅａｍ人係全女班，兼且係４Ｃ，因為我係ｃｒｙｓｔａｌ，而我一早認識既ｃａｔｈｙ，大家既英文名開頭都係Ｃ字，也難得大家一起一年，已經好似老朋友咁ｆｒｉｅｎｄ。依一年，所發生既既開心同艱辛，我永遠都唔會忘記既。
多謝四家姐送俾我既畢業公仔。。。
2009年11月1日 星期日
1/11 請天使給我指示
Q: 請天使給我指示
A: 喜悅
開心, 好的事自然會來到身邊. 星期五在大陸住的舅父舅母來港住三天,
我一向同舅母好好傾. 昨天我家人同佢地一齊去龍山寺拜祭公公同婆婆,
傾開先知原來在今年年初二, 佢個女因為宮外孕, 肚痛要入院,
之後還要做手術, BB 無咗, 身心靈都受傷, 依件事, 除咗佢兩公婆,
要接受依個事實既仲有佢個邊家婆同舅父舅母,
事件過咗大半年, 大家心情都平復,
其實我同舅母係特別好傾, 因為大家都係大笑姑婆,
有咩事都大笑一餐, 有時你"臸"下我, 我"臸"下佢咁,
開開心心就一天. 我好希望喜悅除咗帶給我之外,
還可以帶給舅母同佢個女啦....
左牌: 施與受
付出同接受, 就像是吸氣同呼氣一樣, 唔可以只是付出而唔想信有好事會降臨,
這是不平衡的. 我想, 我以前只是付出, 不太習慣接受其他人既好意.
我想這牌是要我了解以前只付出, 亦應該要接受別人的幫助等等.
在家中我只是付出, 而男友不斷對我付出, 我好多時都大惑不解,
點解佢對我咁好呢? 我好怕我一但習慣佢對我既付出,
我要面對佢對我既付出既代價...
中牌: 孩童
焮焮是我二家姐既女, 我好鐘意佢, 有時會想, 如果我有一個咁既女就好喇.
因為佢好乖巧, 又聰明, 我覺得佢係一個靛藍的小孩...
不過還是算吧... 哈哈.... 是否想的東西太遙遠了吧?
右牌: 純真
這個純真我只想要工作....
以前我工作上, 工作還工作, 講笑時講笑, 但在工作上我是開心的,
就算是要開OT, 我都是開心的,
但自從今年開始, 因為我對工作的厭惡,
我做得很不開心, 就連講笑, 我都不懂得笑....
這連我都覺得好悲哀....
或許就因為我自己決定了下年年頭會離職,
就算最近新姐仔既任何改動,
我都算可以放得開....
訂閱：
文章 (Atom)