好煩好煩好煩
勁亂諗嘢
好煩好煩
2011年3月14日 星期一
14/3 佢要做聲帶"色"肉手術
自從佢決定做手術之後,
我覺得唔太相信,
點解佢要做依個可做可唔做既手術?
連佢屋企人都唔係太贊成. . .
之但係既然佢話要做,
我當然100%支持佢啦!!!
請咗14/3假, 陪佢去法國醫院做手術. . .
其實佢好驚. . . 我一直同佢講依樣, 講個樣. .
希望佢無咁緊張. . .
但我都知道係無咩用. . .
因為, 其實我都有d 擔心嫁. .
之但係依個係小手術, 應該問題不大吧. . .
去到醫院, 只係八點半. . 其實可以搞入院手續,
但佢話等到八點九先啦. . .ok. . .你話點就點啦. . .
到八點九, 原來先知要等"抽". .
搞到九點半先搞掂, 臨走時仲俾個袋仔,
係放日用品嫁. . .
跟住俾按金, $7,000 蚊, 唔收A.E. . . . 搞錯. . .
跟住上房啦, 入到房, 無人住喎, 好彩係窗邊. . . 無咁悶. .
我有帶NDS 俾佢, 怕佢悶. . 但最衰係我玩到無哂電囉.呵呵呵. .
入面等啦. . . 知道係十二點半做. .
但十一點我叫佢換定手術衫啦. . .
等等下, 十一點半過後, 就有個阿哥推張床話可以提早入手術室,
快D 做完快D 出嚟喎... (咁都得~~~)
咁我心諗係快D 出嚟, 快D 無事就好喇. .
推出去時, 我要由6樓落2樓. . .
去到2樓, 等咗一陣, 突然聽到話LIFT 入面有人抽根,
個女人係咁叫話有人抽根喎. . 又無姑娘幫佢手. .
我見推男友既姑娘行埋嚟, 同佢講LIFE有人抽根,
佢話搵ICU 入面D 姑娘幫手. . .
而男友就係咁推咗入去. .
其實佢要入去兩個鐘, 我可以去食個lunch先. .
但我唔知點解唔多肚餓. . .又唔想行開. .
坐一陣, 聽下日文, 個頭好痛. .
又睇下電視. . . 坐咗半粒鐘. . 不如去行下啦. .
其實有d 肚餓. .
行出去, 見到有van仔可以去旺角, 咁走都易d 啦!!
再行下行下, 唉. . 算吧啦,
不如走入去食個飽算喇. .
食完即刻番去2樓等,
我只係出咗去半個鐘. . .
我寧願係手術室出面等. . .
好似安心d 咁. . .
二點十五分, 出嚟啦. . .放心哂. .
佢全身麻醉, 雖然醒咗, 但手腳不能動. .
上到房, 見佢好攰, 佢瞓, 我又瞓, 因為我一直都頭痛囉. . .
搞到六點半, 我先走人. .
到咗第二日, 我九點零就到咗.
等到十點零, 醫生到, 話ok 可以出院. . .
yeah~~~~~
後記: 佢唔講得嘢一星期之餘, 條俐話硬咗. . 可能做手術時"硬"到啦. . .
2011年3月13日 星期日
2011年3月9日 星期三
2011年3月7日 星期一
唔開心
5/3 晚同男友傾電話, 傾傾下我突然問佢:
"你愛我嗎?"
"將來既嘢好難講喎. . . 我以前影結婚相, 個d 一pair pair, 依家離咗婚啦. . . "
". . . . . "
"咁係呀麻, 我又唔識得"乙水"你, 講真話你又唔開心. . . "
". . . . " (眼淚已經想流落嚟)
"咁我以後唔講真話囉. . . 又搞到你唔開心喇. . ."
"你睇到既只係幾個cases 離婚, 我地就一定會? 都仲有好多係結婚到老. . ." (婚都未結, 你就話離婚, 咁係咪不如唔好結呀?)
"咁依d 嘢好難講麻, 點知將來會唔會變心呀?"
". . . ok~ 我唔講喇"
我唔明白, 唔通將來有個女人行埋嚟引誘你, 你就要同我分開? 唔係因為大家愛大家, 先會結婚到老咩? 唔係認清對方係自己未來既另一半先結婚? 咁依家叫咩呀? 試下結咁呀? 我唔明白囉. . .
2011年3月4日 星期五
"煩"
昨晚我上youtube, 聽聽下歌,
突然見到一首歌: 煩
即刻諗起以前RICH PLAN 既時候,
我地一有時間就去唱KARAOKAY,
阿MING 就最鍾意唱依首歌. . .
哈哈, 諗起嚟都已經係好耐世紀既事嚟...
以前大家都係單身, 
成班人柴娃娃去玩. . .
依家大家各有自己既伴侶.... 
雖然依家唔係一齊工作,
唔係成日見面,
但大家都有keep 住contract,
依d 友情,
我會珍惜...
老套講句:
友誼永固!!!
2011年3月3日 星期四
曾俊華, 你唔好係掂喎...
俾人嘈一嘈, 改哂個財政預算案,
今次仲要俾出血, 每人俾$6,000, 又退稅最多$6,000...
你有冇計掂條數先講出嚟呀?
你咁樣俾法, 多多錢都唔夠你駛啦...
我真係好suspect 你係咪有資格坐坐財爺依個位. .
講真俾$6,000唔係唔開心,
但你咁洗腳唔抹腳,
香港俾你搞"lump"呀~~~ 
訂閱：
文章 (Atom)