放o左係屋企幾日, 竟然開花...
(買番o黎既時候係只開o左一朵咋!)
2009年3月26日 星期四
2009年3月15日 星期日
今晚去咗喺紅磡新開既"康竜"
男友叫咗個豕肉拉麵配幼麵..... (真係唔知拉麵都有分粗同幼喎....???
)
d 麵既"揀"水味太重..... 豕肉味道, 只屬一般...... 要成$60, 貴咗d 咁囉...
我就叫咗個炸豬扒拉麵配黑芝麻麵.... 個芝麻麵都ok 幾好食, 但其實個麵已經係芝麻嚟, 佢仲要喺碗麵"沈" d 白芝麻, 唔通驚佢唔夠味?
個炸豬扒就一般啦...
今日又有愛心午餐食喇
先來兩碗白飯先....
首先係我至愛既脆皮腸....
再來喺肥美可口o既銀雪魚......... 超超超好食呀......
最後喺大大隻既虎蝦.... 嘻嘻..... 一人半隻, 已經飽哂!
多謝哂你呀男友... 
我還是鍾無艷... 唉...
自小, 我一向不被家人重視, 有咩問題便會找我, 去旅行呀, 好嘢食呀, 都無我份, 我便會給自己按一個名字, 叫鍾無艷, 因為" 有事鍾無艷, 無事夏迎春!"
估唔到大個咗, 我既身份一直無變. 他們想討論以前同爸媽去過廣州呀, 上海呀, 北京呀咁, 全部我都無參與過; 但返阿媽鄉下要見親戚個D 麻煩事, 又或是返東莞要抺屋既辛苦事, 先會第一時間搵我, 其實, 你地有冇諗過我既感受???
上次我叫你去飲茶, 你話唔去喇, 因為依樣, 因為個樣, 第二朝一早, 你問番我去唔去飲茶.... 喂, 我昨晚叫你就唔去, 家姐一句話你就二話不說答應, 你有冇當我係你個女???? 我只係想請你飲餐茶都唔去? 人地一句話就咩都得......
你曾經同人地講話唔會同朋友去飲茶, 因為好肥, 你既quota 只會留番俾屋企人, d 女會請你咁話, 人地叫你去你就去, 我叫你去就一口拒絶, 究竟係我黑人僧? 定係我唔係你個女????
依一刻, 我真係好唔開心, 好難過.
2009年3月14日 星期六
花旗銀行好唔掂呀!
話說我自上年年尾轉咗工序, 要負責做 L/C, 即係開信用証.
前日星期四, 我要在CITI BANK 開張L/C, 我都知道佢地做嘢又慢, 所以預咗半日俾佢地開, 由中午十二點幾FAX 咗俾佢地做嘢.....
ok, 開張L/C 都要用四個鐘, 仲唔計佢地食飯時間, 成 16:30 先俾到個DRAFT 我睇. 嘿嘿... 我傳真俾個客睇, 個客既credit manager 都差唔多放工喇.... 唉.. 唔緊要啦, 都仲有時間, 明天一早應該無問題!
到第二朝, 個客十點零已經話張L/C ok 無問題, 我即刻叫CITI BANK 個負責人M 小姐, 叫佢即刻出電報, 張L/C 傳俾個客啦.....
滿以為無問題, 出個電報駛幾耐? 俾夠佢十五分鐘點都出到瓜....
到咗16:56... M 小姐先通知我話張電報啱啱出咗....
吓????????????? 有冇搞錯呀? 出張電報, 要成六個鐘頭? 仲耐過出張L/C????
佢既理由係: 朝早我地仲要審多一次, 下午出既時候, 因為網絡既問題, 依家已經盡力幫你出嫁喇...... ???? 嘩! 你咁都得呀? 萬一出唔到張L/C, D 文件去唔到個客樹, 我地做唔到生意, 係咪你地CITI BANK 賠先? 我地出唔到貨俾人, 我地既聲譽受損, 係咪你地賠番俾我地先?
後話: 之前已經試過一月份開始加價但無出通告話俾我地知道, 你地咁都得呀? 加咗價都唔出聲..... 我都知道你地銀行無錢, 但都唔係咁樣唔聲唔聲, 加價唔出聲, 你叫我以後用你地銀行都幾難喇!!!!!!
2009年3月12日 星期四
西藏生死書
前兩日, 吾打吾撞睇到以下既youtube 片段:
http://hk.video.yahoo.com/video/video.html?id=365831
令我想到一本買咗好耐既書: <<西藏生死書>>
要好好的睇一次先得!
訂閱：
文章 (Atom)