瞓得唔好

今日係過大禮日子,

set 咗九點鐘起身,

點知七點就醒咗,

心諗無理由咁早起身嫁?

再瞓. .

八點又醒. . .

唉. . .我都係堅持九點鐘起身. .

到八點五十分. . . 登! 又醒咗. .

唉. . . 我唯有關咗個alarm clock, 死去起身喇. . .

提早同男友"慶"祝生日

因為明天係過大禮日子,

照男友屋企既習慣,

係一整日唔見得面,

佢明天係正日, 唯有今日提早同佢慶祝啦...

但點解我會打"慶"祝呢???

是原我地約咗係荃灣等,

諗唔到中午食咩嘢, 見到八方雲集,

走入去食下水餃, 男友都ok like 佢d 加哩水餃,

但入到去, d 枱無人執, d 椅又dirty,

胃口變得麻麻地, 我地草草食完,

走去隔離M 記換杯. . .

係M 記, 諗到不如去行下山頂呀~~

好耐無行喇. . . 因為男友like 大自然. . .

搭巴士上山頂, 沿住夏力道行,

開始行咗一段路, 見到有條克頓道,

去薄扶林水塘個邊. .

我諗住未行過, 不如試下啦. . .

行行下. 有d 大獲feel, 因為. . . .

梯級. . . 梯級. . . 再梯級. . .

仲要係斜既. . .

男友最僧係行依d 梯級, 其次係碎石路. . .

仲要行到佢身水身汗. . . 用埋意志力行添. . .

今日雖然太陽唔算強, 但焗囉, 所以行得好辛苦. . .

行到大半路程, 見到前面好似到終站,

正呀~~~~ 但見到個路牌係: 行去至富, 仲有1.75小時. . .

吓!? 我無命喎. . .

另一邊係行番上山頂. . . 都要半個小時. . .

男友話我肯定行半個鐘多過行去至富啦. . .

但其實我見到行番上山頂個條斜路. . .

真係有點目定口呆,. .

因為我發現我既M 前痛, 好似嚟料. . .

但騎虎難下, 點都要行喇. . . 死就死啦. .

我依半個鐘, 係我行路既一生算係最最最難行既其中之一,

因為真係好痛苦, 好攰, 陰陰痛, 無力, 救命呀~~~~~~~

我知我如果我一停, 都幾難再行到,

所以依半個鐘, 無休息, 慢慢咁行依條長命斜. .  .

終於, 我地都行完. . 唉. . . 都係我衰, 做咩行新路呢. . .

搞到男友同我都攰到死死下. .

仲驚趕唔到去返荃灣食牛涮涮, 因為我訂唔到位, 要walk-in呀. .

之但係趕到, 去到有位, 都唔係一件開心事. . .

因為我地揀咗普通和牛既buffet,

但攞出嚟一d 都唔似和牛. .

以下係第二碟. . .

第一碟, 有根又"硬", d 肉又. . .

失望之餘, 男友見到隔離枱既係雪花和牛,

好靚個隻添喎. . . 男友就諗住再叫多一碟試下. .

叫咗好耐, 先出到一碟我地真正想叫既普通和牛. .

男友就"慶" 喇, 有咩理由同之前個碟相差咁遠嫁???\

食咗, 一d 都唔"硬" d 肉相差好遠添呀. .

搵咗個waiter, 同佢講, 男友講唔夠三句,

叫佢搵經理嚟,

經理話因為之前個批係有d 問題, 所以已經收起咗,

男友話: 我唔識分你個d 和牛級數,

但你之前攞既, 同之後攞既相差咁遠,

咁即係騙我啦. . . 我俾咁既價錢, 你俾美國牛我?

個經理話我地唔係有心騙你,

因為發現咗有問題, 已經即時收起咗,

講咗好耐, 我見佢地都搞唔到個結論,

我同個經理講:

當你地發現d 牛有問題,

而已經俾咗客人,

你係咪應該主動同客人講同換番佢,

而唔係叫客人發現而投訴你?

你依家唔講, 咁都唔算係咩?

 

個一刻, 我係平心靜氣講. . .

而個一刻, 我係有d 唔開心,

係我堅持話要去依間嘢試下,

因為我既堅持, 搞到男友既生日唔開心,

係令我唔開心既原因

明天過大禮

明天就過大禮,

心情唔知點解有點緊張...

希望一切順利啦...

完成過大禮毛巾喇

過大禮就到喇. . .

之前買咗既毛巾,

問咗金都, 話最好粉好色喎. .

大獲啦, 我買咗紫色呀, 那個張太話最好全部粉紅色啦...

咁今朝一早走去換咗, 今晚就張佢地加工,

加咗條絲帶, 18條, 完成~~~

Circle K 買咗個袋... 正~~~

買咗個袋, 啱啱放哂D 花藥, 正~~~

過大禮當日既行程

六月五日過大禮行程:

男友前一天取龍鳯餅,

當日取生果籃,

約埋工作人員, 攞埋洋酒, 海味, 放係車上,

然後十點去金都攞package;

跟住去到我家留下,

三阿姨同阿敏先去取回禮物品,

到11:00 去女家過大禮. .

過大禮物品:

男家:

金都package, 包括茶葉個d;,

海味, 包括4罐鮑魚, 4包冬菇, 4包發菜, 4包花膠, 2包蠔是, 4包蝦乾;

4支紅酒;

2籃生果;

2對龍鳯餅;

紅色禮盒入面, 有禮金利是; 包羅萬有利是, 包括豬, 鷄, 魚等物品既金封;

仲有唐餅卷, 西餅卷.

另外要3封利是, 給女家未過門的姊妹.

註: 工作人員要給予利是.

 

女家回:

金都package, 包括涼果, 茶葉個d,

海味, 全部回一半;

2支紅酒;

1籃生果;

1對龍鳯餅;

回禮金利是, 通常睇意頭, 如$99, $138, $168, $188 等等

包羅萬有利是金的一半;

唐餅卷, 西餅卷著量.

18條毛巾

註: 工作人員要給予利是.

28/5: 去金都訂嘢

去到金都, 男友問我係咪揀番個間,

我話yes, 佢都算幾專業呀,

最近要係d 飽新鮮麻, 即日朝早整既,

咁就肯定無問題啦...

我地去到, 相信係佢個女嚟招待我地,

我地跟住問咗好多嘢. .

男友最concern 既係個日應該仲有咩要送要做. . .

其實除咗訂男家同女家個$980 package 之外,

重有洋酒, 海味, 兩個生果籃, package 入面有禮金封同包羅萬有封, 要入定禮金,

而女家, 佢地話要毛巾, 回禮金封同包羅萬有封都要準備. . .

男友又問咩叫飾金?

老闆娘出聲, 話依d 其實係男家買咗俾女家,

到出門去男家時戴住既,

但有d 就會過大禮送完之後, 又回番俾男友,

到結婚當日先再戴過, 咁樣會好麻煩囉,

所以可以到當日先俾, 唔駛過大禮個日俾喎. . .

我就問當日係咪唔可以見面,

佢話過完大禮就可以見面喇. . .

重有過大禮, 我地要回幾多嘢?

佢話訂咗既嘢, 當日會有兩大袋係女家回既,

到時一齊拎埋, 去到女家, 先叫人去取,

然後才去女家. .

講講下, 講到去子孫桶, 佢地話子孫桶係嫁妝,

但可以過大禮時做埋既,

本來我想搞埋, 一次過,

但唔知點解, 我好似發緊夢完全唔明白,

跟住老闆娘話你地可以遲d 先買既,

可以搞咗過大禮個d 嘢先. . .

可能老闆娘見我地諗唔點, 我地企係樹阻礙佢,

我地咪快快手落咗回禮嘢先囉. . .

其實我都覺得我地完全無search 過d 資料,

就走嚟問東問西咁. .

其實係相反, 睇得太多, 唔知邊d 係真,

邊d 一定要做咁...  問下d 專業人員, 會放心好多麻...

依家明白哂. . . thank you~~~