"銀"皮仔

昨日返工, 搭地鐵時, 搭到去葵芳地鐵站, 坐我隔離既陌生女子走左, 坐左一個小朋友. . .

佢係一個"銀"皮仔, 因為落雨既關係, 佢攞住把遮仔舞來舞去, 又"督"我, 佢一"督"到我, 跟住佢既菲傭就叫佢小心D 唔好攪到人地, (因為佢一"督"我, 我就望鬼住個小朋友.) 但. . . 點解唔係叫佢同我say sorry 呢?

但個"銀"皮仔仲惡過佢, 大大聲咁尖叫, 又用手指著個菲傭, 神態好似指揮住佢, 叫佢唔好多事咁. . .

"銀"皮仔繼續玩佢既遮仔, 揮動埋佢既遮仔, 差點就"辦"到我, 我一手擋住, 菲傭又係例牌叫佢唔好咁做, 同埋叫"銀"皮仔俾番把遮仔佢, 佢照樣又係叫. . . . .

我好輕聲咁問佢(我相信除左個"銀"皮仔之外無人聽到): "你識唔識得道歉呀?"

我見佢即刻靜左, 好似好羞愧咁, 唔知點答我咁. . .

我覺得佢知道咁樣做係唔啱既, 但佢又講到出"對唔住"依三個字. . .

我再好輕聲咁同佢講: "原來你唔識講對唔住. . ."

佢低下頭, 無出聲, 成日個都靜哂, 我見佢咁樣, 無再理佢, 自己係樹攪緊個手提. . .

我眼尾見到佢偷望我, 見我無反應, 又自顧自玩, 但就無好似之前咁過份. . .

到咗太子, 佢同個菲傭落咗車. . .

其實, 我唔知點解會咁樣講, 我只係好想佢安靜咁坐一程車. . . 等我都可以好安靜咁坐埋依程車姐. . . . . .

食中午飯

今日好好彩, 約到男友一齊食中午食.

我話佢未去過演藝既飯堂, 咁就不如去試下啦. . .

去到, 我其實多數會食燒味飯, 今日唔知點解. 揀左陳皮鴨湯飯, 佢就叫左半隻雞食. . .

食完過後. . . 先至發覺. . . 一個叫雞, 一個叫鴨. . .

仲要係. . . 男既叫雞. . .女既叫鴨. . .

抺窗

16/5 星期六, 我一直都好很想抺下自己房個對窗, 因為太dirty 喇. . .

一直都"的"唔起心肝去做, 唔知點解, 星期六男友要返工, 我起身又無咩嘢做喎, 所以就決定抺窗之餘順便執下間房喇. . .

執下執下. . . 竟然執咗兩大袋垃圾出嚟. . .  唉! 都知道自己多嘢, 但都無理由有咁多下麻. . . 不過, 執完間房, 抺完d 窗, 洗完d 水晶, 間房又真係幾令人舒服個喎!

做完哂所有嘢, 都差唔多下就五點幾喇, 坐係自己個位, 隨手攞起一本買咗好耐既書:

 

又好隨手咁打開本書. . .

有冇咁橋呀? 我真係執咗成日嘢喎. . . 仲要係. . ."一個週六下午為大掃除日". . .

真係不可思意呀!!!!

睇睇下, 要食飯喇. . . 好. . .食完飯, 再搵第二本書睇睇先:

最初係台灣買依本書, 係因為我買咗"祕密"依本書, 咁我心諗依本應該係延續篇, 應該有d 嘢睇下咁喎. . .  當時買咗之後, 睇過幾頁, 覺得對我無咩幫助, 跟住就放低咗. . .

"為什麼你會選擇轉換成負面的情緒?" 正正講緊我既工作. . .

"他是故意對我不好". . . 依句話, 好似對我講緊: 決定轉換我工作既某同事, 是故意這樣做的. . . 令到我有今天既情緒. . .

跟住我再睇埋依本:

又係咁啱講我今日大掃除. . . 應該掃除哂我所有既負能量, 負面情緒. . ..

"首先從您的睡房開始吧. . ." 真係講到中哂. . . .

其實令我醒覺到, 工作已經定了, 自己是不能改變, 但心情是可以改變的. . .

我希望盡可能不要讓工作影響到我的情緒. . .

要一下子改變到嗎? 未必. . . 但我會由今天開始, 開始去接受我的工作. . .

我要加油呀!!!

收到花藥後感. . .(2)

11-13/5 今個星期, 可能無咁忙既關係, 我覺得心情都放鬆左唔少. . . 但我每朝都如常食4滴,

只係. .  昨日13/5, 我發現藥力都有時限. . . 昨日大約下午4點鐘, 我發現情緒又開始唔穩定, 有邊個人一觸法我就大獲. . .

現在回想, 點解會咁既呢? 諗諗下, 係呀, 昨日朝我除左食芥, 胡桃和榆樹之外, 因為我昨晚要返學, 所以順便飲埋栗苞. . .

會唔會有影響呢???  

弘法精舍

上星期六, 阿媽去弘法精舍做義工, 忘記咗帶帽. . . 係母親節前夕, 當然要拎俾佢啦. . .

去到, 原來係因為慶祝佛誕, 入面有好多攤位賣有關佛書同飾物嘢, 我無影到相呀! 只係留影番個日買咗既兩樣嘢:

隻介子中間係用梵文寫上六字大明咒, 且中間仲可以轉動, 可當作念經時幫助集中的, 但我無念, 只是在聽佛歌時就會不奇然用手指轉動它!

 

 

 

依本書, 我好似沒有在書店見過, 一見就想買喇. . .

 

原來六字大明咒, 係叫做"嗡 嘛呢叭彌吽". . . 如果無聽過佛歌, 真係一隻字都唔識讀呀!

 

 

終於買到銀包喇. . .

先睇睇我個舊銀包. . . 我好鍾意呀, 不過. . .

 

d 線走哂出黎. . .

 

右上角仲爆哂口. . .

 

放咭既邊邊係完全裂開. . . 

 

搵咗好耐都買唔到心水, 竟然係母親節睇到. . .即買. . .

 

自己對"幾米"無咩特別鍾愛,  但見到d 一隔隔都幾啱用!

 

其實最近我發現自己都有轉變, 可能工作上, 返學都有好多嘢煩, 所以當買嘢時, 以前既我, 一定會左諗右諗, 諗個銀包成300幾蚊, 好貴喎, 可以用幾耐呢? 諗到真係想買先會再去買, 但今次我見到依個銀包, 覺得幾啱就決定買, 我覺得, 已經有好多嘢煩, 連買自己啱用既嘢都要諗? 唔駛瓜. . .

最後多謝男友, 因為佢都有份決定. . . 同埋我完全無諗過佢俾錢買. . . 個一刻真係好感動. . .

買到個噴噴, 好平咋, 兩蚊鷄. . .

 

應該係最最最平喇. . .

收到花藥後感. . .

5/5

自今個星期一晚收到花藥後, 星期二一早我就試食, 因為返咗公司我就咩都唔記得, 淨係記得做嘢做嘢. . .

整日, 我發現無咩喎, 我發覺當得我一個人在公司時, 我會自己諗埋哂好多嘢, 例如點解得我一個? 點解我要留係樹做做做? 點解我要咁辛苦? 點解得我一個孤軍作戰? 邊個令到我有咁既轉變? 點解我唔辭職?

但直到我放工, 我無咁既諗法, 好平靜咁搭lift走人. . . 當我一個人行去巴士站時, 我發現原來我好"呆". . . 就好似阿金之前話既"呆". . . 當初阿金講時, 我係理解唔到, 咩叫"呆"呢? . . .

個一刻, 我發現原來當一個人係咁衝衝衝, 衝完個一刻, 個心好似離一離, 成個人空洞洞咁: "我之前做過d 咩呢? 我之後要做d 咩呢?" 好似無咩感覺, 只係下意識知道搭咩會返到屋企, 開門, 沖涼等等. . .

最緊要係. . . 個人好攰, 做咗成日嘢, 緊係攰啦, 但我係連個思想都好攰. . . 攰到唔想講嘢, 唔想諗嘢, 最後有張床俾我, 我會即刻瞓著. . .唔好有鬧鐘, 俾我瞓到幾點就幾點啦. . . (但我第二日要返工喎. . .)

 

6/5

我發現我自己咁"呆"法, 唔係好掂喎, 今晚要返學, "呆"咗點算好? 所以我今朝只係滴咗2滴 (正常係4滴)

ok, 返到公司. . . 唔得喎, 開始又亂諗嘢喎, 開始又好辛苦(因為d 工作又難又多又得我一個人做. . .), 開始又想喊喎. . . 唔知點解, 個一刻我又無再飲花藥喎. . . 可能醒唔起瓜. . .

 

7/5

有咗之前既經驗, 今朝幾帶都要飲番正常4滴先. . .

ok 喎. . .我整日都久唔久講到下笑喎. . .

其實之前我唔講嘢, 後面既同事講笑呀, 傾嘢呀, 我無參予, 好似自閉咁, 除咗公事, 其他我一律無講, 我知道後面既同事好擔心我, 但個一刻, 我真係唔想講嘢喎. . .

但今日, 我真係好似好正常咁同佢地講下傾下. . . 真係好似無事一樣. . .

 

8/5

滿以為我無事, 所以今朝我決定無飲到. . .

大獲. . . d 嘢又係排山傾海咁嚟, 仲獲獲都好麻煩, 唉 . . .突然醒起, 無食花藥喎. . . 唔埋其他人, 飲咗先算啦. . 唔係我就死得喇. . .

真係唔到你唔信, 過咗無幾耐, 又ok 番喎. . .

有趣圖片