"銀"皮仔

昨日返工, 搭地鐵時, 搭到去葵芳地鐵站, 坐我隔離既陌生女子走左, 坐左一個小朋友. . .

佢係一個"銀"皮仔, 因為落雨既關係, 佢攞住把遮仔舞來舞去, 又"督"我, 佢一"督"到我, 跟住佢既菲傭就叫佢小心D 唔好攪到人地, (因為佢一"督"我, 我就望鬼住個小朋友.) 但. . . 點解唔係叫佢同我say sorry 呢?

但個"銀"皮仔仲惡過佢, 大大聲咁尖叫, 又用手指著個菲傭, 神態好似指揮住佢, 叫佢唔好多事咁. . .

"銀"皮仔繼續玩佢既遮仔, 揮動埋佢既遮仔, 差點就"辦"到我, 我一手擋住, 菲傭又係例牌叫佢唔好咁做, 同埋叫"銀"皮仔俾番把遮仔佢, 佢照樣又係叫. . . . .

我好輕聲咁問佢(我相信除左個"銀"皮仔之外無人聽到): "你識唔識得道歉呀?"

我見佢即刻靜左, 好似好羞愧咁, 唔知點答我咁. . .

我覺得佢知道咁樣做係唔啱既, 但佢又講到出"對唔住"依三個字. . .

我再好輕聲咁同佢講: "原來你唔識講對唔住. . ."

佢低下頭, 無出聲, 成日個都靜哂, 我見佢咁樣, 無再理佢, 自己係樹攪緊個手提. . .

我眼尾見到佢偷望我, 見我無反應, 又自顧自玩, 但就無好似之前咁過份. . .

到咗太子, 佢同個菲傭落咗車. . .

其實, 我唔知點解會咁樣講, 我只係好想佢安靜咁坐一程車. . . 等我都可以好安靜咁坐埋依程車姐. . . . . .