話說昨午打三號風球, 我要測驗, 請咗兩日假溫書, 再加埋昨日朝頭早溫一溫, 滿以為可以應付, 點知. . . 最驚會出個條題目真係出咗. . . 搞到我無咗成27分. . . 唉. . .有冇搞錯???? 
今日, 點都要鬆一鬆, 十二點幾去睇咗冰河世紀3, 唔. . . 不過不失啦, 不過好耐無去睇戲喇. . OK 啦. . . 叫做笑下. . .
跟住, 我話去港灣豪庭睇下男友想睇個間叫 XX basic, 但去到, 都無既, 可以已經執咗粒喇. . . 但行咗一陣citistore, 都幾多嘢睇喎. . . 買咗好多日用品tim. . .
跟住我地行去奧海城, 跟過一間燒"立"舖, 見到d 义燒同d 油雞幾得咁喎, 走咗入去叫個例牌义油雞食, 其實咁樣食法我都係第一次, 因為通常係屋企食, 而又會有碗白飯連餸食, 真係未試過就咁食喎. . . 碟义雞勁好食呀! 下次有機會一定會再去食其他嘢. . . 呵呵. . . 
行到去奧海城, 見到麥記, 食咗個雪糕cone, 又係好耐都無食喇. 話說上個星期三我放成10:20pm, 搭車去到旺角, 好想食個雪糕, 經過麥記, 掛隊等咗五分鍾先到我, 去到竟然同我講無雪糕食. . . 真係超級失望呀! 今日終於食到. . . 
正!!!
沒有留言:
張貼留言