橫綱拉面+街市海鮮檔

今日係3/1, 十二點就去到出哂名要係外面排隊既拉面店食中午. . .

叫咗個橫綱拉面, $38

同埋咖哩牛肉拉面. . . $40

兩個面都好好食, 個拉面唔錯, 價錢就中等啦, 最正係唔收加一,

最差當然係要咁凍既天氣係外面等位囉. . .

晚飯, 我地去咗街市食海鮮. . .  超. . . . 正呀. . .

我第一次食咁大隻既瀨尿蝦. . . 仲要係椒鹽整既. . . 想知佢有幾大隻?

菜心可以"六"得咁綠, 真係幾good 喎. .

隻瀨尿蝦既三份之一個身位, 係我隻電話既長度,

可想而知佢成隻有幾大隻喇. . .

再睇睇佢三份一既尾部份, 都有個電話既大半個身位呀!!!

仲有隻大蟹. . . 咦. . . 我食既時候, 好似無咁多羔喎. . .

莫非有人偷偷地食哂???

最後再加多個羊腩煲. . . 不過係食哂先影. . . 

埋單, $470. . . 好豪呀. . . 今年都唔可以再食咁既海鮮餐喇. . .