娟姐你好嘢

娟姐, 係公司幫會計出街既同事.

話說今日有兩張L/C 要送俾客, 都係在灣仔, 無問題啦!

到二點半, 佢除咗去銀行同送L/C, 點都返來啦.

我見佢未返, 我仲有份L/C 要送,

打俾佢, 問佢三點鐘返到未? 我仲有一份L/C 要送,

佢話無問題.

去到三點三, 佢仲未返, 其實我知道佢係去咗新公司唔知整咩,

但都無理由仲未返, 打俾佢,

佢話返來喇.

終於三點半先返,

趕頭趕命咁, 流哂汗

我話要去九龍灣, 然後送去灣仔

佢一路行, 一路話做咗成日, 仲未食飯呀我. . . 一路行一路怨. . .

OK~~~ 你未食飯關我咩事呢? 我做咩要受你氣先. . .

到咗五點半, 個客打嚟問幾時張正本L/C 到呢?

咁我即刻打俾佢問佢, 佢話搭緊地鐵, 在北角. . .

OK, 計番條數, 應該五點九應該到個客個樹...

但同一時間, 我上司阿姐又打俾娟姐問佢係邊樹. . .

跟住佢就打俾我, 話" 嘩, 駛唔駛你打完到你阿姐打來呀?

咁吹我法, 我都已經趕緊去喇. . . " 跟住仲"給"我線. . .

阿姐吹你, 我鬼知咩? 又關我事, 無端端又俾佢話我. . . 

有冇搞錯咗呀?

回番個客, 到咗五點九, 娟姐打電話, 話到咗但打俾個客無人聽. . .

我即刻叫埋同事打俾個客. . . 話走咗, 得番一個人在公司. . .

OK, 總之接咗L/C 就得喇. . .

佢返到公司, 佢又話我. . . "唉, 真係趕到我死呀,

駛唔駛咁吹我呀, 又唔叫個客留係公司等我. . ."

又係一路行一路講完就走. . .

 

阿大姐, 你咁樣算係咩做嘢態度呢?

你係幫我地會計部做嘢, 特別係送L/C,

唔急我都唔叫你送啦?

有咩緊要得過做幾百萬生意呀?

你唔送, 你出聲啦,

你"嚴"辛苦, 你出聲啦,

你唔駛下下俾說話我聽,

我都只係做嘢姐.

你估我好想叫你送?

我已經問咗好多次依張L/C 係咪急,

而答我都係話最好今日送到啦. . .

 

真係關我X 事. . . 激氣呀!