羅浮宮-揀衫影婚紗相 (24/10)

今日去咗羅浮宮揀衫, D 款唔多, 好難揀得落手. . .

左睇右睇, 先揀咗晚裝先. . .

先來件紅色, 男友揀既, 但我著上身, 覺得隻紅色好暗,

唔考慮...

依件我未試, 因為入去羅浮宮時就見到有人著住,

覺得好靚, 但因為有人著住既關係, 我無得試. . .

到1/11 影相時Sales - Apple 話可以俾我試下喎. . .

依件係我想試下著沉色既感覺. . . 結果係唔考慮. . .

因為真係太沉喇. . .

依件其實隻藍色幾好呀嫁! 不過著上身覺得隻色比較沉,

好似好舊咁. . . 我覺得唔得囉. . .所以又係即時say no!!!

到婚紗喇. . . 依件宮廷裝其實都ok 既, 之但係我著上身,

好大件, 佢又無細碼喎. . . 個肩膀即頭跌咁滯. . .都係算吧啦. . .

依件其實我幾鐘意, 係第一件試既, 佢幾有層次,

同埋唔係全件白色, 都幾ok 嫁. . . 之但係我無揀到. . .

咁究竟我揀咗邊兩件呢?

依件晚裝我著上身就好鐘意,

粉紅色又夠sharp, 但我都未係最後confirm,

因為我仲有件ED1263 未試麻. . .

依件婚紗係我一著上身就好鐘意既, 所以無諗其他,

即刻揀咗依件喇. . .