一直都好想打個時間表, 但"的"唔起心肝....
依家唯有記得幾多打幾多啦...
1 Nov 2010 去羅浮宮影結婚相
3 Nov 2010 聽聞羅浮宮結業
4 Nov 2010 報紙登咗十二月會結業
6 Nov 2010 去到, 最終係揀咗相, 加多兩張
Jan 2011 羅浮宮d 油畫到齊哂
11 April 2011 去周生生買咗對結婚介戒指
6 May 2011 去 I DO 影多一輯結婚相
18 May 2011 18:00 婚前檢查去取報告
22 May 2011 12:00 去 I DO 揀相
5 June 2011 過大禮
7 June 2011 去周生生取結婚戒指 (24 May 打來話可以取)
25 June 2011 去溫馨揀婚紗
26 June 2011 去 I DO 再揀相
8 October 2011 去溫馨 Final Fitting
約咗今日25/6 12:30 定婚紗同晚裝,
之前已經hold 起咗一件婚紗喇.
今日諗住去睇下有冇d 新款啱自己既...
去到, 我同男友好想搵番之前既小燕同我搵衫,
但我一時之間無問喎...
正當我試衫其間, 原來男友成日聽到有人叫小燕, 小燕咁,
但就唔知係邊個喎. 我地諗住佢好忙,
所以都無主動問,
而我記得婚紗試咗好耐,
我突然問同我試衫那個人,
問佢: 你係咪叫小燕呀?
原來一直同我換衫那個, 就係我地想搵那個呀...
佢揀衫好快, 同我換衫好快, 又知道我想要咩...
俾咗好多好多衫我試...
我鍾意A-Line 款, 後來阿ming 來到,
佢叫我試其他. . . 但我始終都係鍾意A-Line 多d,
而最終件婚紗我係揀番original 揀個件,
因為佢後面那個大butterfly 係我同男友都好鍾意...
(雖然"影後"面係好少可既...)
依個係五福, 原本我唔想揀依個, 但諗到要有體面,
最終依個要加五百大元....
依件婚紗, 係我第一次揀中, 亦係最終揀既個件...
小拖尾之餘, 仲有個大蝴蝶結, 但影唔到囉...
依件呢, 我覺得好鬼似走去登台呀...
佢地見到依件, 覺得隻色同個款都唔錯...
我雖然唔多鍾意有鋼紗既款, 但佢用嚟影相,
應該唔差喎.. 咁就用嚟迎賓& 影相用啦...
依件我著上身, 就覺得隻色麻麻, 諗住佢地會say no...
點知一著出嚟, 男友同阿ming 竟然一致咁話好...
男友話好少見到依隻色既晚裝. . .
其實佢後面都幾靚個喎. . 依件諗住敬酒用既.....
(haha 都係A-Line 款呀)
依件綠色晚裝, 其實都幾ok 既,
佢係有d絲質咁既布料,
我覺得有一件咁既都幾好, 可以平均番, 同埋可以著唔同款...
所以依件會係用嚟送客既...
阿ming 係伴娘, 當然要預一件俾佢啦,
佢試咗三件, 諗住依件太誇,
點知最good 既係依件喎...
我話你係前面蝴蝶結, 我就後面一個大既,
好鬼親呀... 呵呵呵...
今次加咗個五福, 多一件晚裝同埋伴娘衫,
又用多咗$1,500 喇...
雖然係男友出既, 但我都覺得好肉痛呀....
話說今日係過大禮,
一早已經叫咗二家姐, 三家姐同細妹幫手,
叫咗佢地先落去攞咗過俾男家既物品,
然後等佢地嚟, 再回番俾佢地既. . .
而我同男友, 當日係唔可以見面既,
而我聽聞最好要不在家,
到差唔多十點五十分,
我 ready 出街時, 阿媽話唔駛走啦,
係房咪得囉. . .
咁我唯有係房等啦. . .
好彩事情都順利. . .
男家俾咗:
金都買既禮品: 椰子兩對, 檳榔兩對, 扁柏, 茶葉兩罐, 龍鳯燭兩對,
對聯兩對, 禮金盒一個, 禮金封套一對(即禮金利是和包羅萬有利是),
四京果兩包, (四京果: 花生, 合桃, 龍眼干, 荔支干), 五穀兩包
(紅棗, 紅豆, 綠豆, 百合, 蓮子, 芝麻)
另外自購: 生果兩藍, 龍鳯餅兩對, 唐餅兩盒, 紅酒四支, 豬利是兩封,
雞利是四封, 魚利是四封, 海味六式, 即有
蝦米四包, 髮菜四包, 冬菇四包, 鮑魚四罐, 蠔是兩包, 花膠兩包裝
女家回男家有:
金都買既禮品: 禮藕一對, 石榴一對, 大吉一對, 禮芋, 禮薑芙蓉, 扁柏, 柚葉,
回禮糕點: 大發糕一底, 煎堆八個, 鬆糕八個, 紅包八個
另外男家自購的全部回一半,
另回禮金利是, 包羅萬有利是, 毛巾十八條.
又因我家兩個家姐及一個妹妹未結婚, 男家要給三人利是,
作添衣之用.
