終於決定咗婚紗同晚裝喇...

約咗今日25/6 12:30 定婚紗同晚裝,

之前已經hold 起咗一件婚紗喇.

今日諗住去睇下有冇d 新款啱自己既...

去到, 我同男友好想搵番之前既小燕同我搵衫,

但我一時之間無問喎...

正當我試衫其間, 原來男友成日聽到有人叫小燕, 小燕咁,

但就唔知係邊個喎. 我地諗住佢好忙,

所以都無主動問,

而我記得婚紗試咗好耐,

我突然問同我試衫那個人,

問佢: 你係咪叫小燕呀?

原來一直同我換衫那個, 就係我地想搵那個呀...

佢揀衫好快, 同我換衫好快, 又知道我想要咩...

俾咗好多好多衫我試...

我鍾意A-Line 款, 後來阿ming 來到,

佢叫我試其他. . . 但我始終都係鍾意A-Line 多d,

而最終件婚紗我係揀番original 揀個件,

因為佢後面那個大butterfly 係我同男友都好鍾意...

(雖然"影後"面係好少可既...)

 

依個係五福, 原本我唔想揀依個, 但諗到要有體面,

最終依個要加五百大元....

依件婚紗, 係我第一次揀中, 亦係最終揀既個件...

小拖尾之餘, 仲有個大蝴蝶結, 但影唔到囉...

依件呢, 我覺得好鬼似走去登台呀...

佢地見到依件, 覺得隻色同個款都唔錯...

我雖然唔多鍾意有鋼紗既款, 但佢用嚟影相,

應該唔差喎.. 咁就用嚟迎賓& 影相用啦...

依件我著上身, 就覺得隻色麻麻, 諗住佢地會say no...

點知一著出嚟, 男友同阿ming 竟然一致咁話好...

男友話好少見到依隻色既晚裝. . .

其實佢後面都幾靚個喎.  .  依件諗住敬酒用既.....

(haha 都係A-Line 款呀)

依件綠色晚裝, 其實都幾ok 既,

佢係有d絲質咁既布料,

我覺得有一件咁既都幾好, 可以平均番, 同埋可以著唔同款...

所以依件會係用嚟送客既...

 

阿ming 係伴娘, 當然要預一件俾佢啦,

佢試咗三件, 諗住依件太誇,

點知最good 既係依件喎...

我話你係前面蝴蝶結, 我就後面一個大既,

好鬼親呀... 呵呵呵...

 

今次加咗個五福, 多一件晚裝同埋伴娘衫,

又用多咗$1,500 喇...

雖然係男友出既, 但我都覺得好肉痛呀....