好攰,好攰,但一切順利

當我知道我d 婚紗同晚裝係無首飾時,

我就覺得好煩好煩,

因為好多嘢都未搞掂,

依家又多一樣嘢煩,

對於親衫依家嘢, 我就最最最差嫁喇...

幾晚走咗上網去睇, 邊度有呢???

今日約咗造姊妹衫既張小姐,

除咗為兩位好姊妹kristie 同grace 造衫外,

順便問埋佢我依個煩惱,

佢話我無係樹租衫, 無得外借喎,

但之後佢見我左望右望佢d 手飾,

跟住就肯租俾我喎...

講真, 佢都係淨賺姐... 佢check 咗件首飾無人用,

就肯租俾我, 仲只係借三套二百蚊,

嘩, 簡直超低啦, 我懶係諗咗一陣, 就答應咗...

haha, 平呀~ 我見出面要二百蚊一套,

佢竟然全部三套二百搞掂喎...

跟住諗起姊妹d 化妝未搞掂,

又順便問佢價錢啦, $300/一個,

價錢公道呀~ 因為我要佢走兩場喎,

仲話要掂兩個添... 佢話ok,

我就話如果ok 我就會搵佢.

因為話哂我先答應咗我個MUV 先既...

等佢回個價錢先再決定都未遲啦....

跟住同grace 和kristie食咗個快餐,

grace 俾咗好多結婚資料我...

起碼對我做當日既schedule 好有幫助呀~

再加上嚟緊星期四會約美儀佢地食飯,

就會知道更多資料喇.

grace 走咗後, 我同kristie 去咗太子搵花球,

去到,竟然見到璸紛搞promote 喎.

花球, 襟花, 手花, $1368, 搞掂...

係就係貴d, 但我又煩少一樣... feel so good~~~

跟手又去埋金都喎, 其實係睇花車佈置,

見到d 價錢, 好似係貴咗d, 最平$588,

有花座就過千....依樣想搵男友睇睇,

我心裡其實有數, 但我都好想快d 搞掂,

等我搵個時間先.....