有得必有失...

自從發生咗二家姐生日,
我發老脾駡三家姐事件後,
往後返屋企食飯,
都係怪怪的.
佢唔同我講嘢,
我亦都無嘢好傾,
好不自在的感覺.....

但返到紅磡,
就完全唔同,
真係有返屋企既感覺...
very warm,
老公好多嘢都就哂我...

我覺得好幸福呀,
我從來唔知點解老公會對我咁好?
我唔係特別靚過人,
有如此人對我咁好,
應該係三生有幸...

星加坡四天自遊行11/11-14/11

記得老公講過佢最唔鐘意自遊行,
因為要plan 買機票, 行程,
好麻煩....

自從前幾年要成日飛去外國出差,
好多時做完嘢,
佢都要出去外面行下,
對"自遊行"都唔係好抗拒....

今次揀咗去星加坡,
除咗因為我無去過之外,
出差星加坡太多次,
對個邊好熟識,
所以今次既星加坡自遊行,
都算幾好玩喇....

去星加坡, 首先要訂機票同酒店,
都係買package,
個package 仲包埋坐Singapore Flyer (門票S 29.5@)
但就無老公想住既Fullerton Hotel,
只有Fullerton Bay Hotel....
其實依間酒店貴d 嫁,
仲有就係老公去買package 時,
因為無哂普通個隻房,
要加錢upgrade.....
淨係酒店同機票都成萬幾蚊喇.....

不過成個trip,
雖然有開心, 有好彩, 也有點麻煩,
但係好難忘喇...

感謝你... 老公

生病確實好容易打動人的心.....

其實自從結婚以來,
我都無咩大病小病,
可能我已經接受咗依個新屋企...
雖然間中亦有唔開心,
但大家都好努力去維繫,
特別係奶奶生病, 到離開,
我理解到佢既唔開心.....

自從奶奶走後,
老公對我比以前還細心,
更加照顧我,
被重視既感覺,
令我覺得好幸福.....

前晚我開始作病,
昨晚老公特別為我煮咗粥食....
煲粥並唔係容易既事,
又要整皮蛋, 又要手撕瘦肉,
又怕煲粥"chi"煲底,
又要幫我整第二日既lunch box.....

自結婚以來,
他做的事, 一直令我感動著.....
謝謝你... 老公...

又係我錯?

二家姐星期日生日,
話說要約日子食飯,
早兩個星期已經係whatapps 問約邊日食飯,
傾傾傾,
二姊夫話不如正日星期日夜晚食晚飯,
二家姐話唔得, 大哥哥要上堂,
最終無講定邊一日.

昨日又係apps 問,
二姊夫話不如星期日中午食飯,
無人話得定唔得.....
又係無日子....
諗住今晚返阿媽屋企食飯問啦~~~

到食晚飯, 我問三阿姨係邊日?
佢就向住坐佢對面既細妹講:
"唔係講咗星期五咩?
點解二家姐無同victor 講呢..... "

我就已經好"慶",
第一: 你地"傾"好咗?
我一d 都唔知,

第二: 係apps 問又無人答,
victor 講咗星期日,
你地既然傾好咗,
點解唔出聲講話應該係星期五呢?
我已經唔係第一次問,
咁當我係咩呢?
陌生人?

第三: 我問你嘢呀三阿姨,
你做咩好似完全唔理會我,
當透明咁,
淨係同細妹傾?
完全唔答我問題,
咁我係咩呢?
淨係細妹係你個妹,
我都係你個妹,
點解完全當我透明?

我個陣好"慶"好"慶",
好嬲咁同佢講:
"我依家問你嘢呀,
你淨係同阿敏講咩啫?"

佢仲係完全當我透明,
無答我嘢.....

我繼續:
"你地約咗星期五又唔出聲?
victor 係apps 到講星期日你地又講話應該係星期五,
你之前約我地食飯,
都係apps 到約,
家陣佢講唔啱你又唔出聲,
咁即係點呀?"

我心諗真係你講哂,
一時又apps, 一時又唔係.

跟住佢講話以後唔會係apps 講喇~

返咗屋企, 先發現三阿姨同阿敏都"離開"咗apps 組羣,
ok , 即係玩杯葛啦,
i don't care la,
係你地唔理我,
我可以做咩呢?
係我唔啱,
maybe 我以後都唔駛出席你地搞既活動,
因為你地係唔會通知我....

以前我搞,
從來都唔會咁樣,
依家唔係我搞,
就連通知都無,
嘿嘿嘿....
我算係咩?
我算係咩呢?

我就好似個傻婆, 陌生人,
無人理你,
無人話預你.
以為係一家人?
嘿嘿嘿...
錯喇,
唔止無地位,
其實係唔識你嫁.....

血併

自從奶奶出事,
好耐無行過街,
就算行街, 都無咩mood 買嘢,
昨晚因為老公約咗人,
得番我一個,
放工咪走去葵芳shopping~~~
我估大約七點到,
行咗三粒鐘,
其間無食嘢, 無飲水, 無坐低過,
不停咁行行行......

好耐無試過買嘢買得咁勁揪,
好盡慶呀~~~
買咗兩件外套, 兩件外衫, 兩對鞋, 三對絲襪, 一對耳環, 一個file~~
一個環保大袋都裝唔哂....

好開心~ 最開心買咗兩對鞋,
因為鞋依家嘢, 好難睇中....

其實行街時, 一路諗住要買衫,
下個月有朋友結婚,
心諗要買件衫著下~~
因為我太耐無買衫,
d 衫俾我著到起哂毛粒喇......

如果再有機會,
一定會再去血併.... yeah~~~

4/9 守夜; 5/9 大殮

4/9 守夜
下午三點半去到萬國,
便上五樓買白衫白褲白鞋衣紙,
我同老公去廖怕道堂"接奶奶"回萬國,
跟住去換衫褲鞋,
"唐宮" 到, 便進行"開路"儀式,
老公係"買水", 同細佬阿明係前面,
我係後面,
我後面係大姑奶, 二姑奶, 三姑奶,
再後面係大姊夫, 三姊夫,
原來我要企係咁前, 我都唔知道....
跟住"唐宮" 同廖伯道堂的李生開始儀式....

一開始, 我眼淚無停過.....
可能係道官做緊既法事,
係叫奶奶回來,
總之就係咁流淚...........

差唔多五點半, 爹d, 媽咪, 二家姐, 細妹到來....
我無諗過細妹來,
問佢地見唔見奶奶,
細妹好似好驚咁, 話唔去睇..
其實我都好怕見到,
但無辦法喇....

原來四阿姨問過carmen, 因為爹d 媽咪年過六十,
其實今年不宜去依d 地方,
所以最好離開依d 地方,
係仲有陽光既時候,
所以佢地坐到六點半就走喇.

到咗晚上, 七點零開始多人,
二姑奶的朋友都幾多,
另外老公的朋友,
AY, derek, king kong, joseph, 另外羅生都有來,
羅生成個黑社會人物咁,
坐係樹好嚴肅的樣子..

我個邊只有爹d 佢地嚟,
所以當佢地走哂,
我便去燒嘢俾奶奶.

差

發夢

今朝好早就醒咗,
跟住瞓著後,
發咗個夢,
夢到自己有咗bb,
一直到生都沒做到任何產前檢查,
我覺得無咩問題....
跟住就醒咗.......

發夢, 係同現實相反,
即係又失敗喇....

係有小小失望既,
只係同自己講順天意,
就由得佢吧...

安排奶奶身後事

18/8/2012 (七月初二)
早上十點零, 醫院打電話俾老爺屋企,
通知奶奶現在情況危險, 要即時趕醫院
到10:25, 奶奶已經離開.
大姑奶同工人幫奶奶抺身,
不知因何, 奶奶的大便不停流出,
氣味臭氣沖天,
大姑奶及工人, 弄了大個小時先完成.
此時叔叔, 嬸嬸, 文仔都到.
及後吃完飯,
回老爺家找相片.
我則去上堂

19/8-23/8
大姑奶去睇堂, 睇價錢,
最終決定去萬國

24/8
此日頭七, 全部人回老爺家吃飯.

25/8
去東普陀寺安排上位日子,
之後回紅磡買奶奶用品及買骨灰龕

26/8
去廖伯道堂拜祭奶奶,
之後去揀花牌

27/8
回魂日, 全部回老爺家吃飯,
再到樓下燒衣,
當晚十一時至零辰三時奶奶回魂,
之前要準備一枱食品

4/9
16:00 領取遺體,
到萬國準備客人前來

5/9
9:00 到萬國領取遺體,
12:30 前到哥連臣角火葬場,
完結後到明悅軒食英雄

23/9
11:30 東普陀寺上位

5/10
尾七回老爺家吃飯

25/11
第100日

老公msn title: "4 Sep 萬國; 5 Sep 送別媽媽!"

已經請了這兩天的年假,
現在只是等待著...
見老公既心情都算平伏...
過埋依兩天,
事情先會告一段落...

奶奶, 一路好走...18/08/2012

今朝十點零, 醫院打電話俾老爺屋企,
話奶奶情況好危險,
要即刻到醫院.

我都未醒, 就即時要起身,
換衫, 擦牙, 洗臉...........

出門, 已經十點半,
去到留下大閘,
老公收到電話,
奶奶已經走咗....

去到醫院,
老爺佢地已經到,
但無人見到奶奶最後一面,
因為由姑娘知道心跳有問題開始,
唔夠一分鐘, 就去咗...

老公由去到醫院,
見到奶奶,
到大姑奶同三姑奶到,
佢都表面平靜.

到姑娘做最後安排,
到鐵箱到,
老公走咗出去,
跟住D 工作人員叫我地出去,
我先見到老公忍唔住喊...

我唔知可以做D 咩,
唯有跟住工作人員去到地庫...

其實喊得最傷心係工人,
可能係最後既日子,
工人都好貼身照顧奶奶,
奶奶對佢好似女咁,
所以感情特別好...

其次係二姑奶,
奶奶最錫係佢....

老公呢, 其實之前三晚老公因為要做嘢,
無見過奶奶,
諗住今日會去探佢,
點知一早就收到電話,
連最後一面都見唔到....

不過咁, 佢一生辛勞,
可以咁快就解決痛苦,
係好事嚟.....

"糴" 字

"糴" 就咁睇係唔知咩嚟,
但加多個"米",
就知道係 "糴米"

奶奶仍然唔清醒

昨晚去探奶奶.

一去到, 見大姑奶同三姑奶拉住姑娘隻手,
行咗出去傾奶奶既情況,

大姑奶講番前晚奶奶唔清醒既清況,
同埋今日好容易就發脾氣...
首先係叫大姑奶幫佢坐起身, (實際上奶奶唔可以坐起身, 自己會不能呼吸)
跟住又話要沖涼( 起唔到身, 又點可以沖涼?)
思路似去番剛發病時佢仲可以坐係身...
因為依D 都唔可以做到,
大姑奶同奶奶講,
奶奶見唔幫佢,
就大發脾氣,
唔彩大姑奶.

跟住叫阿V 抱佢起身去廁所大便,
大姑奶當然話唔得喇,
你依家起唔到身喎...
又唔得, 奶奶又激氣,
好嬲咁話: 連去廁所都唔得, 你地快D 走呀~ 快D 去死啦~~~
三姑奶好激動咁講,
因為奶奶都駡埋佢一份.....

其實以現在情況,
奶奶以為自己係屋企咁....
因為係醫院係無可能抱佢去廁所....

跟住又同大姑奶講,
要轉去隔離11號床....
大姑奶好奇怪,
點解會係11號床呢?
因為住醫院咁耐,
無試過瞓11號床個喎...

依個monment, 又似係去番醫院....

奶奶情況... 唔係筋骨痛既問題,
而係情緒同思路既問題..

因為早前當奶奶知道無得再出醫院,
情緒變得好緊張,
話唔想再生存,
要醫生快d 做嘢,
但依家係未有安樂死,
所以醫生唯有開嗎啡俾佢,
份量當然係有醫生處方啦~

我最初好衰咁諗,
會唔會係醫生落嗎啡落重咗手,
但又無同家屬講呢?
要知道醫療失誤, 醫生係唔會認麻,
再睇番資料,
有可能係醫生無落/落份量輕咗既嗎啡,
嗎啡係令神經放鬆,
一直咁食, 會上癮,
如果無食/食少咗份量,
咁佢既精神狀況就會轉差....

希望今日醫生會有回覆啦~

【嗎啡的反面用途 ─ 毒品】

【嗎啡的反面用途 ─ 毒品】



吸食嗎啡，可產生人體上的一系列副作用，在神經中樞方面，副作用表現為嗜睡和性格的改變，引起某種程度的愜意和欣快感覺。



在大腦皮層方面，可造成人的注意力、思維和記憶性能的衰退，長期大劑量地使用嗎啡，會引起精神失常的症狀，出現澹亡和幻覺。



在呼吸系統方面，因嗎啡能抑制呼吸中樞的興奮性，改變呼吸的自動控制，因而大劑量吸食會導致呼吸停止而死亡。



嗎啡的極易成癮性，使得長期吸食者無論從身體上還是心理上都會對嗎啡產生嚴重的依賴性，造成嚴重的毒物癖，從而迫使嗎啡癮者不斷地增大劑量以期收到相同的吸食效果。



戒絕吸食嗎啡，會伴隨著明顯的身體症狀：流汗、顫抖、發熱、血壓高、肌肉疼痛和攣縮。這些紊縮。這些紊亂構成了戒絕嗎啡後的綜合病症(withdrawl syndrome)。

奶奶撞嘢定發惡夢?

昨晚如常去探奶奶,
差唔多行到醫院門口,
我問老公: 依條醫院路, 好似由四月開始行喇....

上到病房, 見到奶奶精神好似唔錯,
但見大姑奶眼紅紅咁....
過咗一陣, 大姑奶開始講喇:
"阿媽話昨晚瞓唔到呀, 話見到d 人,
攞住d "打包"入嚟, 放係佢右邊床地下喎....
咁我就問佢, 點解放係右邊唔放係左邊呀?
佢話咁樣會阻住d 姑娘做嘢喎...
咁再問佢係點入嚟啦?
佢話係窗口邊邊入嚟喎,
咁再問佢點樣拎走啦~
佢話攞去廁所個邊喎
(因為奶奶依家住緊隔離病房, 係以前用既房,
依家只係用嚟放有呼吸病既病人, 並唔係奶奶因為咩事要入依d 病房,
而隔離病房係有個獨立廁所既)

唔怪得之大姑奶咁既樣啦,
俾我聽到都嚇咗一跳....

跟住奶奶又講第二樣,
話佢老公同大姑奶, 二姑奶同阿明,
見到佢地係樹執房....
奶奶叫極佢地都無人應....

大姑奶話: 我地點會唔理你喎,
你唔好亂諗嘢啦~~~

有人問: 今日有冇醫生嚟呀?
奶奶話: 明明叫你同醫生講,
我既意願係無變到,
叫佢快d 手做嘢啦~~~
又話大姑奶唔同意d 藥,
大姑奶好大反應,
話我無唔同意喎....
我地一直都知道你既意願嫁...
你唔好亂諗嘢啦~~~

最搞笑係: 見到阿V (即係工人)
同佢講, 你係點樣嚟嫁?
阿V 話搭巴士囉...
奶奶話: 唔駛嫁, 搭lift 就得喇...
阿V 就好奇怪啦, 就問: 係咪搭的士呀?
奶奶好堅決咁寧頭, 話淨係搭lift 得喇....

跟住奶奶突然話叫我地拎開個"袋",
大家都望住前面, 心諗都無嘢,
唔好嚇我地呀大佬....
邊有袋呀?
當大家你眼望我眼時,
大姑奶叫奶奶指俾佢睇,
原來係個呼吸器有個蓋彈咗出嚟,
佢近睇以為係個袋....
但依個呼吸器, 已經帶咗成個月,
依家先嚟發現???

用咗好多時間嚟估奶奶講咩嘢,
大家既心情都十五, 十六....
奶奶又講喇: 阿V, 你仲唔去煮飯?
我地話好好好, 阿V 你搭lift 去留下煮飯啦~~~
大家都笑笑口咁.... 明知係講笑....
奶奶見阿V 仲企響樹,
又再講: 你快D 去煮飯啦~~~
我就話喇, 你快D 搭lift 去喇,
跟住細細聲話你轉頭就入番嚟話煮完叫我地食咁囉....

阿V 覺得好搞笑,
唯有笑住行出去,
一陣佢又行番入嚟,
笑住話已經煮完喇....

跟住大家同奶奶蓋好被,
搞完一輪就離開....

我其實覺得係奶奶因為長期既藥物影響佢,
開始神志不清,
而佢見到個D 嘢,
其實可能係發惡夢...

但老公怕佢真係撞嘢,
因為始終都係醫院,
一日進進"出出"既人咁多,
而且係昨日先有咁既奇怪說話.....

再睇睇情況吧...

最緊要身體健康...

身體健康

作曲：陳德健

填詞：林夕
編曲：溫浩傑

如若我　患了傷風 怕就怕你惹了我的咳嗽
連累你　發起高燒 跟我睡覺你也要分睡床
如若我　喉嚨腫痛 怎樣去唱你愛聽的歌韻
連累你　唇乾口淡 因要共我吃最淡的粥　最青的菜

＊我不要做弱質病人　變一個負累你不幸
　誰想有病　厭惡呻吟　我不要千金百銀
　也祈求這小小的福蔭＊

＃我只想　身體健康
　我害怕你要照顧我　擔心得出一臉倦容
　而我病床中反悔內疚　令你太心痛
　我只想　身體健康
　要活到過百歲不需拐杖都可跟你相擁
　不忍你勞碌的照料我 受了這種切膚之痛＃

如若我　跌短雙腿 我就算去那裡你都跟我
扶著我　輪椅中坐 親我時你也要俯身彎腰
人漸老　耳朵失聰 怎樣去聽你說我多可愛
唯願我　牙齒堅固 可吃盡你炮製我愛的每款小菜

Repeat　＊＃

我會為你好好的保重 我怕病了等於失了寵
怕你嫌藥味太濃　藥煲太重　不知怎操縱

Repeat　＃

我只想　身體健康
看著你替我蓋被　窩心得心有點痛
得到你這般的愛護我 眼淚這刻難自控

排卵期計算

http://www.baby-mo.hk/born.php?id=4

奶奶既情況

昨日探奶奶,
有小小發燒,
有小小胃痛,
有小小肚痾,
有兩個肉瘡.....
痛... 痛... 痛...

唉... 人生最緊要開心,
其實, 人生最緊要係健康...
沒有健康,
就沒有快樂,
沒有自由,
自己痛苦,
周邊人都痛苦...

兩日好頻樸

奶奶一直話要死要醫生同佢"做嘢",
仲同大姑奶講哂遺言應該d 嘢點做點做...
星期六下午飲完茶就上咗奶奶傾嘢..
最先就係問大家明唔明白奶現在係去到咩情況,
依樣嘢其實係講俾老爺知,
因為佢成日都無表達, 唔知佢知道幾多
(even 醫生同佢講咗咩事....)
跟住就係講咗奶奶張佢d 嘢點樣分配俾d 仔女,
然後就係傾奶奶既身後事想用咩形式,
依樣嘢, 最難搞都係老爺,
因為最難就係最初話無所謂,
跟住又話咁咁咁,
有時d 嘢, 唔係話你突然間要轉就轉到,
好似上次我地結婚單嘢就知啦... (好彩上次搞得掂咋)

其實我同大姑奶都好明白,
當日係唔會講到d 咩結論...
但就定咗星期日去睇"單位"...

到咗星期日, 八點半就起身,
真慘.... :(
約咗十點去沙田寶福山睇..... (真係熱到cc 下)
睇埋價錢, 拿埋都要廿萬一個位....

跟住行去就近既西林寺,
d 位同價錢都ok, 但我就覺得佢個"碑"係茶色..
好似黑咩咩咁, 我就唔鍾意囉....

睇完, 食飯... 下午, 再去粉嶺....
先到龍山寺, 我熟路啦~~~
先帶去六樓最貴既位睇.... 百幾萬一個... 真係呢~~~
個景就真係超級無喇,
但貴到嚇c 人呢....

走返落去睇薘瀛仙館,
好多位已經無哂,
而且好似好舊咁...
但老爺好似幾like 咁, 周圍去睇....
全部位都係露天既,
一來無咩位可以揀,
二來無人帶領, 行到身水身汗....

唉.... 好攰呀...

你會點揀? 你會點揀?

人生, 基本: 衣食住行....

如果, 你雙手不能動, 包括手指, 手臂....
同時, 你雙腳不能動, 包括腳指, 大腿....
同時, 你不能進食, 只能靠鼻喉"飲"營養粉....
同時, 因為插咗鼻喉, 說話困難....
唯一, 是你的思維無影響, 很清晰, 很清楚發生咩事....
有口難言, 有手難動, 有腳難動,
呼吸要用呼吸機,
食嘢要用鼻喉管.

你... 還想存活嗎?
周邊的人會擔心,
仍覺得你還生存.

但當你選擇離開,
脫離痛苦,
周邊人會傷心, 痛苦...

你會為別人而生存?
還是為自己脫離痛苦而選擇離開?

你... 你會點揀? 你會點揀?

今年老公生日....

一定要記錄老公的生日:

話說自四月九日奶奶入院,
跟住黃家都為奶奶的身體擔心....

4/6, 老公生日前一天,
我的planning 係 5/6 零晨攞個haggan dazs 既蛋糕出切,
因為5/6 晚會去食buffet,
我怕食得太飽就食唔落個雪糕蛋糕...

點知.... 人算不如天算....
4/6 那晚, 奶奶話"快d 俾我死啦~~~"
可能因為無大便好幾日,
"焗"住"焗"住咁, 好辛苦,
再加上肉瘡好痛,
唔可以打側身瞓, (因為打側身就氣喘)
好忟所以咁講嘢,
但聽係佢既仔女心上,
當然唔開心, 大家都為之擔心....

探完病, 我叫佢去飲下嘢啦... (其實係想佢relax 下)
我係屋企, 一路諗住快d 沖涼,
ready 相機等等....
到佢回家, 心情仲差咗,
一路打機, 一路同我講,
我對阿媽唔好,
一直都無好好照顧佢,
一直都無參與屋企既事,
有次去食飯, 奶奶明明唔食魚,
佢竟然叫老公去揀條魚食,
老公揀咗條白瓜子,
奶奶仲話好好食添....

仲有就係奶奶發病後期,
佢地去哂返大陸,
我地去奶奶屋企睇下佢同食飯,
老公特登去買咗條貴魚,
蒸完仲餵埋奶奶食,
佢其實知道奶奶唔鐘意食,
但都要奶奶食.... (其實奶奶唔知係唔好意思推定係真係想食魚)

我見佢咁既心情, 仲點可能攞個蛋糕出嚟呀?
我決定第二日朝食啦~~~

好喇, 到咗第二日朝,
我攞咗出嚟...
佢話唔食住, 要今晚先食喎....
(吓.... 又搞亂咗我個planning)

跟住出咗去海洋公園玩囉...
佢當時心情呢, 都算ok 既,
我諗佢係暫時放低先啦~
我覺得等佢曬下太陽同出下汗,
個人會輕鬆d, relax d......

當晚去咗城景閣食buffet,
我同老公都覺得d 嘢食真係麻麻地,
係d 蟹腳同sushi ok 少少....
老公話正餐食唔飽,
所以食咗好多甜品,
係一反佢唔鐘意食甜嘢習慣....

因為食得太飽既關係,
最後都無食到生日蛋糕呀~~~
唯有第二晚先食哂佢...
跟住先送埋份禮物,
完成咗佢既生日......

準備老公的生日

今年係結婚後同老公過的第一個生日...
我既生日, 老公俾咗好多驚喜我....
所以佢既生日, 我都好想俾d 驚喜佢~~~

昨晚, 走咗去haggan das 買咗個蛋糕,
其實我唔食得凍嘢呀,
但好想試下佢出既蛋糕囉...

問咗老公, 佢想佢城景閣食buffut,
我雖然見到open rice d 人既意見好似一般般咁,
我原想揀cafe express, 因為佢既蟹腳好大隻,
但佢想去城景閣, 我諗諗下就訂咗位喇...

我問佢想去邊度,
佢話OP 喎...
我諗佢係唔想我出咁多錢,
我去睇OP 個website 時見到生日位唔駛錢之外,
帶同的一位同伴係有半價優惠,
咁仲好, 真係平好多,
我見佢原價$280, 依家$140, 抵喎~~~

最後就係最傷腦筋既既生日禮物喇..
原本諗住買ipad/手提電腦/oylmpics MOD相機,
但又怕佢話"side"錢, 肯定俾佢話...

最後我決定買筆啦~
佢著T-Shirt 會插住一支既...
咁買咗俾佢, 佢可以用,
又可以收藏....

但最緊要係, 我無時間買喇,
明天就係.... 點算好?
最後, 我中午食完飯,
拿拿臨走去搭叮叮,
我都驚遲到呀,
因為我唔知係time square 邊度,
第二就係叮叮行得好慢,
我個心又好急....

諗諗下, 算啦, 遲到就遲到啦,
去到times square, 已經一點零五分....
嘩... 無時間喇....

最終用咗廿分鐘就俾埋錢, sales 同我包埋花紙,
個sales 真快~~~

好彩返到公司都係一點四十分....
遲少少, 又熱喇喇,
最終完成哂...
等待明天...... hehe

心傷

昨晚去醫院探奶奶,
大姑奶話醫生同佢講過,
依家既情況最好就係要插喉,
因為佢喉嚨既肌肉已經無力,
所以已經食唔到嘢,
之前入急証時插咗既鼻喉唔可以除,
因為係俾營養奶粉佢,
但飲奶, 奶奶會肚痛,
所以已經轉咗其他嘢...

另外就係佢咁既情況,
唔可以係觀察病房,
要轉番E5 既普通病房,
而因為佢既情況,
依家只能夠係等,
唔可以出院喇....

跟住我同大姑奶入去睇奶奶,
奶奶又想講嘢,
但就唔知佢講嘢,
大家又超級無敵估估下.....
但今次唔成功囉....
 
我出番去, 見到老公...
眼淚忍唔住流出嚟,
即刻走咗去厠所冷靜番....

大家坐係的士,
心情沉重,
人生無常,
唯只能活在當下...

cook

http://www.daydaycook.com/recipe/2/section/201/index.html

超級無敵估估下....

奶奶因為個口戴咗呼吸機,
佢發唔到聲,
個口又插咗條喉,
佢想講嘢, 問嘢,
但我地無人估到佢講咩嘢?

真係要玩超級無敵估估下喇,
但難度最高既係,
奶奶身體唔郁得,
講又講唔到,
口形又只係"mat mat"下咁....

終於我估到奶奶想轉下個膊頭,
阿V 估到奶奶想問入院個件衫去咗邊?
同埋大姑奶估到奶奶個pat pat 痛想墊高個身.....

奶奶又入伊院

15/5 奶奶出院後, 聽大姑奶講佢係屋企情況都唔係太好.
好多時都要用呼吸機,
即係情況已經轉壞...

26/5, 奶奶個心口痛,
佢話要入院....

唉... 大家聽到都唔開心...
到咗星期日, 我地去探完奶奶...
老公好似無咩咁,
其實佢係好擔心,
整晚都無瞓過...
可能佢郁嚟郁去啦~
我都醒咗兩次...
兩次都見到佢"ma"大對眼....

依刻, 講咩都無用,
叫佢唔好擔心咩?
真係"side"氣啦~~~

今日, 阿ming 話去照超聲波,
睇下bb 係仔定女...

我係樹諗,
人生就係咁,
依邊箱為生病而苦,
那邊箱為生育而緊張...
人生離不開生老病死...


note: 今日牙"交" 又好緊...

牙"交" 好緊

今日個牙"交"超緊,
忍唔住問一問阿金,
佢問我咩事咁咬牙切齒,
我話無嘢喎...
我問佢咁即係代表咩?
佢話可能係緊張or 有野忍住唔講又好想爆,

可能係星期日抽天使牌問我會否有BB?
抽到是" 就去做吧"....
跟住昨天突然有一個人whapsapp 我,
佢識得生命數字,
話我會有突發性既事會發生,
我問佢是好是壞,
佢就問我係咪想有bb....

因為我怕希望越大失望越大,
所以一直唔太相信,
亦都無同任何人講...

神奇地,
講咗俾阿金知,
牙"交"又好似無咁緊....

阿金話:

信任當下就好，壓力大都對懷孕有影響的，只要做好準備，同天使講，我準備好迎接我的小朋友，放輕鬆就好了

就去做吧!

問題: 今個月我會唔會有BB?

第一張: 就去做吧!
"你的祈禱與正面的期許已經被聽見與回覆" 我不太相信, 是真?是假? 但又狂喜....

飛出來的牌:

專心服務: 你的靈魂只渴望快樂地服務,沉浸在源源不絕的狂喜中..

使自己扎根: (另我想到要在依個家扎根) 雖然在天際飄遊是快樂(即自由自在), 世問還是需要你的投入與努力.....

海洋: 單是想像自己沉入具有療效的大海懷抱, 就能發揮有益的成效... (今日曾dl 海洋wallpaper)

請求: 請我們來協助你處理這個狀況, 而我們會立即為你出面..

老公病了, 暫時不用做, 是否有暗示?

奶奶情況仍不穩定

自從20/4 轉咗入胸肺科,
個邊d 醫生同護士都好好多,
起碼d 醫生會聽病人家屬既意見,
但護士都係因為太多嘢做,
無俾水佢飲....

轉入嚟之前, 因為去唔到大便,
搞到奶奶好辛苦...
到咗昨晚, 又開始幾日無大便,
又係谷住谷住咁,
聰明既老公話: 不如第二日食蕉,
我即時話要買大蕉,
細佬話唔好, 好少食大蕉唔知有咩反應...

其實昨晚既情況都令人擔心,
因為大姑奶同佢抹身同換衫,
跟住食嘢, 一開始食菜,
食咗幾條就氣喘,
跟住買咗既义燒飽都唔想食....

見到好心痛囉...
明明想食, 但又食唔到,
氣喘完, 攰, 叫我地走又唔走...
七點幾話走,
之前單過俾老公知佢氣喘完會好攰,
老公見奶奶咁樣,
已即時叫我地走人,
正當我地走時,
二姑奶又到....
最終搞到七點八先走人....
奶奶成個下午無得瞓已經好攰,
仲要"餐"住到我地走先可以休息下....

老公話, 依家佢食嘢已經開始有問題,
如果返屋企之前唔開喉,
佢唔夠營養之餘,
返屋企可能頂唔到一個月....

又想依據奶奶意思唔想咁辛苦,
但大家又唔想佢咁早就走...
真係人生的決擇......

我今個月是否會有小朋友?

第一張牌: 心輪
"愛是重點所在... 你可以安心的打開心扉去愛以及被愛"
一張女神張開雙fly, 手放於心...
打開心扉, 我覺得對老公, 我已經做到...
看到依張牌的文字自然諗到老公...
看到女神感覺平靜...

洗牌時有一張牌飛出嚟:犒賞自己
"你最近付出過度, 現在該是你接受的時候...施與受的平衡是很重,
有助於你的能量, 心情與動力持續在顛峰狀態"
諗起去醫院探奶奶...其實真係好攰...
但今日去咗西貢走咗一轉, 算唔算义咗電呢?

洗牌時突出嚟既牌: 大好時機
"現在正是你實現靈感的大好時機"
我可以夢想成真?

洗牌時突出嚟既牌: 海洋
"最好能花點時間實地親近海洋, 讓它的力量與美淨你所有的擔心與憂慮"
咁橋... 我去咗西貢, 近海喎...

洗牌時突出嚟既牌: 請求
"請我們來協助你處理這個狀況, 而我們會立即為你出面"
我已經作出請了, 除非我做錯方式....

好唔開心, 好失望

好唔開心,
因為奶奶已經十日去唔到大便...
谷住谷住,
同姑娘醫生"溝通"咗好耐,
終於俾咗瀉藥佢,
搞到佢好肚痛,
仲不停咁講好辛苦呀, 好辛苦呀...
見到佢咁辛苦,
我真係好想喊......

到走時, 佢只係話去咗少少..
跟住臨走時,
我去厠所,
見到M 嚟...
個一刻, 我超唔開心同失望,
但係...老公既心情更加唔開心,
我... 真係好想喊...

衫

http://detail.tmall.com/item.htm?id=13259015527

奶奶情況, 令人擔心~~

昨晚去咗伊醫, 睇到奶奶既情況,
好令人擔心...

聽大姑奶講,
醫生想幫佢插喉,
可以一了百了,
但大姑奶堅持要到最後一步先做...

事源昨日係約咗伊醫d人睇借呼吸機情況,
咁啱大姐夫又請咗病假,
三姑奶又係樹...
工人姐姐阿V 覺得奶奶昨日情況唔係太好,
叫咗奶奶不如入醫院,
奶奶當然唔好啦~
跟住話同大小姐講好唔好,
奶奶當然又係say no 啦~~~

佢地去到奶奶屋企,
見到佢好難呼吸,
面都白哂, 即刻call 白車...

三姑奶話, 當醫生話要插喉,
奶奶即場呆咗,
嚇到又再喘氣....

原來佢地話奶奶已經有放棄既心,
諗住係屋企唔得就算數喇...

唉... 其實我去到醫院,
我個心都實哂,
直頭講唔到嘢...

但最唔開心,
當然係老公啦~
佢昨晚都沒覺好瞓...
唉, 唔擔心就假喇...
我提都唔感提呀~~~

奶奶突然入咗伊醫

暫時知道係因為呼吸有問題所以入咗伊醫....

為咗個呼吸機,
今朝大姑奶先打俾老公...
話二姑奶攞咗奶奶個身份証去登記攞呼吸機,
仲話今日會有人教點樣用....
大姑奶仲"申"話咁快約咗今日,
一定知我有時間既咩?

三點零, 老公send message  話奶奶已經入咗伊醫...
今晚要先去伊醫睇下咩環境先...

個心其實好唔舒服...
情況又會突然間變得咁快....
依家咁樣, 唔知捱得幾耐....

其實放完假後,
返工係多嘢做,
但係唔知點解就係特別攰...
我估係因為假期時照顧奶奶,
心理上特別攰...

真係唔想咁快要面對咁既事,
話就話依d 係人生必經階段,
但要面對時, 大家一定唔開心...
包括我老公...

老公唔開心

今天一整天都要照顧奶奶,
食完個美心早餐,
就即刻上去...
一入門,
就見到奶奶瞓咗係sofa,
原來佢坐直透唔到氣,
會"且蝦",
瞓係到會舒服d,
係唯有等到食午飯時先坐直...
但其實佢都唔係食飯,
因為佢已經食唔到solid 嘢,
要食粥...

跟住奶奶同老公傾偈,
話自己等唔得幾耐,
醫生都話佢上個月開始情況跌得好快...

因為長時間瞓, 血液唔流通,
老公同奶奶按摩........
見老公小心翼翼咁, 怕整親奶奶...
老公見奶奶氣喘,
聲都震埋問奶奶係咪好難抖氣.......

我知老公好難受...
佢無講, 我知...
所以走既時候,
我問佢去唔去酒吧...
佢話去一陣啦~~~

我明白佢既感受,
雖然我唔想佢再飲酒...
但依個時刻,
我更希望佢放鬆d,
事實係難接受,
點都要捱過去.......

生命密碼

http://www.wretch.cc/blog/caiyu/17089763

http://mohimga.blogspot.com/search/label/%E9%9D%88%E6%B0%A3

暈暈地...

話說melody 請我同camille 食tea buffet,
食雪糕(其實預計嚟m, 但唔理得咁多喇...)
因為食得太飽既關係,
我地由紅磡行去旺角....

行到旺角, 佢地話攰...
我見到有捐血站喎....
咁我話想去捐血啦~~

捐完, 都無問題嫁...
返到屋企, 要拆床單被單洗,
見到個枕頭好多一粒粒嘢..
掉哂落地下...
唯有吸塵, 抹埋地....
抹抹下... 頭暈暈...
唔係因為快m 到,
而係因為捐完血...
見唔對路,
即刻坐咗係厠所上面....
定咗大約五分鐘道....
無事... 但自己好驚下...
因為屋企得我一個人....

即刻早早上床休息....

多謝melody~

melody 你搵到新工, 
人工高咗,
可見到一個bright future,
可以脫離依家既苦海,
我都"等"你開心~~

只係, 先要請我同camille 食tea buffet~~~
太貴喇... 於心不忍,
但又大口大口咁食....
哈哈哈...

謝謝你~~~

媽媽

http://gohaveababy.com/Article/孕媽媽需要喝孕婦奶粉嗎？.shtml
http://blog.yahoo.com/_NH7R7WXE6E6MP3DPUPB4K35EKE/articles/37337/category/%E6%9C%89%E5%AD%95%E6%97%A5%E8%A8%98

http://blog.yahoo.com/_ALSAEHEKMAL4T5LQNOB7TVZNQQ/articles/75119

http://blog.yahoo.com/_ALSAEHEKMAL4T5LQNOB7TVZNQQ/articles/74839

今次應該又落空

雖然m 未到,
但依半個月以來一直諗住係中既....
但今日覺得似無咩機會,
再加上昨日情緒發作,
..... 唉 ....

講番昨日既事,
情緒真係好影響...
一直係諗住老公份工應該ok,
就跟住諗以後會有好多時間只得我一個人啦~~~
仲有就係結婚前我地只能每個星期見1-2 次面,
見多咗, 之後會因為老公要出差而見唔到面.....

諗諗諗, 昨晚問番老公,
佢話應該唔成事既多,
因為個support model 唔得喎....
個心當時定哂....

突然難受

老公話今晚要同那個外國人boss 傾下份工,
之前已經傾咗, 但有d 細節上面唔清楚,
搞到老公覺得份工雖然係可以俾到高人工,
但無好既support model,
佢係work from home 都無咩用...

我就兩方面睇啦...
一方面, 人工高咗...
一方面, 會辛苦咗, 因為半年都要飛...
即係我半年都見唔到佢...

我今日問佢, 你想要小朋友,
如果我有咗小朋友, 咁點算...
佢答"到時先諗啦~~"

依刻, 我有點唔開心,
有點難過...
我明白搵食艱難...
但我地結婚五個月,
我地就唔可以成日見面. . .
個心, 係唔開心既...

萬一有咗小朋友,
咁係屋企得番我一個,
我唔知頂唔頂到...
我仲要返工...

要考慮既嘢... 太多了吧....

抹發霉牆, 好攰....

依幾日唔知係咪因為天氣關係,
時冷時熱,
時濕時乾,
搞到個人好攰咁...
昨日仲勁呀~
係屋企抹牆....
咁大個人都未試過抹...
成間房過半既牆都發哂霉...
不過一抹就ok,
有d 可能太耐, d "即" 已經 "痴" 實哂...

抺完後, 我當然要眠一眠啦~~~ hahaha~~

食完晚飯... 再嚟...
今次係吸塵同抹地....

今次真係... 散哂....

結咗婚五個月喇..

不經不覺, 昨日原來係結婚五個月紀念....
時間過得好快...
咁就一齊生活五個月喇
諗番起之前我地遇到既困難,
依家叫做刻服咗,
依家既生活好free,
如果有小朋友既話,
大家就無依家咁,
想去邊就去邊,
想食咩就去食...

諗諗下, 唔好咁快有小朋友就好喇...

但... 咁樣好似好自私咁...

好燥呀~~

同事好燥,
一早返嚟發老脾,
我就受哂,
好辛苦....
搞到我都燥埋,
朱古力中...

好D, 但未完全ok~~~

數獨.... 獨數...

同事提起依兩個字....
數獨.... 掃毒???
獨數.... 毒素???

發夢

今朝好早就醒咗,
跟手當然係瞓番啦..
就發夢夢見自己m 到...
個心諗點解會咁嫁?
無理由咁早嫁?
應該再過兩個星期先到個喎...
心諗唔係又亂咗period 既時間下麻.....!?
 
嚇c 人咩~~~

悶...

係公司...
無嘢做....
好悶呀~~~

今年都係一個"har"既一年...
唔知係好定唔好....

諗下走去學下嘢先~~~

生日

今個生日, 老公買咗好多嘢俾我,
之前去咗葵芳, 買咗個銀包同散紙包...
 
生日, 老公同我搭車去咗佐敦的謝瑞麟,
買咗對對戒, 代結婚介指用, 兩隻加埋成萬蚊....
又買咗隻緣份介指俾我, 成七千幾....
又行咗去周大福, 買咗條手練俾我........

嘩~ 用咗好多錢呀~~
老公係咪short 咗?
你問我開唔開心,
我係開心加感動....
但好肉痛囉...
明知d 嘢邊有咁貴,
但都無計啦~~~
佢見到靚..... haha~~~

因為對對戒, 想刻我生日既日期,
留低咗要兩個星期先有得攞...

到咗10/3 去攞,
老公又俾個sales sale 買戒指....
點知睇睇下睇咗練咀....
有成0.51份.... 三萬幾呀~~~
嚇c 人咩~~~
最後老公都買咗....
話未來既十年都唔駛買禮物俾我,
計起上嚟每年三千幾都低啦~~~
但.... 我好好好肉痛囉~~~
但.... 我亦好好好感動~~~

我一直都唔敢相信,
有一個人對我咁好,
肯付出咁多俾我....
保護我, 照顧我,
我知道我一定要還.....
我怕別人付出多,
我還得仲多....
所以我唔習慣對方對我咁好...

25/2/2012

26/2 係我既生日, 一直都沒有話特別慶祝生日,
老公都有講過話去海洋公園,
但我覺得無咩新意啦, 又唔想郁喎...
其實係自己懶囉...

之前一日, 我係屋企無無聊聊,
老公叫我去搵嘢食,
我先搵紅磡周邊, 睇下有冇特別嘢食啦~~~
老公原本話去海逸那個酒店食buffet,
我打去, 話無哂位... 嘿嘿...
唯有再搵過啦~~~
搵下搵下, 搵咗間土瓜灣8度餐廳, 係8度海逸酒店酒店入面食buffet,
見d 嘢食幾ok, open rice 仲話可以攞住張coupon 有八五折...
訂咗話waiting list 第五個...
諗住無行啦...

出咗街, 行下行下先知係行去那個餐廳...
我話都未打嚟話有位...
我話都未講完, 就有電話打嚟話有位叫我地去...
我同個waiter 講話我唔記得print 個coupon,
佢話佢有可以俾我... haha~~ so good~~~
可以慳番好多呀~~~

一入去, 就覺得暈暈地....
因為個地係斜嫁...
入到餐廳, 又一暈, 又係斜既....
不過d 嘢食, 又真係幾好幾新鮮...
食到我地好飽飽.... 好滿足.... hehe

bb web

http://www.baby-kingdom.com/forum.php?mod=forumdisplay&fid=23&page=2

Calculation

http://www.ovulation-calculator.org/tw/

龍年運程

http://hk.weibo.com/events/fate2012/


http://www.discuss.com.hk/viewthread.php?tid=17470071&extra=page%3D2&page=3

http://beauty.esdlife.com/tools/pregnancy/index.php

http://www.youtube.com/watch?v=1mmdHTlAbIA&feature=related  Dance

又再等待...

上次食炸湖....
如無計錯, 今日開始係不安全期,
老公同我做了.
仲要無那支嘢既幫助...
係痛既... 不過無之前咁樣接受不了...
做完之後... 有血絲出現...
又令我諗起唔通係膜?
但之前應該無咗了吧...
因為之前都係有成功過既...
今次無嘢幫助, 好似無咁入...
但起身以後, 有點頭痛...
又有點想嘔...
可能係中咗... (但無理由咁快?)
又可能係我作感冒...
唉...
唔好亂諗嘢...

等待..

想嘔, 唔知係作病定係點...
一整日, 諗唔知係咪有咗...
買咗驗捧捧...
但要等明天一早先驗得.,..
好心急...
萬一唔係, 我估我會放鬆+小小失望...

結婚三個月喇..

啱啱過咗既15/1 就係結婚三個月喇, 時間真係快, 咁就三個月, 不經不覺. . .
問自己適應嗎? 其實無咩適唔適應既, 因為就算係同阿媽佢地一齊過生活,
凡事都要互相遷就...
而有件事係開心既,
就係sex 既問題好似有進展...
人人都話要生龍b,
但我地連開始都未成功,
又或者一知半解,
就係14/1 那晚, 我地好似係最成功既一次. .
連老公都話應該ok.
係一個好既開始,
只係我太dry, 要搵嘢幫助...
那次我feel 到佢係好開心...
我呢? 我係為成功而開心...
唔知幾時我係enjoy 呢?
時間吧....

善德女王

http://www.iqiyi.com/dianshiju/20100529/n16770.html