好煩....

我都唔知點解咁火,
聽到同事講嘢,
個心就火起上嚟...

同事: 公司無月曆呀... 我有一個呀, 不過太大喇... 我想要一個hello kitty 既, 靚d 麻
(我心諗, 公司無extra, 你又想要, 又唔想攞錢出嚟買, 又唔係責擔唔起? 如果比第三世界既人, 佢地跟本無得揀, 點解你唔知足呢?)

同事: 我都知自己衰喇, 但人係有要求麻...
(我心諗, 係, 你知自己衰, 但係一d 誠意都無囉....)

其實一d 都唔關我事,
但我覺得好煩囉,
成日咁講,
又成日自己同自己講嘢...
可以點樣令到自己靜d?

驚魂記

月經遲咗兩日，
決定今朝test 下，
唔知係咪緊張，
今朝醒之前個夢係我有咗，
咁我個心諗應該唔中嘅多。

試嘅時候都好驚，
我竟然係怕bingo,
除咗因為啱啱body check完影過相，
竟然係怕跟住會搞到自己無哂時間。

一分鐘就知，安全。
個心有一下放鬆，
好彩>•<

腸胃好虛喎...

唉... 睇嚟又要開始戒口...
凍嘢一向唔掂喇....
何況冬天就嚟...

最慘係無得食我至愛既义燒囉...
因為油喎...

又要飲多三劑中藥,
其實飲唔係問題,
因為都唔苦...
"我只想... 身體健康..."

too bad~~~

上星期去完台灣之旅,
可能因為食得太雜,
又食雪糕, 又食凍生果, 又飲凍果汁, 又食炸嘢, 又食"老水"嘢,
返到嚟香港,
兩晚去完大便,
肚下面兩邊都陰陰痛,
星期四 24/10 走咗去睇中醫,
醫師話我濕熱,
要調理一下,
煲咗三劑俾我食.

第一晚食咗,
肚仔痛去廁所,
去完真係無咗陰陰痛喎!

第二晚出咗去食晚飯,
食完先飲第二劑中醫,
但可能依日係公司發生太多事,
搞到成個人好攰, 好攰...
好快瞓著喇,
但去到零辰三點,
胃痛到醒咗,
打側瞓, 係無痛,
但都係頂住個胃,
好多胃氣,
又諗唔到呼出既胃氣係d咩嚟,
等咗一陣, 都係頂唔住,
要坐係身....
老公竟然無發現...
再呼多幾次胃氣,
突然覺得有d 異樣,
即刻起身去廁所,
點知起身時kick 到老公...

去到廁所,
即刻火山爆發咁,
抱住個廁所不停咁嘔... 嘔... 嘔...
太恐怖喇...
嘔到中段,
先知d 胃氣原來係d 中藥味...
咁嘔出嚟個d,
當然有強烈既中藥成份喇...

以我記憶, 我真係好耐好耐無嘔過...
今次係嘔得最甘既一次添...

嘔完, 個胃仲有d 痛...
第二日, 無哂精神喇...
而且都無飲到最後個劑中藥...

明天會去睇下中醫師...

放假第二天10/11

昨日食咗一個超難食嘅薯粉，
就回憶荃灣個間超好味紅薯粉，
今日終於食番碗喇，正！！！

放假第一天10/10

原來我未去過鯉魚門嫁，半天遊

改變

"當一個人有太多嘅改變，
性格都會改變。"

可能會變得堅強啲，
但亦可能會變得偏激，
可能會變得有自信，
亦可能變得怕事...

阿姐十八號last day

佢今日宣布做到下個月十八號，
可能一早估到佢會走，
大家嘅反應都係平靜嘅，
你問我有咩感覺?
我只可以講自從係上司同下屬嘅關係，
我對依個人無咩感覺，
佢仲話未知會唔會返嚟，
如果返最快下年五月，
咁即係停薪留職啦!
如果我唔走，
即係都有機會同佢工作。

個天對佢好好，
想返香港做嘢，
已經有條後路俾佢！

肥死人的中秋節

大獲喇！
今年過中秋過得特別肥.....

話說九月十九先係中秋，
十四號晚已經食咗三式月餅，
包括hazzan daz雪糕月餅；
大班冰皮月餅；
半島奶皇月餅，
每樣食少少都唔得掂啦!
仲有鼓油碟咁大嘅帶子，
夠勁喇！

十五號返阿媽個邊食晚飯，
魚，蝦，蟹齊哂，
老公食蟹糕都食到驚呀!

十六號約咗老死Cynthia 同 Kristie,
原本想食鐵板燒，
因為太貴去咗老趙食越南嘢！

最大獲應該係嚟緊十七號嘅中午六國buffet,
十九號嘅酒店晚buffet.....

今次仲唔肥死>•<

今晚食月餅

食到飽飽

堅強

我個心太脆弱了...
我要學會堅強...
不要輕易掉眼淚...
加油... 加油... 加油...

話人自私, 自己仲自私....

某人,某日,admin 姐姐話pantry 有生果食,
某人唔知道, 其他同事已經攞咗,
佢話大大聲話: 你地咁自私嫁.....
其實同事已經攞咗三個大大既生果一陣分..
跟住走咗去pantry,
攞咗巨蜂提子食埋先返埋位....

嘿嘿... 你食埋先返埋位呀...
邊個自私得過你呀??????????

頂唔住喇

昨晚又跳鄭多燕，
因為我無瑜伽呀零，
無跳第二隻，
試跳第四隻dvd啦，
大獲，跟唔到呀!
有d我直頭頂唔住，
停咗落嚟，
因為依part好著重下盤，
我做緊warm up,
對腳都已經頂唔住，
好免強咁做完，
對腳好似唔係自己嘅，
沖完涼，超眼瞓zzzzzz

某晚的日落黃昏

放工，正想落船之際，
見到美美的日落，
忍不住拍咗一張...

發夢 (01 sept)

瞓得唔好, 成晚發夢:
自己蹲咗係地下,
雙手包住一隻快要"乎"出既雞蛋,
希望用自己手既溫暖令隻蛋"乎"化出雞仔,
等了又等, 等了又等,
等咗好耐,
跟住用手張d 蛋殼脫開,
真係有隻雞仔"乎"咗出嚟;
我又攞第二隻,
又做住同一個動作...
等等等....
我又張d 蛋殼脫開,
今次只係得番d 蛋黃...

我隔離有一個人,
應該係我老公,
睇唔清楚個樣,
但佢同我做住同一個動作,
但每次都只係得蛋黃..

個夢, 隔咗兩日,
我仲好記得,
昨晚同老公講起,
佢話原來我不停咁講嘢,
唔知講咩?
係我講嘢嘈醒咗佢,
又話我成晚又熱又凍咁,
搞到佢都瞓唔到.

我通常都唔會記得發咩夢,
因為我一直唔覺自己有夢發,
只係次次都係老公講俾我知....

老公話有雞仔咪好囉~
但我覺得係話我知凡事莫強求....

唔開心

昨日, 其實又想逃避唔返屋企食飯,
最後都係返咗,
食飯時:
爸: 你聽晚唔得閒嚟食飯咩?
我: 做咩呀? 我唔知喎..
媽: 個餐啱啱好呀, 多咗佢咪突咗一個人囉, d 湯邊夠分呀? 不過可能victor 唔嚟, 唔嚟就ok 囉...
爸: 咁咪叫多d 餸囉, 唔得既咩?
媽: 會, 多咗人會叫多d 餸既...

真係好hurt, 原來我連後備都不如,
食完飯, 洗埋碗,
都未夠九點, 我走人喇.
返嚟屋企都唔夠一個鐘...

我後唔後悔返屋企呢?
唔後悔, 起碼俾爹d 知道,
我係被人孤立咗,
點解我會咁唔受歡迎?
唉... 我都唔知,
總之我在意既人,
人唔在意我,
個心真係好hurt, 好hurt...

沖涼時, 我忍唔住喊咗出嚟,
係咪個心好d?
好d 吧...
只係每次提起,
感覺so bad

台灣

http://blog.yahoo.com/_JXAHTJXFWQNQ4ATLTT5YPUGGYI/articles/44474

開始跟鄭多燕跳舞(二)

見跳咗第三隻一個月喇,
由昨日起(18/8)就開始跳第一隻,
嘩.... 一開始就跳得好快... 好快...
跟唔跟到? 唔算跟到, 幾辛苦都跳到最後....

我跟住仲要抺埋地呀....
D 汗水, 無停過... 勁勁勁呀....

最奇就係, 今朝起身, 發現D 小便,
點解咁淡色既?
唔通昨晚流汗流得太多???
今次真係咩毒都排哂喇.....

今日發現腳仔好軟.... 好軟....
好攰.... 好攰.....
但我無諗住give up,
好想再跳....

啱啱跳完,
發覺一開始跳時就發現條腰好酸軟....
但都要continue 喇... 頂住上呀....

最後, 有d 步法無跟哂,
因為真係頂唔住....
其實之前跳個隻,
都有d 係跟唔得哂,
但盡跟囉....

要同自己加油先~~~ FIGHTING FIGHTING FIGHTING~~~

Blog

http://blog.yahoo.com/_6YBYNV553P26BBFXTGPN4L4EVM/articles/page/10?compact

澎澎聲...

上星期四, 老公出去飲酒,
我等到一點半都未返,
我頂唔住瞓先....

點知老公醉咗,
成日拍醒我... 搞到我瞓得唔好...

第二日, m 到,
唔知係咪因為瞓唔夠,
我夜晚去廁所時,
唔覺佢流咁多,
當我想起身時,
覺得暈暈地,
再望個廁所,
嘩~ 紅到好似黑色咁~~~
嚇到我仲暈暈地....

立刻飲多d 水,
然後食番兩粒金沙,
補充番d 糖份先...
 
但... 飲水, 就即係要去廁所啦....
又係咁..... 又係紅到黑色咁...
我沖完涼, 即係走去瞓覺,
因為行得快都暈呀.....

星期六約咗melody 食飯,
佢話我應該係做咗運動,
血液運行好咗,
所以量都多咗....
但... 都唔好一下子咁多呀~
嚇死人咩~~~~~

開始跟鄭多燕跳舞

自從阿ming 話想買鄭多燕dvd,
我就上網serach 下, 原來youtube 好多嫁....
18/7開始食完飯一個鐘後就試跳囉....

我呢... 好免強咁跟哂佢d 步驟,
但我知有d 地方係錯咗既...
但已經跳到我好攰....
第二日仲大腿痛, shoulder 痛添....

跟住19/7, 20/7 都有跳..
只係20/7 我跳完之後,
仲要吸塵抺地.....
真係成身散哂.....

但我會continue 跳既,
因為可以跳足哂,
對一個無運動既我嚟講,
係幾有滿足感既... hahaha

23/7 做到第六日,
右腳大脾開始痛.... 唔通明天要停

English Wording

Sinner 罪人
Downhearted 灰心喪氣的
Frankly 率直地
Sting 叮
Outburst 情感、力量等的)爆發 I apologize for my outburst just now.
Concrete 實在的; 具象的; 具體的 His plan is not yet concrete.

Johnson has been playing a prank on Jack. 整蠱Jack

瘦大腿....

http://welovemark.pixnet.net/blog/post/45554868

好震驚吓喎....
really work ma???
http://www.youtube.com/watch?v=IjM1Dp6QcHc  (1) 帶氧運　
http://www.youtube.com/watch?v=i5hHHDNilFM  (2)
http://www.youtube.com/watch?v=IwsrmwVvpxI  (3)
http://www.youtube.com/watch?v=AE4R5GgeTHA  (4)

鄭多燕喎... 不過睇嚟好辛苦下....
http://www.youtube.com/watch?v=pNtZi7LI9dc&list=PLohEJv2djRzzuQFiOamd-uye5rrzgHFOX
http://www.youtube.com/watch?v=5Ks0l9bJSUU
http://www.youtube.com/watch?v=6EPMXdffs1A
http://www.youtube.com/watch?v=5Ks0l9bJSUU

http://www.youtube.com/watch?v=pvbn3V-Ptoc

ex-bf

前幾日係whatsapp, 係樹仁個group 入面,
知道ex-bf 既消息...
佢已經結咗婚,
仲有一個八個月大既小bb....
我個心其實係突一突...

今日, 好偶然, 係七月十一日,
突然醒起係佢既生日.....

我係只係不停咁諗,
佢結咗婚, 我都結咗婚.....

時間真係過快,
同佢分開, 我估都有over 十年吧...

其實我無咩嘢,
只係突然有感而發...

發脾氣

好唔開心, 成日話早去早回,
即係幾點返? 一點? 兩點為之早返嗎?

點解要我一個人等?
係屋企幾粒鐘,
淨係玩電腦,
好悶~~~~~~~~~~~~~~~~~~~~~~~~

又話要生仔,
晚晚咁"早"返,
算吧啦

我決定以後要早瞓,
你遲返就遲返,
唔想返都可以,
我好嬲好嬲好嬲好嬲~~~~~~~~~~~~~~~~~~~~~~~

減肥

http://www.monsterparent.com/archives/28655

Baby

http://www.baby-kingdom.com/forum.php?mod=viewthread&tid=6751947&extra=page%3D1

http://www.baby-kingdom.com/forum.php?mod=viewthread&tid=7818180&extra=page%3D1

PVA 運動冰涼毛巾, 掂呀~~

老公用過, 話好掂喎.... 好涼喎~~~ hehe 好彩今次買啱嘢~~~

六月大餐

六月份, 食大餐:
5/6 去咗 the market 食buffet, 食咗我成千二蚊......
11/6 去咗和田食中午buffet.... farewell 阿v...... 飽到嘔......
12/6 去咗貢食海鮮..... 飽魚同龍蝦..... 正到暈....
14/6 返麗城新星做父親節..... 又係一大餐.....
15/6 去紅磡彩福做父親節..... again .... again....

婦科檢查

記得上年年尾, 去咗老公用開既髮型師,
佢叫ivy, 好熱心同我傾有冇諗過想生小朋友...
我話有呀, 但想搵個好既中醫師調理一下...
佢就介紹咗個中醫俾我....

後來我睇咗兩個月,
都無咩起息,
跟住無理佢啦....

前個星期去搵ivy 剪頭髮,
佢即刻問我點,
我話睇過, 都係咁啦....
佢即時話叫我去睇下西醫check 下....

我心諗, 結咗婚, 好似要定期做婦科check...
我就一直無做....

心突然一急,
就問下phyllis 我幾時可以做checking...
因為我啱啱加左保單...
驚check 咗有事唔保就麻煩....

我whatsapp 咗佢, 第一日無回應喎...
第二日咪再問下....
佢竟然同我book 埋1/6 去check, 問我okay 唔okay...
我當然話好啦~~~
聽聞book 婦科要一個月嫁..... 真係多人到呢.....(可能再加上多咗大陸人睇...)

到咗1/6, 見到phyllis,
原來佢咁啱要做checking,
又咁啱同佢一齊book 既朋友唔可以check 住,
又咁啱我又想check 喎....

話就話book 十二點,
上到去一點, 叫我地行下,
一個鐘先好返嚟...
真係搞到二點幾先睇.....

check 咗, 無事喎...
醫生問咗好多嘢,
m 有冇痛呀? 幾時m 嚟呀? 認真想做有幾耐呀?
原來我錯就錯在: 原來想做, 時間都要啱先得...
要在排卵期前兩日一次, 排卵期個日一次, 總之就隔一日先做一次...
因為佢話精子係可以停留48小時喎....

不過咁, 因為我年紀大,
醫生幫我寫紙, 自己去book 政府個d 做子宮checking,
又寫多張係俾老公check 精子既......
話依d 排期都要一年喎......
我心諗, 排咪排囉.... 怕過咗四十歲醫院唔受我個case.....

電視劇

www.natnatvip.org

http://www.dailymotion.com/cn/relevance/search/hors3201/1

DRESS

http://item.taobao.com/item.htm?spm=a2106.m874.1000384.d13831.DvaAUF&id=19121727021&scm=1029.newlist-0.bts1.1623&ppath=&sku=

螺絲小姐要出嫁

https://www.youtube.com/watch?v=QJleTzTFNq4

Sport

https://www.facebook.com/photo.php?v=148409742002068

買衫記

昨晩去阿媽屋企食飯,
放咗工先去行一陣荃灣先...
行到一間舖頭,
見到件衫都ok....

sales girl 話好睇,
仲襯理我著緊條褲.....

俾錢時, 佢先問我皮膚好點keep,
我話我唔化妝,
又比較早瞓....
跟住又問係咪未結婚,
又問我夠唔夠三十歲...

傾傾下, 原來大家都有個共同問題,
就係都係想生小朋友,
不過佢想生,
係因為男朋友唔肯結婚,
想有咗嚟結婚......

我話咁樣好無保障喎,
係咪有小朋友就一定結婚先....
再加上佢男友晚晚都去玩....
跟本唔定性....

佢話佢細我四年,
其實都差唔多係結婚既時候,
只係男友唔肯....

又聽到隔離舖d sales 話一齊咗十幾年都唔結婚,
最後男人有咗第二個,
飛咗佢.....

唉... 女人就係咁,
女人既光輝時間唔多,
過咗三十幾就唔經貴.....
又怕男友唔要自己....

其實我話單唔單身,
都有好同壞處,
只係睇下你點諗....

如果真係有咗而男人最後都唔要你...
咁既身世咪仲慘.....

sofa 到

6/4 張新sofa ($3,999) 終於到了.....
雖然同實物, 即係demo有少少分別,
但color ok,
張sofa 我同老公都好like.....
昨日去咗宜家買掛衣架.....
最近都係大出血喇...... hoho

依家等埋月中張天使二變 ($14,800).....
等呀等呀等呀~~~
快d 到喇..... yeah~

2/4 Dinner with St Margaret FD

昨晚好開心, 年年出席都只係四個人,
今次多咗紀茹,
佢好耐無出席,
自從個次約過佢,
佢竟然唔記得咗,
放工後好開心咁返咗屋企....

個件事應該係上年既打邊爐事件喇.
今次見返佢,
原來佢依幾年發生咗好多嘢,
入個醫院兩次,
可能係因為天生血管thin 既問題,
暈暈地咁, 企唔到之外,
原來最近佢已經兩個月無返工,
因為工傷, 撞到條腰,
依家行路小腿痛....

之前有一年開茶餐廳....
兩公婆又quit 咗份工,
兩個人背包旅行大陸個幾月....
又北京又香格里拉,
仲係香格里拉病倒一個星期...

其實之前佢病倒,
無搵出個病因,
可能就係唔想知...
佢都有講過話可能我命不久矣....

可能就係因為咁,
佢就做哂佢想做既嘢.......

令我又有另一種體會......
人生無常,
珍惜眼前,
想做就去做吧....

安室耐美惠之演唱會16/03/2013

超級開心,
可以係香港睇到安室之演唱會....
係香港歌咪等咗好耐好耐,
到佢出度20周年開既演唱會....

當晚好high呀,
個個都企係身,
又拍手, 又跳,
我無起身跳,
但見到佢唱歌...
我覺得好感動呀~~~

有d 位我係眼濕濕既.....

同埋我坐既位置好近台,
可以好清楚睇到佢既真人呀~~~

當晚我叫到把聲失咗....
但返到屋企仲high 到三點都瞓唔著....
仲想開啱啱買返嚟既dvd 再睇多一次添呀~~~

如果每年都嚟一次就好喇.....
(雖然會破產.....) 哈哈....

安室奈美惠香港騷 3小時少說多唱 (16/03/2013)

【明報專訊】日本天后安室奈美惠出道20周年亞洲巡迴演唱會前晚終於來港開騷，苦候多年的過萬名歌迷興奮跳足全場。安室比起台灣站演出更惜字如金，近3小時表演只說了3句話，用累積多年的實力與歌迷親切接觸，數小時勁道十足的演出幾乎沒有休息，盡現舞台女王的氣勢及魅力。

前晚捧場的歌迷不少跟台上的安室奈美惠同樣打扮，更有昂藏六呎留鬚男子像安室般紮了多個髮髻，穿彩色短裙及高跟鞋出現。安室以1995年的Body Feels EXIT揭開序幕，與14名舞蹈員在多層舞台上勁舞，精彩燈光編排更甚具睇頭，唯獨音樂頻頻出問題，安室亦不斷調整耳機。日前被拍到咳嗽的她在唱完第2首的How to be a Girl，亦咳了幾聲，但完全沒影響之後演出。

安室奈美惠重現19歲

雖然安室只在In The Spotlight （TOKYO）時大喊了句I Love Hong Kong，以及完結時說「多謝」及「拜拜」3句話，安歌前在後台亦只是舉牌示意稱很高興見到香港歌迷。話不多但溝通全無隔閡，不時大送飛吻及甜笑，聽到歌迷大合唱更按着胸口表示感動，一顰一笑逗樂歌迷。Go Round及Yeah-Oh等都演唱英文版，明顯為照顧海外歌迷，並在不同方向的觀眾前企定演唱，照顧每個角落的粉絲。

這次一如東京巨蛋演出，當獻唱A Walk in the Park和Sweet 19 Blues期間，一邊播放安室19歲時的青澀模樣，現場的安室則重現當年跑步和撥劉海的動作，令全場捧腹，更大讚她比當年更年輕漂亮。

《海賊王》作者繪畫賀安室

漫畫《海賊王》作者尾田榮一郎亦為演唱會揮筆繪畫片段，內容為漫畫主角齊為安室慶賀出道20周年。當獻唱日劇《我無法戀愛的理由》插曲Love Story時，更播放劇中主角香里奈及田中圭為演唱會特別拍攝的片段。昨天安室在facebook上載完騷後於後台高舉V字手勢的照片，感謝香港演出順利完成。

記者：高玉燕

買咗張&quot;天使二變&quot;

昨晚, 好趕好趕咁,
即刻係jusco.... 應該係AEON先啱,
我即時申請咗張AEON 信用咭....
因為申請咗, 買咗可以分期付款....

老公即時入咗AEON 會藉....
因為買嘢有九五折.....

最主要目的,
係買張OSIM 既"天使二變"....
因為申請咗信用咭,
可以分期俾張椅, 即係$14,800.....

另外老公由請張咭... 又可以有九五折喎....

仲有, 申請咗信用咭,
仲可以平多$30 添.....

即係... 平咗足足$770.....

哈哈............

雖然要到四月中先有貨....
但我會等等等... hehehe

本地薑助聽器揚威海外

力滔有限公司行政總裁張日耀展示「清晰聽」兩款型號，包括附設藍牙及收音機進階版（圖左）及普通版（圖右），分別售5000及3000元。（陳淑安攝）

集中收集正面聲音 隔環境噪音

【明報專訊】由7名港人組成的研發團隊，前後花近10年製成革命性助聽器「清晰聽」，上星期擊敗來自全球84個國家336個科研項目，獲「資訊科技界奧林匹克」最高殊榮。助聽器集中收集正前方30度聲音，並阻隔雜音，更加入藍牙功能方便講電話聽音樂，令聽障者生活更方便。

奪資訊科技奧林匹克大獎

香港資訊科技商會會長方保僑認為「清晰聽」能揚威國際，全因它能改變世界，為世上近6.5億人帶來新希望。世界資訊通訊與服務業聯盟（WITSA）上星期頒發被業界譽為「資訊科技界奧林匹克」的「環球資訊及通訊科技卓越成就獎」，由7名港人研發的助聽器「Easy hear清晰聽」奪得，擊敗各地政府及大企業的科研項目，勇奪最高殊榮的「主席大獎」。

傳統助聽器可理解為一個擴音器，透過收集及擴大鄰近所有聲音，令聽障者能克服障礙。本身聽力僅餘4％的扶聽公益會主席李嘉耀指出，傳統助聽器有消除噪音功能，但效果不理想，使用時會受四方八面的噪音干擾，長期使用會引致頭痛。

「清晰聽」為世上首個成功將早見於1970年代的波束成型技術商品化的儀器，透過該技術，清晰聽只會收集並擴大使用者正前方左右兩邊各30度的聲音，並阻隔其他方向的雜音。研發的力滔有限公司行政總裁張日耀表示，新技術最高可以消滅70％的噪音，令聽障者能清楚聽到對話，改善溝通。

李嘉耀表示，過往40年曾用超過30款助聽器，部分售價逾8萬元，但都不能提供清晰的話音，除影響他接收資訊外，亦令他有發音問題，形成溝通障礙。兩年前開始使用清晰聽後，終能接收清晰的話音，交談時不會聽錯之餘，發音亦開始改善。

藍牙版聽電話音樂

除了助聽功能，清晰聽更加入藍牙及收音機等功能，使用者可將智能電話透過藍牙接駁清晰聽，從而享受智能電話的功能。李嘉耀坦言以前只能以短訊與人聯絡，不能講電話，有了清晰聽後終於能講電話及好好享受古典音樂，聽得清所有樂器的聲音。

爹d 終於配咗助聽器

昨日四阿姨同爹d 去咗配助聽器....

其實要令一個老人家戴依d 嘢,
一d 都唔容易,
因為好似俾人知你隻耳仔有事,
但依個好似幾好咁,
因為戴咗, 人地以為你聽緊收音機,
部嘢又有藍芽,
可以聽電話.

個外形都唔錯呀~~~
不過就貴咗d 咁囉~
成$5,700...
係四阿姨出錢既.....

今次真係要俾10個叻四阿姨!!!

http://news.sina.com.hk/news/20121029/-3-2809749/1.html  (白色個部)


咁啱個昨晚有返屋企食飯,
了解咗原來戴助聽器,
對於好嘈既環境,
係會令到用者唔習慣....

爹d 左耳已經聽唔到嘢咁耐,
對於左邊既聽覺接收,
雖要一段時間去適應,
好彩屋企係靜既環境,
醫生建議戴兩邊....
如果係好嘈既環境,
就好好戴一邊喇....

爹d 最初試戴,
突然聽到咁多車聲人聲,
話好嘈喎....
其實依個世界真係咁嘈,
只係你一直聽唔到啫......

上天還是俾選擇權我....

陰部又發炎了....
通常會係排x 期先會發生....

再加上之前做過一次,
老公話痛....
我都唔算enjoy 囉....

其實即係話個天要我再諗清楚,
你是否真的要小朋友?
是否一個合適的時候要bb 呢?

今天係排x 期完...
發炎又好番哂lu....

掛卵期出血... 擔心中

都係第一次咁樣....
明明2/2 係排卵期,
點解會有少少.... 好少既血出現...
好似想嚟月經咁....
因為腹部有少少脹痛...

我好驚, 一直無留意上網問下...
係咪有事呢?
會唔會影響生小朋友呢?

今日睇過一d 討論,
唔係成日係咁,
係無事既...
再睇下過多幾日點啦...