打咗個突.....

之前話說我經期嚟遲咗...
偷偷地, 佢又嚟喇,
但最搞鬼既係,
佢慢慢, 慢慢咁嚟得好慢,
拖拖拖, 拖咗5日先嚟洶湧而嚟,
仲要痛到爆燈,
原本諗住痛到要食止痛藥,
後來醒起食朱古力....
哎呀~真係死蠢喇,
連我至愛既朱古力都唔記得食...
一食, OK 喎,
絶對唔係心理作用,
係堅減痛咗一半,
係仲痛, 但接受到囉...

點知問題未解決,
依兩日, 右下邊暗暗痛,
中間又痛, 昨日已經係咁,
今日都係仲痛喎,
話就話頂得住,
但個心仲係唔安樂,
唯有今晚去睇個醫生喇...

其實我除咗痛,
遲咗經期嚟,
仲講埋每朝都有反胃,
作嘔既事,
仲有就係經期嚟時,
曾經痾咗一"pat"啡色物體,
不過依家差不多完喇,
醫生竟然講咗句話:
"咁你應該唔係小產..."
嘩... 真係打咗個突呀,
完全無諗過有依嘢嘢發生係我身上,
醫生話如果繼續流血,
就要去醫院照一照喇,
同埋家咁痛,
應該只係發炎,
中間痛, 有可能係輸卵管發炎,
右邊痛, 應該係盲腸有少少發炎

睇咗醫生, 食藥,
希望快d 好番唔痛喇....

終於到喇

遲咗15日,
大姨媽終於昨日到咗喇,
放下心頭大石,
我無事喇...

感性中...

最近見到小朋友,
我會諗起兩個字......

不育.....

失敗again

回上一章,
買咗支驗孕捧check 咗,
今次都係失敗既...

當個result 出咗嚟,
我自問自己有沒有失望定鬆一口氣,
兩者都無喎,
可能都預咗今次失敗既多...
所以沒有所謂既希望.

我依家自問自己,
係咪仲好想要bb,
我都答唔到自己...

應該係隨天意而行吧...
兩個人生活,
係freedom 好多既...... haha

遲咗5日

應該係9/7 嚟m 既,
但到今日14/7 都未嚟...
點解呢? 有好多因素...
最大獲應該係5/7-7/7連續3日飲凍嘢,
凍檸樂... 飲完係好正呀~
但其實預咗之後m 嚟會痛死囉...

仲有就係6/7 走咗去捐血,
唔知依個有冇影響,
我記得之前又係捐咗血,
跟住好快就m 嚟,
好似嚟得無咁好既....
但我始住飲紅棗水,
所以應該無事吧....

仲有就係依幾日都頭痛...
最後found out 應該係飲得太少水....

自從飲咗紅棗水,
反胃既情況已經改善,
但最近, 反胃情況又嚟過,
不過可能我食既嘢有影響,
應該要戒一戒....

其實8/7 晚, 已經開始忍忍作痛,
好似嚟料咁痛喎...
9/7-11/7 連續幾日都有痛嫁,
個仲痛係嚟緊咁樣痛喎....
但最後, 一滴都無嚟....

我唔係擔心有咗,
係擔心唔知有冇事...
但我都係決定睇下下個月有冇嚟先算喇,
不過今個月, 我一定要好乖... 好乖...
唔可以再亂嚟喇....