打咗個突.....

之前話說我經期嚟遲咗...
偷偷地, 佢又嚟喇,
但最搞鬼既係,
佢慢慢, 慢慢咁嚟得好慢,
拖拖拖, 拖咗5日先嚟洶湧而嚟,
仲要痛到爆燈,
原本諗住痛到要食止痛藥,
後來醒起食朱古力....
哎呀~真係死蠢喇,
連我至愛既朱古力都唔記得食...
一食, OK 喎,
絶對唔係心理作用,
係堅減痛咗一半,
係仲痛, 但接受到囉...

點知問題未解決,
依兩日, 右下邊暗暗痛,
中間又痛, 昨日已經係咁,
今日都係仲痛喎,
話就話頂得住,
但個心仲係唔安樂,
唯有今晚去睇個醫生喇...

其實我除咗痛,
遲咗經期嚟,
仲講埋每朝都有反胃,
作嘔既事,
仲有就係經期嚟時,
曾經痾咗一"pat"啡色物體,
不過依家差不多完喇,
醫生竟然講咗句話:
"咁你應該唔係小產..."
嘩... 真係打咗個突呀,
完全無諗過有依嘢嘢發生係我身上,
醫生話如果繼續流血,
就要去醫院照一照喇,
同埋家咁痛,
應該只係發炎,
中間痛, 有可能係輸卵管發炎,
右邊痛, 應該係盲腸有少少發炎

睇咗醫生, 食藥,
希望快d 好番唔痛喇....