銅鑼灣的HIP Sushi

去沙田食過, 真的唔錯, 係價錢貴咗d. . .

銅鑼灣的. . . 差. . . 唔會再去食. . .

茶樹油

話說擒日忙到爆. . .

在這之前, 我起身, 出門前,

好想聞一聞支茶樹油, 噴左一噴係頸上,

ok! 返工去...

一返到公司. .  就忙到爆, 煩到爆,

雖然d 野未必搞得掂,

但我都算係好平靜咁過,

最緊要係我無發脾氣.... (呵呵)

到最後俾人恐嚇我, 我都有d 驚,

但都ok 面對. . .

突然我發現, 最近有好幾次,

當會遇到大大獲or煩野時,

我都會先噴左茶樹油先,

反而令自己冷靜下來去面對問題. . .

覺得好神奇噢. .

好似有預感會遇到問題咁. . .

擒日, 忙到爆呀

話說阿姐返左加拿大, 通常有咩事, 都會同佢講...

一朝早返去, 知道有單發票係要俾錢俾總公司, 然後再將錢俾supplier,

但我都一早單左聲, 話唔夠錢, 咁緊係總公司頂住先啦,

我又要追幾間銀行, 叫佢地快d 落錢轉俾總公司,

點知匯記話個loan 既approval 未confirm 到. . .

o下! 依家先講, 點搞呀, 我失哂魂, 點算好呀. . . ???!!!

打俾匯記既manager, 佢話會繼續追下佢上司, 好快好快咁話. . . .

ok. .  等你啦, 諗諗下, 問埋其他銀行先. . .

打去交記, 佢話個loan 又要等老總批. . .

o下!!! 第二個打擊呀! 即刻問下有咩方法係唔駛批呀?

佢話得呀, 減細個loan amount就得. . . 諗左一秒. .

ok 你等我問一問我阿老總-張總, 佢話ok!

我即刻答應, 改文件, 傳真俾佢,

再同總公司講話d 轉數要改.....

依d 野, 全部都急住要做,

個刻, 你要決定做邊樣先,

通常依d 情況, 我都會比較冷靜去分析同知道邊樣緊要d. . .

再要打俾不同既銀行, 問佢地落左錢未. . .

簡直忙到廁所唔得閒去, 急都忘記哂,

最緊要d step唔好做漏做錯. . .

就係咁樣, 由九點半忙到十一點半,

兩個鐘頭好似打扙咁, 要快唔可以錯,

電話未停過. . . 超忙. . .

好喇, 十一點, 有d 銀行既錢未落到,

急都無用, 坐番係樹飲杯水先. .

又接到電話, 同事話有單煩野大大獲,

有張L/C 要星期二之前要開到, 佢以為有額度,

點知額度分佈唔係咁計, 依家銀行堅持唔以開. . .

o下! 唔係化, 問左GM 話死人都一定要開到. . . 唔係大大獲!

咁點算呀? 搞無可搞, 我問同事, 不如問一問前阿姐啦,

佢最熟呀! 我同同事走去問佢,

佢第一句就係話: 我以前一向都唔會咁做, 要plan 好哂先開L/C 既. . .

唉. . 我知呀, 但依家殺到埋身, 搞掂左先呀!

前阿姐算係咁喇, 肯同我地搞, 佢做埋今個月咋,

因為供應商好惡, 係前阿姐先搞得佢掂呀!

我地一直要求做stand by L/C, 佢唔肯,

前阿姐講一句, 搞掂! 真係不得不配服佢. . .

個陣講講下, 已經係差唔多五點喇. . .

銀行要再approval, 要等第二日先有消息. . .

唯有等第二日喇. . .

好啦, 諗住放工喇, 好累呀!

突然operation 那邊有人行黎, 問今日既付款係咪有問題,

佢家陣book唔到碼頭, 佢有個客今晚要貨喎. . .

o下!!! 即係點呀? 付款有問題, 我唔知會影響咁大喎. .

咁點算好呀? 另一個同事又行埋黎, 話俾唔到,

賠都賠死呀! 嘩. . 你咁嚇我, 我個心真係嚇到突左. . .

但個陣已經五點, 就算有錢都無用,

今晚係無計, 要佢地搵其他方法. . .

跟手佢地又問我明天仲有order,

book唔到就仲大獲呀. . .

又話依d 野, 一次都"嚴"多,

大佬呀! 我鬼知會咁大獲呀! 之前無試過. . .

我話今晚一定唔得, 你地要諗諗計先,

明天的應該無問題. . .(其實我都無信心. .)

係咁耍走左佢地

.............. 我到屋企, 好累, 累到講野都無力,

因為講電話講得太多喇. . . 面對左太多野. . .

我真的累了.......

 

突然醒覺

今日搭車, 突然諗到planning 依個問題...

佢話求婚, 但無講過幾時結喎,

即係話番轉頭, 得個講字...

佢最驚既planning, 無講過時間表...

我俾佢騙咗喇...

諗到依樹, 我真係好唔開心,

佢真係講講吓咋.

突然求婚

今日發生好多唔開心既事,

第一件就係我正日生日無得放假囉. ..

阿姐仔仲要放足兩個星期. . .

咁我點呀? 即刻搵到工走人囉. .

約咗男友出嚟食飯,

(其實係加上佢啱啱出差返港)

今晚傾電話, 又係傾到我好眼瞓時,

佢突然問我"不如結婚啦.. "

佢問我咗我好多次,

跟住我話" 咁就係求婚喇?"

佢話佢唔識浪漫,

我都明白喎.

但一世人一次,

咁就叫求婚? 係有d 失望囉.

但係算啦, 其實都預咗嫁俾佢,

只係時間既問題姐. .

佢咁一問, 搞到原本好眼瞓既我,

成個醒哂囉. .

發生咩事呢?

搞到咁多嘢出嚟?

太多突然喇. .

 

聽第一次, 好震撼心靈

http://www.youtube.com/watch?v=f8R5BJK_tgA&feature=player_embedded

橫綱拉面+街市海鮮檔

今日係3/1, 十二點就去到出哂名要係外面排隊既拉面店食中午. . .

叫咗個橫綱拉面, $38

同埋咖哩牛肉拉面. . . $40

兩個面都好好食, 個拉面唔錯, 價錢就中等啦, 最正係唔收加一,

最差當然係要咁凍既天氣係外面等位囉. . .

晚飯, 我地去咗街市食海鮮. . .  超. . . . 正呀. . .

我第一次食咁大隻既瀨尿蝦. . . 仲要係椒鹽整既. . . 想知佢有幾大隻?

菜心可以"六"得咁綠, 真係幾good 喎. .

隻瀨尿蝦既三份之一個身位, 係我隻電話既長度,

可想而知佢成隻有幾大隻喇. . .

再睇睇佢三份一既尾部份, 都有個電話既大半個身位呀!!!

仲有隻大蟹. . . 咦. . . 我食既時候, 好似無咁多羔喎. . .

莫非有人偷偷地食哂???

最後再加多個羊腩煲. . . 不過係食哂先影. . . 

埋單, $470. . . 好豪呀. . . 今年都唔可以再食咁既海鮮餐喇. . .