咁橋.....

話說之前佢地去旅行,
問都無問我,
我好唔開心...
係fb 講咗一句: 搞活動都唔預我....

昨日細妹生日,
我諗住上星期五會搞生日食蛋糕,
點知無搞到...

我今朝我情緒又唔知做咩發作..
又係道諗你地個個都有人錫,
有咩事都會溝通,
係無講我知,
搞到我好似陌生人咁,
我真係好在意, 好唔開心囉...
你地唔話我知,
咁我出現,
你地又無搞生日,
咁我都無失望既,
我當做番自己,
見下父母...
其實我唔想做到例行公事咁,
但無奈感覺如此....

突然收到爹d 電話,
我幾驚係阿媽出事,
因為好少可佢打嚟...
點知原來係問我今晚食唔食飯,
同阿敏慶祝喎...

實在太突然,
因為爹d 係唔會打俾我問我依d 嘢,
我估應該係佢睇到我fb 打既嘢,
而又無人問我,
所以佢先打俾我...

我講唔出係咩感覺.....
五味翻倒....

做織女

今天開始做織女,
希望成功喇....

又出事喇...

繼上個月遲嚟大姨媽15日後,
今個月竟然早嚟9日...
依鑊真係唔講得少,
搞到我心驚驚,
即時whatsapp Phyllis,
問佢之前睇婦科既女醫生contact,
我都預咗預約星期六係會delay 到好遲,
但都無計....
不出我所料,
要去到九月頭,
仲撞正當日我要去大新既body check,
咁啱哂喇,
一次過喇...

其實檢驗,
我知唔一定found out 到點解會咁樣,
但check 哂無問題既話,
起碼心安d...

唔返屋企食飯

通常星期四我會返阿媽屋企食飯,
但自上星期佢地搞去旅行,
問都唔問我想唔想去,
打個電話俾我真係咁難咩?
應該唔係囉,
係唔想我去囉....

一諗到咁,
我就唔想返屋企食飯,
點解家姐咁諗,
做父母既都唔提出: 咁問埋邊個得唔得閒呀?

如果連提都唔提,
我真係不值一提啦..
我既然係陌生人,
咁我又何須山長水遠去荃灣?

唔搵我, 我都唔想再提,
唔想再提....

紅水鞋

昨日返工落大雨,
著住水鞋返工去,
見到水"tum"唔駛避,
可以直接踏上去...
原來發現好好玩,
愛上落雨著水鞋~~~

打咗個突.....

之前話說我經期嚟遲咗...
偷偷地, 佢又嚟喇,
但最搞鬼既係,
佢慢慢, 慢慢咁嚟得好慢,
拖拖拖, 拖咗5日先嚟洶湧而嚟,
仲要痛到爆燈,
原本諗住痛到要食止痛藥,
後來醒起食朱古力....
哎呀~真係死蠢喇,
連我至愛既朱古力都唔記得食...
一食, OK 喎,
絶對唔係心理作用,
係堅減痛咗一半,
係仲痛, 但接受到囉...

點知問題未解決,
依兩日, 右下邊暗暗痛,
中間又痛, 昨日已經係咁,
今日都係仲痛喎,
話就話頂得住,
但個心仲係唔安樂,
唯有今晚去睇個醫生喇...

其實我除咗痛,
遲咗經期嚟,
仲講埋每朝都有反胃,
作嘔既事,
仲有就係經期嚟時,
曾經痾咗一"pat"啡色物體,
不過依家差不多完喇,
醫生竟然講咗句話:
"咁你應該唔係小產..."
嘩... 真係打咗個突呀,
完全無諗過有依嘢嘢發生係我身上,
醫生話如果繼續流血,
就要去醫院照一照喇,
同埋家咁痛,
應該只係發炎,
中間痛, 有可能係輸卵管發炎,
右邊痛, 應該係盲腸有少少發炎

睇咗醫生, 食藥,
希望快d 好番唔痛喇....

終於到喇

遲咗15日,
大姨媽終於昨日到咗喇,
放下心頭大石,
我無事喇...