佢又提喇, 原來又係. . .

話說男友啱啱從韓國落機, 係星期六, 初十四, 我接佢機, 先知佢夜晚要去同AY團拜, 我亦要同KITTY 佢地去STEPHEN 愉城屋企團拜...

男友返到屋企, 打俾我, 問我明天約咗幾點飲茶, 佢要較鬧鐘起身. . .

我提起自新年後好多人問我幾時結婚. . .

佢突然問: " 其實你想唔想結婚呀?"

我心諗又咁問??? " . . . . 想既. . . "

(我懷疑跟住既對答, 佢已經瞓著咗, 但佢竟然得到我喎. . .)

我問: "會唔會因為最近好多人問起你幾時結婚呀?"

佢答: "係呀, 阿爸阿媽吹我囉. . ."

吓!!! 咁吹都係件好正常既事嚟....

我問: "咁會唔會因為人地吹你, 你先想結婚呀?"

佢唔理我: "不如明天問你家姐, 結婚要點搞呀?"

我話: "吓! 我家姐結咗婚成廿年都有喇, 就係算, D 野都轉哂唔同哂啦. . ."

佢又唔理我: "我地去飲茶, 同你阿爸阿媽講話結婚好唔好呀? "

吓!!!  咁快講, 我未ready 喎. . .  嚇死我咩. . .

跟住我都唔記得傾過d 咩喇, 只係知佢傾傾下竟煞瞓著咗喎. . .

到今日, 去飲茶時, 佢竟然問我: "我昨晚返到屋企, 有冇打電話俾你呀? 好奇怪我今朝起身時, 個電話(屋企那個)係我身邊喎..."

吓!!!!!!! 你打過俾我都唔記得, 咁講過d 咩都唔記得啦. . . .

我即時問佢: "你擒晚有冇飲酒?"

佢話: "有少少啦, 兩杯仔既紅酒囉..."

咁都明白既, 佢中午先落機, 又飲咗紅酒, 係容易d 瞓著既. . .

咁樣, 令我悟出一個道理, 如果佢飲咗酒, 醉咗, 咁無論佢講過d 咩, 答應咗咩嘢, 都會唔記得既. . . . .

嘿嘿. . . . . . . . . . . .