睇中醫

今晚放工, 去咗睇中醫, 係阿ming 介紹既..

點解我去睇中醫呢? 都係調理下姐...

其實最緊要既係: 公司個醫療保險到三月尾就到期renew,

中醫個邊仲可以claim 九次呀,

既然係咁, 我就當然要用到佢盡啦...

當然啦, 唔可以claim 得哂,

見到個醫師, 佢問我咩事,

我話都係調理下啦,

佢問我經期啦, 腸胃啦等等,

把完脈,佢問我個心口有冇"ngai"悶, 我話無喎;

佢問我個胃有冇痛, 我話無喎;

佢問我瞓唔瞓到, 我話晚晚一覺瞓到天光呀;

佢問我食d 咩, 我話中午帶飯, 夜晚返屋企食飯, 三餐定時嫁,

過咗時間我反而食唔落...

佢話佢把我脈, 心口既氣運行得唔好...

我即刻話: 係呀! 我最近條氣唔順呀!!! (終於講中)

又問我瞓幾多個鐘, 我話五, 六個鐘啦, 平時食完中午飯會瞓一陣tim~~~

因為下午既工作係好忙好緊張既...

佢話瞓中午覺係件好事嚟...

同埋我條根好緊.... 我話即係咩呀??

佢話你成個人都好緊, d 筋好緊...

我都係唔明白, 佢起身同我"練"膊頭個位, 嘩.... 即刻叫咗出嚟呀...

痛到呀~~~ 佢話我太緊喇... 緊到我自己都唔知道....

我心諗又可能係, 其實我個膊頭係好攰既...

成日都會同佢鬆一鬆既,

依家諗住食住藥先囉... 睇下得唔得先...