男友的奇遇

話說上個星期男友請咗病假, 放咗整整一個禮拜...

今日星期一, 返工日, 搭巴車返工,

上車無幾耐, 就有四個警察話要架巴士d 乘客落哂車, 唔知咩原因啦. .

跟住繼續搭車, 又遇到前面條路有個傻婆除哂衫, 唔知佢搞咩. . .

要等警察嚟到維持治安啦...

就係咁搞法, 咁就搞到成十點先返公司... 當然係遲哂大到啦...

返到公司, 因為佢間公司俾人收購咗. . .一直無咩動作既時候,

今朝收到料話fired 咗大老細... 真係amazing 呀~~

傾傾下, 因為佢上年既假期仲有8.25日, 而要係三月份清哂佢...

即係話........ 佢即時放假, 放到三月三十一日..... 即係放兩個星期啦...

真係呀~~~ 成日都有咁多假期. . . 仲要一次過放咁多日假... 嗚嗚.....

好喇... 放假... 佢即時搵保險睇下可唔可以claim 到啦... 我仲send message俾佢,

叫佢食粒香口膠先... 因為佢少講嘢, 個口氣好勁下~~~~ (hehe)

見完保險, 知道兩邊都可以claim 到, 都算係咁啦, 鬆口氣...

跟住佢返屋企附近, 去買蝦仔釣魚仔, 俾佢釣到兩條斑呀....

佢將佢地放生咗.... good~~~

其實釣釣下魚, 竟然俾佢撞到阿mann,

其實前個星期, 撞佢阿mann 既老婆, 知道阿mann 既哥哥對關節好有心得. ..

又咁橋撞到阿mann, 即時約咗佢阿哥第二日去睇下佢阿媽....

釣釣下, 又撞到第二個人, 就係話幫我地計吉時那個人,

搞咩呀~ 突然遇到意外, 又突然話唔駛返工, 又遇到兩個佢想搵既人.

. . . 跟住我話: 可能係因為星期日我同佢地屋企人係龍山寺整咗三盞燈....

其實我只希望佢地屋企人快d 好番,

我俾咗盞燈佢, 又有咩所謂呀~~~ 

後記: 仲有一樣呀~ 就係今日收到229張相呀. . . 係羅浮宮個d 相呀~~~

嘩. . . 200蚊就有229張相. . . 超抵呀~~ 雖然佢完全無執過,

但有一張係我地未見過嫁. . . 超開心呀~~~