更唔明

OK, 前幾日知道1/7係你阿媽生日,

咁我同你講, 不如嗰日同佢講啦,

你話好. . .

我諗住依D 係開心既事, 應該講俾大家聽,

而我知道講俾爹D 聽, 最好一早講定,

等佢有心理準備同俾佢諗下...

OK, 星期二我先同佢講, 而阿媽一早知道...

到咗今日, 中午約飲茶,

我知佢好驚, 但我唔知佢驚D 咩...

佢一早到新星, 咁我先到酒樓,

跟住到爹D,

佢突然話, 唔, 不如依家講啦,

我話你想講就講啦,

講完無幾耐, 三家姐就到,

我唔明白你點解唔想講俾其他人知,

可能係後著吧...

到咗飲完茶, 行出去時, 媽咪行到最後,

佢又同我阿媽講. . .

唉. .  點解要係條街樹講呢?

明明諗住飲茶一齊傾下,

你搞到收收埋埋咁,

即係咩意思呢?

依樣嘢係唔見得人嗎?

講得咁偷偷摸摸?

why why why?

到咗食晩飯, 因為坐得遠, 佢無機會講.

到同佢屋企人分開, 佢話: 點解會咁呀? 咁唔順利呀?

無機會講呀....

我心諗, 無機會嗎? 我真係唔明白咩叫做無機會,

又係要講得偷偷摸摸的... 唔俾得人知既...

行行下, 佢講: 我明天打電話同阿爸阿媽講...

嘩, 大佬, 你都好求其喎.

點解會咁唔尊重依件事呢? 點解要等無人既時候講,

點解唔可以我在場講???

點解唔可以面對面講?

如果係咁, 我仲咩要揀今日呀?

就係諗住大家人齊, 俾大家知道,

你知唔知搞到我好似迫你結婚咁呀?

由一開頭, 我話結婚,

到你叫我問我家姐結婚d 嘢,

我又唔明白喇, 依d 唔係男家做,

點解係女家做呀?

家陣唔係你來娶我嗎?

好, 我問我家姐, 咁你就可以一d 都唔理嗎?

我唔見得你對結婚有行動,

只係我叫你做你就做...

咁究竟你係咪想結婚呢?

以前講到好想同我結婚,

點知到真係做時,

我唔見得你想做...

你係咪為咗我要結婚而結婚呢?

我係咪為咗你要生小朋友而結婚呢?

我係咪為咗年紀而結婚呢?

連我都覺得好混亂