啱啱炒大獲

佢打來, 話唔明白點解會令到我唔開心,

我已經做咗一半喇, 即係同我爹D 媽咪講咗,

今晚係無時間同佢自己既阿爸阿媽講姐!

我話我無諗過依D 嘢只係雙方既父母知,

其他人係唔知得既,

你叫我問我家姐結婚D 嘢點做,

我話你既然叫得我問, 咁即係公開啦,

我無諗過結婚都唔可以公開囉,

你要收收埋埋,

等到幾時先講呢?

你又話即係要佢自己做哂.

咁即係我無做過嘢姐?

大佬呀, 我起碼已經同咗屋企人講,

問咗朋友定日期應該點樣定,

依D 嘢, 唔係女方一個人做哂,

我叫你點做就點做吓嘩,

你話你無做過, 莫非我有做過嗎?

你話你唔知點做,

如果一個人想做一件事,

係咪會自動自覺去搵D 嘢先,

你一句話唔知點做, 就將個問題推咗俾我,

仲話我唔同佢講應該點做,

大佬呀, 我點解要揀今日,

係因為今日你屋企個邊齊人,

你會因為齊人講出嚟,

我鬼知你咁鬼"樹" 只係諗住講俾你阿爸阿媽呀?

如果係咁, 我駛咩揀今日呀?

你一d 都無諗過點解揀今日,

係因為你阿媽生日, 咁你講咗出嚟,

係咪一個更好既生日禮物呀?

但你一d 都無諗過囉...

如果唔係因為咁,

下年我地自己定咗日期先講都得啦?

你一D 都無搵過結婚點做,

就話我無search 過,

咁你又點呢?

我就唔覺得你做過d 咩囉?????

你話你最後係一個人做哂點結婚d嘢,

你話你好想結婚,

你知唔知結婚如果只係我地兩個人既事,

駛咩講俾屋企人知呀? 大佬

你話你搞依d 嘢, 除咗要合乎雙方家長既要求,

仲要合乎埋我既要求,

但我都尊重你既意見過,

如果真係我叫你做咩就做咩,

咁係咪等於依個結婚係我自己一個人搞呢?

如果係既話, 你出聲囉,

fine!!!!!!! 我做哂佢!

因為我要結婚所以結婚!

今次係我既錯, 你咩都唔駛諗,

照我既說話做囉....

咁我同你講啦,

如果你係無諗清楚既,

就不如諗清楚先啦.

我唔想依樣嘢只係我一廂情願囉.

p.s. 我真係好激氣, 激氣到以為自己有"效"喘, 呼吸唔到, 食咗急救花藥, 休息咗一陣先無事,