終於見咗雙方家長喇

17/7 係大家見面既日子, 雖然約得好急,

因為星期五下午約, 星期六十一點就見面喇....

地點係綠楊既美心,

我心想, 大家見面, 肯定會有好多dead air...

好彩, 爹d 既應對都ok, 係佢帶開話題既,

而我, 當時既心情係有d 緊張, 個腦一d 都諗唔到要講咩, 開咩話題. .

其實我爹d 媽咪係住過紅磡, 依個係一個極好既話題...

anyway, 坐咗成個鐘, 大家係閒話家常加上食嘢,

無提出過最主要話題,

到咗個半鐘, 男友既阿媽終於都題出喇. . .

大佬, 依d 嘢係男家提出, 所以我地點都唔知點開口好. . .

but 終於都係咁易講, 最緊要定咗個日子先啦,

雙方都無意見, 咁即係點呢?

咪又係我地搵一日囉. . .

跟住講圍數, 我爹d 話未諗定, fine~~~

你未諗定, 都要有個數目, 否則我地定幾多圍好呢?

大約數姐, 我心中都有數啦... 只係實際人數就要諗諗喇.

食咗兩個鐘頭, 終於曲終人散... good!

同佢地分開咗, 我話不如去會展睇婚紗展啦,

唔係訂, 只係收集資料, 聽下都好. . .

佢初頭唔想去, 但最終都去咗. . .

攞咗好多資料, 酒席啦, 影相啦, decor 啦,

依家放哂係屋企. . .

真係要慢慢睇. . .