睇場

今朝九點幾起身,

再睇多次D 擺酒資料,

寫低咗D 想去酒樓既地址電話,

諗住由旺角雅蘭, 一路行過去尖咀,

先去迎喜飲茶, 再行雅蘭富臨. . .

不經不覺, 由差唔多一點, 行到七點半,

行到尾二個間, 先知道已經係七點半,

覺得超肚餓, 行一個一圈, 都係去咗大家樂醫肚,

跟住返屋企. . .

對腳, 家陣, 超累囉. . .

不過講番先, 其實睇中幾個場, 最啱我地心水係金皇廷, 因為各方面OK, 除咗留下唔算大體之外, 算係首選; 其次係佐敦迎囍, 包場既金額算合理, 但比較暗D; 另外仲有佐敦彩福, 紅當當那個場最啱個圍數, 18圍, 個場算靚, 但就只得18圍, 萬一多一圍都唔得...

以下係行既路脛:

旺角迎囍, 雅蘭中心3/F: 樓底矮, 有柱, 分細場就唔影響, 但如果要放廿圍, 就有影響;

旺角迎囍, 雅蘭中心4/F: 樓底高, 有柱, 柱離主台只有20呎, 影合照唔得, 約可開22圍;

旺角富臨, 雅蘭二期1/F: 樓底矮, 有煙味, 未入已即閃;

旺角囍臨門, 創興廣場6/F: 樓底一般, 無水晶燈, 場比較黑, 廿圍OK;

旺角富臨, 創興廣場5/F: 樓底一般, 背景板太細, 板一邊係玻璃, 一邊係雜物, 約廿圍;

旺角德興, 創興廣場4/F: 傳統DECOR, 無水晶燈, 感覺麻麻;

(行到依樹, 朋友阿朱打俾我, 話太子始創有幾間都OK, 原本諗住行向油麻地方向, 變咗倒轉, 先行咗太子先...)

太子煌府, 始創6/F: 樓底一般, 入口&入面decor 好grand, 白色, 有水晶燈, 可開30圍;

太子帝皇庭, 始創5/F: 樓底一般, 入面decor一般, 背景前有一級, for 影相, 但男友唔鐘意;

太子海港, 始創4/F: 樓底一般, 中式場, 場比較暗;

太子彩福, 始創1/F: 其實佢分咗4/F 同6/F, 但要去特定既lift 先去到, 個場前身係戲院, 所以樓底超高, 我同男友見到, 覺得好得: 4/F 最多放31圍, 可間開, decor 主力係紅色, 感覺較暗, 包場要14-16萬; 6/F 最多可放32圍, 不可間房.

太子京華, 聯合2/F: 樓底矮, 有粗柱, decor 一般;

太子好彩, 聯合3/F: 同京華一樣問題;

(跟住搭地鐵去咗油麻地)

旺角金都: 九龍行2-3/F: 樓底矮, 有粗柱, 2/F 可放25圍, 3/F 可放16圍, 台前有一級, 男友伸手已到樓頂...

旺角好彩, 九龍行對面: 樓底矮, 舊decor, 中式;

(油麻地原來無咩場, 係得一間花園酒樓, 但好唔掂...)

油麻地聯邦皇宮, 彌敦道363-373號: 有3/F 同4/F, 樓底一般, 最特別係4/F有個戶外場, 影相應該OK, 但晚黑就唔知個景有冇燈光, 因為當時只係四點零... 3/F 最多48席, 4/F 最多30席, 覺得個場太大. .

油麻地迎囍, 彌敦酒店1樓 (聯邦皇宮對面): 樓底幾高, 最多34圍, 包場11 萬, 有柱, 少少影響, 但有柱點都覺麻麻.

佐敦彩福, 彌敦道348號彌敦坊2/F: 兩邊場, 一邊超靚, 最多28圍,米加紫色場, 又係前身係戲院, 所以樓底又係超高, 另一邊最多18圍, 一樣超高, 全場紅色, 中式中加點點西式, 其實個場真係唔錯, 只係得18圍, 再多一圍都唔得....

佐敦聯邦, 永安九龍中心8/F: 樓底一般, 最多40席, 可以間開, 但有柱, 放席數應該會窄D;

佐敦囍臨門, 佐敦道31-37號百誠大廈3/F: 樓底矮, 18-20圍可包場, 包場無限金額, 有柱位, 比較暗, 留下大堂比較雜;

佐敦金御: 樓底算一般, 地方舊, 有射燈, 超大水晶燈, 超闊台;

佐敦金皇廷, 彌敦道238號2/F: 樓底算高, decor ok, 有射燈, 今年四月先開;

佐敦彩福, 莊士敦廣場2/F: 樓底高, 可坐南瓜車出場(賣點), 12 萬包場, 可開20-24圍