今日又搞掂一樣嘢喇-租衫

好開心今日行咗半日,

就搞掂咗租衫喇,

依間嘢真係幾good,

一入去先俾d 款你睇,

睇咗幾款就俾你試衫,

d 衫仲幾新淨,

佢叫我試d 簡約d 同誇張d,

睇下個效果...

真係一生人第一次著婚紗,

原來真係幾靚嗰喎. . .

(自己讚自己tim )

那個叫小燕既女仔,

真係知道我既心意...

只話想試A-Line 款, 佢話唔係人人著得到,

就俾我試一件,

著咗, 又得喎, 著得幾好咁喎,

只係我"yim"自己個hip 位太大,

著得唔好睇. . .

其實A Line 款最難著得好,

就係因為個hip 位太大,

暴露咗一個極大既缺點...........

跟手又試埋龍鳳掛,

最後當然要睇睇個價錢啦,

我心諗樓上舖, 應該無地舖咁貴,

點知...... 租5套只係$4080, 拖尾加$500

一共$4580, 跟住佢仲俾埋個vip 價,

只係$4180. . .

嘩. . . 好底喎, 五套喎. . .

我地諗咗一陣, 就決定俾錢. . .

佢係得一樣唔好, 就係只接受eps & 現金. . .

但佢地既服務, 真係幾好. . .

特別係那個小燕,

好快手, 又捉到我想要既嘢,

而那個peggy, 當然係生意老手,

佢到最後先話俾地知,

今日其實有booking 有人上嚟睇衫. . .

六點就開始多人喇.  . .

我地俾埋錢, d 人真係慢慢上嚟,

起碼有3 隊人呀....

可以佢生意唔少. . . .

勁呀! 我地都算好彩, 可以半日就搵到又平又正既衫. . .