係你唔明, 定係我唔明呢?

其實係結婚事上,

我最初係比較緊張,

因為好多嘢都唔識,

又想快d 搞好佢,

個人緊係"伩伩爭爭",

但最近依幾日,

係一提起,

你就火都嚟埋咁,

又話我唔明白,

我知你明, 我唔想有誤會,

先問清楚,

好唔係克意去問d 白痴問題,

但你今日話我  "點解你仲唔明白既呢. . .你仲唔明白呀. . . 你都仲未知我講咩呀. . . 點解一講親結婚既事你就發火呢?"

如果咁樣都唔叫做駡我, 唔通講哂粗口先叫做駡我咩? 對我既角度, 你一直係樹數我唔啱, 咁都唔叫做駡??? 講真呀, 你有冇諗過其實你係要迫我認同你, 你講既嘢永遠都係啱既...

我話D 價錢都係差唔多四至五千蚊既budget, 你就一直無提過budget 既問題, 你叫我點做喎, 好喇, 我睇哂d 場呀價錢呀, 個價都係咁上下, 你突然又話AY 同肥仔都係搞三千幾, 咁心諗, 你係咪想搵d 平d 呢? 咁我咪話去九龍灣個d 囉, 你又發老脾, 話我一時一樣, 咁你講得出, 之前無見你提起, 咪以為你最終想搵d 平, 咁咪去搵平囉, 咁又唔啱你意思, 咁你即係想點呀?

我唔知你想點, 咁緊係即場收聲啦, 你又話我做咩唔出聲, 又話我發老脾, 大老呀, 我真係唔知你想點囉.

好似結婚依單嘢, 你問咗你朋友, 早d 搵定酒席好重要, 但你一直懶懶閒, 如果唔係我話要去婚展, 唔係要去睇酒樓, 你諗住幾時去睇呢? 如果我地唔係一間一間去睇, 係唔知道睇場邊d point 既重要, 例如睇個場啱唔啱心水之外, 仲要睇埋其他特別嘢, 如台前有一級, 你唔鐘意就盡量避免, 又或者有d 酒樓既樓底係咁高/咁矮, 高係令到個場超靚既, 但價錢都係好貴. . .

最緊要係, 雖然好多地方仲有酒席, 但我地行最後一間, 就已經無場喇, 即係話, 嗰日係好日, 唔係所有人都等到一年先搵地方, 好場早於一年多前已經俾人落咗訂, 依d 咪就係點解我咁緊張, 一直想快d 定好場既原因. 你諗到既, 其他人都諗到, 係手快有手慢無. . .